ព័ត៌មានជាតិ

អភិបាលខេត្តត្បូងឃ្មុំ៖ ខេត្តត្បូងឃ្មុំបញ្ចប់ការបោះបង្គោលព្រំដែនជាមួយវៀតណាម មិនអាចអ្នកណារំលោភអ្នកណាបានសូម្បីមួយមីល្លីម៉ែត្រ

បានផុស

៣ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

ខេត្តត្បូងឃ្មុំដែលមានព្រំប្រទល់ជាប់ជាមួយប្រទេសវៀតណាមប្រវែងជាង ១០០ គីឡូម៉ែត្រ បានបញ្ចប់ការបោះបង្គោលព្រំដែន ដែលធានាបានកិច្ចការពារបូរណភាពទឹកដីបានទាំងស្រុង។

ថ្លែងនៅក្នុងសន្និសីទកាសែតនៅព្រឹកនេះ លោក ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំបានបញ្ជាក់ថា ការបោះបង្គោលព្រំដែនជាមួយប្រទេសវៀតណាមក្នុងភូមិសាស្ត្រខេត្តត្បូងឃ្មុំបានចប់សព្វគ្រប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកលើកឡើងថា «ក្នុងប្រវែងព្រំដែន ១៤៣ គីឡូម៉ែត្រជាមួយប្រទេសវៀតណាម ខេត្តត្បូងឃ្មុំបានបោះចប់សព្វគ្រប់។ មានន័យថា យើងមានព្រំប្រទល់ពិតប្រាកដជាមួយប្រទេសវៀតណាម។ វៀតណាមមិនអាចមករំលោភទឹកដីយើងបានសូម្បីមួយមីល្លីម៉ែត្រ ហើយយើងក៏មិនអាចទៅរំលោភទឹកដីវៀតណាមមួយមីល្លីម៉ែត្រនោះដែរ»។

លោកបន្តថា «ចឹងទេបងប្អូនកុំបារម្ភអី ពេលយើងមានខ្សែព្រំដែនពិតប្រាកដ មិនអាចឲ្យគេមកយកទឹកដីទទេៗនោះទេ។ គេយកយ៉ាងម៉េចបើយើងមានព្រំប្រទល់កំណត់ច្បាស់លាស់ហើយហ្នឹង»។

ខេត្តត្បូងឃ្មុំស្ថិតនៅទិសបូព៌ាមានព្រំប្រទល់ជាប់ជាមួយប្រទេសវៀតណាមប្រវែង ១៤៣ គីឡូម៉ែត្រ។ ខេត្តមានច្រកទ្វារព្រំដែនចំនួន ៧ សម្រាប់ទំនាក់ទំនងនិងធ្វើពាណិជ្ជកម្មជាមួយប្រទេសវៀតណាមក្នុងនោះមានច្រកទ្វារអន្តរជាតិចំនួន ០១ ទ្វេភាគីចំនួន ០២ និងតំបន់ចំនួន ០៤។

បើតាមរបាយការណ៍របស់រដ្ឋបាល ខេត្តត្បូងឃ្មុំមានប្រជាពលរដ្ឋសរុបចំនួន ៨៧៤,៩៥៣ នាក់ស្មើ ១៩៩,១១៣គ្រួសារក្នុងនោះបងប្អូនខ្មែរឥស្លាមមានចំនួន ១១២,៦៥៧ នាក់ ស្មើ ២៧,១៩៩គ្រួសារ។ ខេត្តមានផ្ទៃដីសរុប ៥,២៥០.៥១ គីឡូម៉ែត្រក្រឡា មាន ៦២ ឃុំ ០២សង្កាត់ និង ៨៧៥ភូមិ។

ពលរដ្ឋប្រកបមុខរបរកសិកម្មមានចំនួន ៨៥% ពាណិជ្ជកម្ម ១៤% និងផ្សេងៗ ១% ខណៈចំណូលមនុស្សម្នាក់ៗប្រមាណ ១,៤៥២ដុល្លារ៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា