នៅថ្ងៃទី៣០ ខែវិច្ឆិកា នគរបាលចរាចរណ៍ រកឃើញយានយន្តល្មើសចំនួន ២៣៦គ្រឿង

តាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក នៅថ្ងៃទី៣០ ខែវិច្ឆិកា ឆ្នាំ២០២៣ បានឲ្យដឹងថា រកឃើញយានយន្តល្មើសសរុបចំនួន ២៣៦គ្រឿង។

ក្នុងរបាយការណ៍បានបញ្ជាក់បន្ថែមថា គោលដៅសរុប ៧១គោលដៅ មានយានយន្តចូលគោលដៅចំនួន ៣៤៦គ្រឿង, រថយន្តធំ ៧គ្រឿង, រថយន្តតូច ៥១គ្រឿង និងម៉ូតូ ២៨៨គ្រឿង ក្នុងនោះរកឃើញយានយន្តល្មើសសរុបចំនួន ២៣៦គ្រឿង។ ក្នុងចំណោមរថយន្ត ២៣៦គ្រឿង មានរថយន្តធំ ៣គ្រឿង រថយន្តតូចចំ ៤១គ្រឿង និងម៉ូតូចំនួន ១៩២គ្រឿង ដែលត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។

បន្ថែមពីនេះ លទ្ធផលរយៈពេល ៣០ថ្ងៃ ពីថ្ងៃទី១-៣០ ខែវិច្ឆិកា ឆ្នាំ២០២៣ បានឲ្យដឹងបន្ថែមថា យានយន្តចូលគោលដៅចំនួន ១៥ ៩២៨គ្រឿង រថយន្តធំ ២៨៥គ្រឿង រថយន្តតូច ៣,០០៤គ្រឿង ម៉ូតូ ១២ ៦៤០គ្រឿង ។ ក្នុងនោះ រកឃើញយានយន្តល្មើសសរុបចំនួន ១២ ១៧២គ្រឿង, រថយន្តធំ ៩៦គ្រឿង, រថយន្តតូច ១ ៥៥៦គ្រឿង និងម៉ូតូ ១០ ៥២០គ្រឿង (១០,៥២០ករណី) ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។

របាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពចច្បាប់ចរាចរណ៍យ៉ាងល្អប្រសើរ៕