សន្តិសុខសង្គម
ចាប់ខ្លួនបានម្នាក់មកវិញហើយ ជនសង្ស័យដែលហែកបន្ទប់ឃុំឃាំងនៅខណ្ឌឬស្សីកែវ
ជនសង្ស័យម្នាក់ ក្នុងចំណោម ២ នាក់ ដែលលួចហែកបន្ទប់ឃុំឃាំងក្នុងអធិការដ្ឋាននគរបាលខណ្ឌឬស្សីកែវ កាលពីកន្លងទៅ ត្រូវបានកម្លាំងសមត្ថកិច្ច នៃស្នងការដ្ឋាននគរបាលខេត្តឧត្ដរមានជ័យ ស្រាវជ្រាវចាប់ខ្លួនបានហើយ និងកំពុងរៀបចំប្រគល់ឲ្យកម្លាំងនគរបាលខណ្ឌឬស្សីកែវវិញ។
លោកឧត្ដមសេនីយ៍ត្រី សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានឲ្យដឹងនៅព្រឹកថ្ងៃទី ២៨ ខែមេសា នេះថា ជនសង្ស័យម្នាក់ ក្នុងចំណោម ២ នាក់ ដែលលួចរត់ចេញពីបន្ទប់ឃុំឃាំងបណ្ដោះអាសន្នក្នុងអធិការនគរបាលខណ្ឌឬស្សីកែវ កាលពីកន្លងទៅ ត្រូវបានកម្លាំងសមត្ថកិច្ច នៃស្នងការដ្ឋាននគរបាលខេត្តឧត្ដរមានជ័យឃាត់ខ្លួនបានហើយ នៅព្រឹកថ្ងៃទី ២៨ ខែមេសា ឆ្នាំ ២០២៣ នេះ។ លោកឧត្ដមសេនីយ៍ត្រី បញ្ជាក់ថា នៅពេលនេះកម្លាំងនគរបាល នៃអធិការដ្ឋាននគរបាលខណ្ឌឬស្សីកែវ កំពុងរៀបចំកម្លាំងទៅទទួលយកមករាជធានីភ្នំពេញ។
អ្នកនាំពាក្យរូបនេះបន្ថែមថា ជនសង្ស័យដែលឃាត់ខ្លួនបានវិញនោះ គឺជនជាតិខ្មែរជាជនសង្ស័យជាប់ពាក់ព័ន្ធករណីលួចរថយន្ដ។ ចំណែកជនសង្ស័យជាជនបរទេសនៅមិនទាន់ចាប់បានទេ គឺកំពុងស្រាវជ្រាវ។
គួររំលឹកថា កាលពីល្ងាចថ្ងៃទី ២៥ ខែមេសា ឆ្នាំ ២០២៣ កន្លងទៅ ជនសង្ស័យ ២ នាក់ បានលួចហែកបន្ទប់ឃុំឃាំងក្នុងអធិការដ្ឋាននគរបាលខណ្ឌឬស្សីកែវ រត់ចេញគេចខ្លួនបាត់ពេលមេឃកំពុងធ្លាក់ភ្លៀងខ្លាំង។ ជនសង្ស័យម្នាក់ជាជនជាតិស្បែកខ្មៅ ជាប់ទោសពីបទឧក្រិដ្ឋជន(សម្លាប់មនុស្ស) និងជនសង្ស័យម្នាក់ទៀត គឺជាអ្នកលួចរថយន្ត។
បើតាមលោកឧត្ដមសេនីយ៍ត្រី សាន សុខសីហា បានបញ្ជាក់បន្ថែមថា កាលពីល្ងាចថ្ងៃទី ២៥ ខែមេសា មានភ្លៀងធ្លាក់ខ្លាំង ធ្វើឲ្យមានការឆ្លងចរន្ដដាច់ភ្លើង ហើយក៏មានការផ្អើលឆោឡោ ពេលកម្លាំងចូលទៅមើលក៏ឃើញមានការរបើកជ្រីប្រឡោះប្រហែលតូចជាងកន្លះម៉ែត្រ ដែលអាចឲ្យមនុស្សលូនចេញបាន៕
អត្ថបទ៖ សុខុម
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល