សុំប្រពន្ធរួមដំណេកមិនបាន ប្តីខឹងដុតផ្ទះចោល

បុរសម្នាក់អាយុ៣៣ឆ្នាំបានដុតផ្ទះប្រពន្ធរបស់គាត់ក្នុងខេត្ត Buriram ប្រទេសថៃកាលពីយប់ថ្ងៃអាទិត្យបន្ទាប់ពីស្រ្តីជាប្រពន្ធមិនព្រមរួមដំណេកជាមួយគាត់។

បុរសជាប្តីឈ្មោះ Narongchan Paksarom ត្រូវបានចាប់ខ្លួនដោយប៉ូលិសស្រុក Satuek។ ការធ្វើតេស្តទឹកនោមរបស់គាត់បានបង្ហាញថា គាត់មានសារធាតុញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសរូបនេះបានជិះម៉ូតូចេញពីលំនៅដ្ឋានរបស់គាត់ក្នុងស្រុក Satuek ទៅផ្ទះប្រពន្ធដែលមានចម្ងាយ២០គីឡូម៉ែត្រនៅម៉ោង១០:៣០យប់ថ្ងៃអាទិត្យ។

ស្រ្តីជាប្រពន្ធឈ្មោះ Ratchaneekorn Yeeram បានប្រាប់ប៉ូលិសថា បុរសជាប្តីបានមកផ្ទះរបស់នាងដោយមានស្លៀកតែកន្សែងពោះគោប៉ុណ្ណោះហើយថា គាត់និយាយគួរឲ្យខ្លាច។ ប៉ុន្តែនាងបានបដិសេធរួមដំណេកជាមួយគាត់ហើយបានចាកចេញពីផ្ទះជាមួយកូនពីរនាក់ដែលមានអាយុ៤ឆ្នាំនិង៩ឆ្នាំ។

ដោយសារតែកំហឹង បុរសរូបនោះបានដុតផ្ទះ។ អ្នកជិតខាងខ្លះបានប្រាប់ប៉ូលិសថា គាត់ក៏បានយកកាំបិតគំរាមអ្នកនៅទីនោះផងដែរ។

លោក Narongchan បានសារភាពប្រាប់ប៉ូលិសថា ខ្លួនពិតជាបានប្រព្រឹត្តិបទឧក្រិដ្ឋនេះមែនដោយសារតែកំហឹងព្រោះប្រពន្ធរបស់គាត់បានបដិសេធរួមដំណេកជាមួយគាត់។

ទោះបីជាយ៉ាងណាក៏ដោយ នាង Ratchaneekorn មិនជឿលើលេសនេះទេ។ នាងបន្ថែមថា សកម្មភាពរបស់ប្តីនាងគឺដោយសារតែឥទ្ធិពលនៃគ្រឿងញៀន៕

ប្រែសម្រួលដោយ៖ Vann Vann

ប្រភព៖ The Nation