ព័ត៌មានជាតិ

បង្ក្រាបទីតាំងល្បែងភ្នាល់ ជល់មាន់ តាមអនឡាញ និងឡូតូ ឃាត់ខ្លួនមនុស្ស៣នាក់

បានផុស

៤ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

គណៈបញ្ជាការឯកភាពខណ្ឌទួលគោក ក្រោយពីទទួលបានបទបញ្ជាពីលោក ឯក ឃុនដឿន អភិ បាលនៃគណៈអភិបាលខណ្ឌទួលគោក បានចុះបង្ក្រាបជាក់ស្ដែងទីតាំងល្បែងភ្នាល់ តាមអនឡាញ ជល់មាន់និងឡូតូ ដោយធ្វើការឃាត់ខ្លួនមនុស្សប្រុសស្រី៣នាក់ រួមទាំងសម្ភារៈមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការការនេះធ្វើឡើងកាលពីវេលាម៉ោង៣រសៀលថ្ងៃទី២៣ ខែធ្នូ ឆ្នាំ២០២០ នៅផ្ទះលេខ៦៤ ផ្លូវលេខ១៨៦ កែងនឹងផ្លូវលេខ២៥៧ ក្នុងមូលដ្ឋានសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

តាមប្រភពព័ត៌មានបានអោយដឹងថា មនុស្សប្រុសស្រីទាំង៣នាក់ដែលត្រូវបានឃាត់ខ្លួន រួមមានទី១ ឈ្មោះ សូខ ខៀន ភេទប្រុស អាយុ៧៦ឆ្នាំ។ ទី២ ឈ្មោះ សុខ ថាវរី ភេទស្រី អាយុ៣០ឆ្នាំ ។ និងទី៣ មានឈ្មោះ ភឹម សុខខេង ភេទស្រី អាយុ ២៧ឆ្នាំ ។

មន្ត្រីជំនាញបានបញ្ជាក់អោយដឹងបន្ថែមថា ទីតាំងបើកល្បែងភ្នាល់ តាមអនឡាញ ជល់មាន់និងឡូតូ ត្រូវបានមន្ត្រីជំនាញមូលដ្ឋានបានចុះធ្វើកិច្ចសន្យានិងបិទម្ដងរួចមកហើយ តែមិនបានប៉ុន្មានផងម្ចាស់ទីតាំងនៅតែផ្គើននិងបញ្ជារបស់ថ្នាក់ដឹកនាំ ទើបនៅរសៀលថ្ងៃទី២៣ ខែធ្នូ នេះ លោក ឯក ឃុនដឿន អភិបាលនៃគណៈអភិបាលខណ្ឌ បានបញ្ជាអោយកម្លាំងគណៈបញ្ជាការឯកភាពចុះបង្ក្រាបជាក់ស្ដែងតែម្ដងដោយឃាត់ខ្លួនមនុស្ស៣នាក់ និងដកហូតទូរទស្សន៍ចំនួន៣គ្រឿង កុំព្យូទ័រ១គ្រឿង ម៉ាស៉ីនព្រីនបុងចាក់១គ្រឿង។

លោក ឯក ឃុនដឿន អភិបាលខណ្ឌទួលគោកបានលើកឡើងថា លោក ឃួង ស្រេងអភិបាលរាជធានីភ្នំពេញ បានធ្វើការព្រមានរួចហើយថា ផ្សារណាអនុញ្ញាតអោយមានកត់កន្ទុយលេខក្នុងផ្សារ ត្រូវដកប្រធានផ្សារចេញ ទោះមន្ត្រីខ្សែធំប៉ុណ្ណាក៏ដោយ អោយតែពុករលួយ កាងពួកល្បែងខុសច្បាប់ និងគ្រឿងញៀន នឹងត្រូវប្រើអភិក្រមរបស់សម្ដេច វះកាត់ ដកចោលភ្លាមៗតែម្តង។

ក្រោយប្រតិបត្តការកម្លាំងគណៈបញ្ជាការឯកភាពបាននាំខ្លួនមនុស្សប្រុសស្រីចំនួន៣នាក់ទៅសាកសួរនិងកសាងសំណុំរឿងបញ្ជូនខ្លួនទៅអយ្យការអមសាលាដំបូងរាជធានីភ្នំពេញ ចាត់ការតានីតិវិធី៕

អត្ថបទ ៖ ស្រីរ័ត្ន