ព័ត៌មានជាតិ

សម្ដេច ម៉ែន សំអន សាទរបេក្ខនារី លឹម សេរីហាន់នីកា បានទទួលពានក្នុងកម្មវិធី The Voice Cambodian រដូវកាលទី ៣

បានផុស

៣ years មុន

នៅ

ថ្ងៃចន្ទ ២ តុលា ២០២៣

ដោយ

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា បានសម្តែងការអបអរសាទរចំពោះបេក្ខនារី លឹម សេរីហាន់នីកា បានទទួលពានក្នុងកម្មវិធី The Voice Cambodian រដូវកាលទី ៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន សម្ដែងការសាទរបែបនេះខណៈអញ្ជើញជាអធិបតីក្នុងកម្មវិធី The Voice Cambodian រដូវកាលទី ៣ វគ្គផ្ដាច់ព្រ័ត្ររបស់ទូរទស្សន៍ហង្សមាស នៅផ្សារអ៊ីអនសែនសុខ រាជធានីភ្នំពេញ នារាត្រីថ្ងៃអាទិត្យ ២ រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១ ខែតុលា ឆ្នាំ ២០២៣។

សូមបញ្ជាក់ថា កម្មវិធីនេះបានចាប់ផ្ដើមដំណើរការមកអស់រយៈពេលជិតកន្លះឆ្នាំ ដោយគិតចាប់ពី ខែមេសា ឆ្នាំ ២០២៣ មកម្ល៉េះ ដែលមានបេក្ខជន បេក្ខនារី បានចូលរួមប្រកួតប្រជែងយ៉ាងច្រើនកុះករ ដែលបានសម្រាំងចេញពីតាមបណ្តាខេត្ត-ក្រុងនានា បានមកធ្វើការបញ្ចេញនូវទេពកោសល្យ និងសមត្ថភាពរបស់ខ្លួនជាបន្តបន្ទាប់ នៅក្រោយខ្នង Coach ទាំងបួននាក់។

ក្នុងវគ្គផ្ដាច់ព្រ័ត្រនេះ មានបេក្ខជន បេក្ខនារី សរុបចំនួន ៤ រូប រួមមាន ៖ ទី១.បេក្ខជន សាល បាទី, ទី២.បេក្ខនារី លឹម សេរីហាន់នីកា, ទី៣.បេក្ខនារី គឹម សុវណ្ណ, និង ទី៤.បេក្ខជន សួន សុវណ្ណចន្នី ដែលត្រូវប្រកួតប្រជែងគ្នា ដើម្បីដណ្តើមយកជ័យលាភី តាមរយៈការប្រកួតប្រជែងលំដាប់អន្តរជាតិនេះ។

ជាទីបញ្ចប់ក្នុងការប្រកួតនេះ បេក្ខនារី លឹម សេរីហាន់នីកា ទទួលបានជ័យលាភីចំណាត់ថ្នាក់លេខ ១ នៅក្នុងកម្មវិធី The Voice Cambodian រដូវកាលទី ៣ នេះ ដោយទទួលបានពានមួយ ប្រាក់រង្វាន់ចំនួន ១០០ លានរៀល។ ចំណែកឯបេក្ខជន បេក្ខនារី ដែលមិនបានលើកពានបានទទួលថវិកាឧបត្ថម្ភចំនួន ៤ លានរៀល ជាការលើកទឹកចិត្តផងដែរ៕

អត្ថបទ ៖ វិមាន

Related Topics:សម្ដេច ម៉ែន សំអន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា