កីឡា

សុខ ធី និយាយក្នុងបទសម្ភាសមួយពីជនជាតិថៃខ្លះមើលងាយខ្មែរ

បានផុស

៣ years មុន

នៅ

ថ្ងៃសុក្រ ២៣ មិថុនា ២០២៣

ដោយ

កីឡាករប្រដាល់គុនខ្មែរ សុខ ធី បានផ្តល់បទសម្ភាសមួយដល់សារព័ត៌មានថៃដែលរូបគេនិយាយជាភាសាថៃជុំវិញស្ថានភាពប្រដាល់របស់ខ្លួន និងការមើលងាយខ្មែរដែលធ្វើឲ្យរូបគេមិនអាចទ្រាំនៅថៃបន្តទៀតបាន។

កាលពីប៉ុន្មានសប្តាហ៍មុន សុខ ធី បានសរសេរលើគណនី Facebook ថា រូបគេលែងទ្រាំរស់នៅទឹកដីថៃទៀតហើយ ពីព្រោះខ្លួនត្រូវបានហាមឡើងប្រកួតនៅទីនោះ។ សង្វៀនប្រដាល់ថៃមិនឲ្យរូបគេឡើងប្រកួត ដោយសារខ្លួនជាជនជាតិខ្មែរ។ នៅពេលហាមឡើងសង្វៀនបែបនេះ តើឲ្យខ្លួនចិញ្ចឹមប្រពន្ធ និងកូនដោយរបៀបណា។ រូបគេបានសម្រេចចិត្តនឹងនាំប្រពន្ធ និងកូនទៅរស់នៅកម្ពុជាវិញ ហើយអាចឡើងប្រកួតបានដើម្បីចិញ្ចឹមជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារខ្លីៗជាបន្តបន្ទាប់ទៀត សុខ ធី បានលើកឡើងពីការមិនព្រមឡើងប្រកួតដោយសារតែមិនឲ្យប្រកួតតំណាងគុនខ្មែរ។ សាររបស់អ្នកលេងគុនខ្មែរជាភាសាថៃរូបនេះបានធ្វើឲ្យមានការចាប់អារម្មណ៍យ៉ាងខ្លាំងទាំងនៅថៃ។ មិនត្រឹមតែប៉ុណ្ណោះមានអ្នកសារព័ត៌មានថៃបានទៅសម្ភាសរូបគេថែមទៀត។

ក្នុងបទសម្ភាសនិយាយជាភាសាថៃនោះ សុខ ធី បានប្រាប់«កម្ពុជាថ្មី»ថា ខ្លួនបាននិយាយពីអ្វីដែលខ្លួនបានជួប និងឮដែលជនជាតិថៃមួយចំនួនបានមើលងាយមកលើខ្លួន និងពលរដ្ឋខ្មែរ។ ការមើលងាយកើតឡើង បន្ទាប់ពីគុនខ្មែរត្រូវបានដាក់ចូលក្នុងកីឡាស៊ីហ្គេម លើកទី៣២ ឆ្នាំ២០២៣ ដែលប្រទេសកម្ពុជាធ្វើជាម្ចាស់ផ្ទះ។

សុខ ធី បានប្រាប់ពីអ្វីដែលបាននិយាយក្នុងវីដេអូនោះ ៖«ខ្ញុំនិយាយពីពួកថៃដែលមើលងាយកីឡាខ្មែរយើង។ ថៃអត់ចេះបែងចែកឲ្យច្បាស់លាស់ទេ ពួកថៃបាននិយាយថា កុំទៅវ៉ៃជាមួយខ្មែរ នាំឲ្យខូច នាំឲ្យស្អុយ»។

កីឡាករប្រដាល់គុនខ្មែររូបនេះបានបញ្ជាក់ថា នៅក្នុងវីដេអូនោះ រូបគេបាននិយាយច្រើន ប៉ុន្តែរូបគេមិនសូវចេះបកស្រាយនៅពេលនិយាយជាភាសាខ្មែរ ប៉ុន្តែគោលបំណងសំខាន់ក្នុងវីដេអូគឺបង្ហាញពីការមើលងាយរបស់ថៃលើខ្លួន និងខ្មែរ។

កីឡាករប្រដាល់មកពីខេត្តបន្ទាយមានជ័យ សុខ ធី គ្រោងនឹងធ្វើដំណើរមកប្រទេសកម្ពុជានៅដើមខែកក្កដាខាងមុខនេះដើម្បីពិភាក្សាជាមួយឧកញ៉ា ស្រី ចាន់ថន ពីផែនការដែលអាចផ្តល់ឲ្យរូបគេអាចនាំប្រពន្ធ និងកូនមករស់នៅកម្ពុជាបាន៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ សុខ ធី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា