Aum បបួលក្រុមមិត្តជិតស្និទ្ធជប់លៀងធម្មតា មិនខ្វល់ព័ត៌មានស្នេហាប្រេះឆា

បន្ទាប់ពី​ព័ត៌មាន​ស្នេហា​ប្រេះឆារបស់ Aum បានសាយភាយពាសពេញប្រទេស​ មហាជនជាច្រើន​ហាក់​សង្កេត​ឃើញ​ថា​នាង​មិន​បាន​បកស្រាយសូម្បីតែបន្តិចណា​ ហើយថែម​ទាំង​បបួល​ក្រុម​មិត្ត​ជិតស្និទ្ធ​ជប់លៀង​ និង​ឈរ​ញុំ​សាច់​ជ្រូក​អាំង​យ៉ាង​ព្រងើយ។

ត្បិតថាស្នេហានេះ​មាន​រយៈពេល​ដល់​ទៅ៥ឆ្នាំ និង​បន្សល់​ទុក​តែ​អនុស្សាវរីយ​ល្អៗ ប៉ុន្តែ​ក្រោយ​តារា​ស្រី​លំដាប់​ជួរ​មុខ Aum Patchrapa បែកបាក់​ស្នេហា​ជាមួយ​ហៃសូ Pok Phornprapha មួយ​រយៈ​នេះ​នាងតែងតែងបង្ហោះនៅរូបភាពសប្បាយៗ​លើ​បណ្ដាញ​សង្គម​ ខណៈ​ថ្ងៃនេះគេឃើញ Aum បានប្រមូល​ក្រុម​មិត្ត​ដែល​យល់ចិត្ត​ ដើម្បី​ជប់លៀង​រំសាយ​ទុក្ខសោកកន្លងមក។

នៅក្នុងរូបភាពនោះ តារាសម្ដែង Aum Patchrapa បានជួបជុំជាមួយមិត្ត​សម្លាញ់ដែលមាន May Fuangaram, Chai Anantavee និងជាច្រើននាក់ទៀតចូលរួមកម្មវិធីជប់លៀងអាហារបែប​ជប៉ុន omakase ជាមួយ​នឹង​ការ​លេង​តន្ត្រី​​យ៉ាង​សប្បាយ​រីករាយ។ ក្រៅ​ពី​ការ​រាំ​កម្សាន្ត​ ព្រឹត្តិការណ៍​នេះ​ក៏​ធ្វើ​ឲ្យ​ទស្សនិកជន​ជាច្រើន​ផ្ដើម​ចាប់អារម្មណ៍​​ក្នុងដៃរបស់​នាងកាន់​បាយ​ដំណើប​សាច់ជ្រូក ហើយ​គ្រវីថ្នមៗទៅ​ជាមួយ​តន្ត្រី ដែល​បង្ហាញ​ថា​នាង​ហាក់​មិន​ខ្វល់​ពីការ​ប្រេះឆា​ស្នេហា៥ឆ្នាំនេះជាមួយអ្នកជំនួញវាល់លាន Pok សូម្បីតែបន្តិច៕

ប្រែសម្រួល៖ សាង ស្រីល័ក្ខ

ចុចអាន៖Matt ទម្លាយរឿង Aum និងជំនួយការ សុំទោសនាងរឿងចោទថា ជាជនទី ៣