សង្រ្គាមអ៊ីស្រាអែល-ប៉ាឡេស្ទីន ធ្វើឱ្យព្រះអង្គម្ចាស់អារ៉ាប៊ីសាអូឌីត គង់មិនសុខ

ចូលរួមកិច្ចប្រជុំកំពូលនៅទីក្រុងរីយ៉ាដ (Riyadh) កាលពីថ្ងៃសុក្រ ព្រះអង្គម្ចាស់អារ៉ាប៊ីសាអូឌីត បានអំពាវនាវឱ្យបញ្ចប់សង្រ្គាមនៅហ្គាហ្សា ដោយទ្រង់បានប្រកាសទៅកាន់មេដឹកនាំអាហ្វ្រិករួមគ្នា ជួយរកដំណោះស្រាយ។

នៅក្នុងសង្រ្គាមអ៊ីស្រាអែល-ប៉ាឡេស្ទីន ដែលសម្លាប់ជនស៊ីវិលជាង ១ម៉ឺននាក់ ធ្វើឱ្យព្រះអង្គម្ចាស់ Mohammed Bin Salman មិនពេញព្រះទ័យឡើយ ដោយទ្រង់បានស្នើឱ្យបញ្ឈប់សង្រ្គាម ដើម្បីកុំឱ្យមានការផ្លាស់ទីលំនៅដោយបង្ខំលើជនជាតិប៉ាឡេស្ទីនតទៅទៀត។

ព្រះអង្គម្ចាស់ Mohammed Bin Salman មានបន្ទូលក្នុងអំឡុងកិច្ចប្រជុំកំពូលអាហ្រ្វិក-អារ៉ាប៊ីសាអូឌីត ក្នុងរដ្ឋធានីរបស់ព្រះរាជាណាចក្ររ៉ាប៊ីសាអូឌីតថា “យើងថ្កោលទោសនូវអ្វីដែលហ្គាហ្សាស្រ្ទីបកំពុងប្រឈមមុខនឹងការវាយលុកដោយយោធា គោលដៅលើជនស៊ីវិល ការរំលោភបំពានច្បាប់អន្តរជាតិដោយអាជ្ញាធររបស់អ៊ីស្រាអែល”។

ក្រោយមានបន្ទូលទៅកាន់កិច្ចប្រជុំ ទីភ្នាក់ងារសារព័ត៌មានរដ្ឋអារ៉ាប៊ីសាអូឌីត (SPA) បានរាយការណ៍ថា មេដឹកនាំដែលចូលរួមក្នុងកិច្ចប្រជុំកំពូលអាហ្រ្វិក-អារ៉ាប៊ីសាអូឌីត បានរួមគ្នាចេញសេចក្តីថ្លែងការណ៍មួយ ដោយមានខ្លឹមសារថា ប្រតិបត្តិការយោធានៅក្នុងទឹកដីប៉ាឡេស្ទីនដែលកាន់កាប់ដោយអ៊ីស្រាអែល ចាំបាច់ត្រូវបញ្ឈប់ ហើយជនស៊ីវិលត្រូវតែការពារ។

មេដឹកនាំ​ដែល​បាន​ចូល​រួម​ក្នុង​កិច្ច​ប្រជុំ​កំពូល​នោះ​រួម​មាន ​ប្រធានាធិបតី​នីហ្សេរីយ៉ា កេនយ៉ា ហ្សំប៊ី ជីប៊ូទី និង​ម៉ូរីតានី នាយករដ្ឋមន្រ្តី​អេត្យូពី និង​នីហ្សេរីយ៉ា និង​រដ្ឋមន្ត្រី​ការបរទេស​អេស៊ីប៕

ប្រែសម្រួល៖ សន្យា

ប្រភព៖ Reuters

ចុចអាន៖ លោក Zelensky ថា អ៊ុយក្រែន មានផែនការមួយសម្រាប់ប្រយុទ្ធជាមួយ រុស្ស៊ី តែសុំលាក់សិន