សកម្មជនសិទ្ធិមនុស្ស អ៊ុយក្រែន រុស្ស៊ី និងបេឡារុស្ស​ ឈ្នះពានរង្វាន់ណូបែលសន្តិភាព

សកម្មជនសិទ្ធិមនុស្សបេឡារុស្សលោក Ales Byalyatski ដែលកំពុងជាប់ពន្ធនាគារ រួមទាំងអង្គការសិទ្ធិមនុស្សរុស្ស៊ី Memorial និងអង្គការសិទ្ធិមនុស្សអ៊ុយក្រែន Center for Civil Liberties បានឈ្នះរង្វាន់ណូបែលសន្តិភាព ឆ្នាំ២០២២ ស្របពេលប្រទេសទាំង៣ កំពុងប្រឈមនឹងសង្រ្គាមយោធា។

ប្រធានគណៈកម្មាធិការណូបែលន័រវេស លោកស្រី Berit Reiss-Andersen បាននិយាយថា គណៈកម្មាធិការណូបែលន័រវេស មានបំណងចង់ផ្តល់ពានរង្វាន់កិត្តិយសដល់ម្ចាស់ជើងឯកឆ្នើមចំនួន ៣ ទៅលើសកម្មភាពសិទ្ធិមនុស្ស លទ្ធិប្រជាធិបតេយ្យ និងការរួមរស់ដោយសន្តិភាពជូនដល់ បេឡារុស្ស រុស្ស៊ី និងអ៊ុយក្រែន ខណៈលោកស្រីបានអំពាវនាវឱ្យបេឡារុស្សដោះលែងលោក Ales Byalyatski ចេញពីពន្ធនាគារ។

រង្វាន់ណូបែលសន្តិភាពដែលមានតម្លៃប្រមាណ ៩០ម៉ឺនដុល្លារ កំពុងត្រៀមផ្ដល់ជូនអ្នកឈ្នះរង្វាន់សន្តិភាពតំណាងឱ្យសង្គមស៊ីវិលនៅក្នុងប្រទេសរុស្ស៊ី អ៊ុយក្រែន និងបេឡារុស្ស ដែលពួកគេបានធ្វើការលើកកម្ពស់សិទ្ធិក្នុងការរិះគន់អំណាច និងការពារសិទ្ធិជាមូលដ្ឋានរបស់ប្រជាពលរដ្ឋ៕

ប្រែសម្រួល៖ សន្យា

ប្រភព៖ Reuters

ចុចអាន៖ ព្រះមហាក្សត្រ ថៃ យាងជួបគ្រួសារជនរងគ្រោះដែលស្លាប់ក្នុងហេតុការណ៍​សម្លាប់កុមារ