ជីវិតកម្សាន្ដ
សុខ សីឡាលីន ថ្កោលទោសជនបង្កគ្រោះថ្នាក់ចរាចរណ៍បើករថយន្តបុកម៉ូតូស្លាប់មួយគ្រួសារ
មហាជន និងអ្នកប្រើប្រាស់បណ្ដាញសង្គម មានក្តីរន្ធត់ចិត្តខ្លាំងគ្រប់គ្នា បន្ទាប់ពីឃើញការផ្សព្វផ្សាយព័ត៌មានជុំវិញករណីគ្រោះថ្នាក់ចរាចរណ៍បង្កដោយរថយន្ត ០១ គ្រឿង បុកអ្នកជិះម៉ូតូ ០៣ នាក់ ប្ដីប្រពន្ធ និងកូន បណ្ដាលឲ្យស្លាប់ និងរងរបួស ហើយរថយន្តបង្កបានបើករត់គេចខ្លួនបាត់ស្រមោល។
ដោយឡែកងាកមកមើលតារាចម្រៀង កញ្ញា សុខ សីឡាលីន ក៏មិនខុសគ្នាពីមហាជននោះទេ នាងបានចេញមកសម្តែងនូវក្តីអាណិតអាសូរខ្លាំងចំពោះជនរងគ្រោះ និងថែមទាំងថ្កោលទោសជនបង្កគ្រោះថ្នាក់ចរាចរណ៍បើករថយន្តបុកម៉ូតូ ០៣ នាក់ ប្តី-ប្រពន្ធ និងកូន បណ្ដាលឲ្យស្លាប់ និងរងរបួសជាបន្តបន្ទាប់។
កញ្ញា សុខ សីឡាលីន បានលើកឡើងភ្ជាប់រូបភាពដ៏រន្ធត់ថា «ហេតុអ្វីបានជាការសប្បាយភ្លើតភ្លើនប៉ោឡែ អួទីនួព្រហើនរបស់អ្នកក្លាយជាសោកនាដកម្មរបស់ក្រុមគ្រួសារជនរងគ្រោះដែលមិនដឹងអ្វីសោះ គ្រាន់តែជិះធម្មតាតាមផ្លូវ មកត្រូវស្លាប់ទាំងឪពុកម្តាយ និងកូនយ៉ាងនេះ ខ្លោចចិត្តណាស់ខ្ញុំ ឈឺចិត្តអាណិតអ្នករងគ្រោះណាស់»។
កាលពីថ្ងៃទី ២៥ ខែធ្នូ ឆ្នាំ ២០២៣ លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យសមត្ថកិច្ចចម្រុះរាជធានីភ្នំពេញ ត្រូវស្រាវជ្រាវស្វែងរកចាប់អ្នកបើករថយន្តដែលរត់គេចខ្លួនយកមកអនុវត្តច្បាប់ ក្រោយបង្កគ្រោះថ្នាក់ចរាចរណ៍បុកអ្នកជិះម៉ូតូ ០១ គ្រឿង បណ្ដាលឲ្យបាត់បង់ជីវិត និងរបួស នៅសង្កាត់ស្រះចក ខណ្ឌដូនពេញ។
សូមបញ្ជាក់ថា មានការភ្ញាក់ផ្អើល បន្ទាប់ពីប្តី-ប្រពន្ធ និងកូន ជិះម៉ូតូឌុបគ្នាចេញពីហូបស៊ុប ស្រាប់តែត្រូវរថយន្តមិនចាំម៉ាក ១ គ្រឿង បើកទៅបុកយ៉ាងពេញទំហឹង បណ្ដាលឲ្យស្លាប់ប្រពន្ធនៅកន្លែងកើតហេតុ។ រីឯ ប្តី និងកូន រងរបួសធ្ងន់ ក៏ត្រូវបញ្ជូនទៅសង្គ្រោះនៅមន្ទីរពេទ្យ តែដោយសាររបួសធ្ងន់ធ្ងរពេក ក៏បានស្លាប់បាត់បង់ជីវិតទាំង ២ នាក់ ទៀត។
ហេតុការណ៍គ្រោះថ្នាក់ដ៏រន្ធត់ខាងលើនេះ បង្កការភ្ញាក់ផ្អើលកាលពីវេលាម៉ោង ១២ និង ១៥ នាទី រំលងអធ្រាត្រ ឈានចូលថ្ងៃទី ២៥ ខែធ្នូ ឆ្នាំ ២០២៣ ទល់មុខអាផាតមិន ១ កន្លែង ស្ថិតនៅលើកំណាត់វិថីព្រះស៊ីសុវត្ថិ សង្កាត់ស្រះចក ខណ្ឌដូនពេញ រាជធានីភ្នំពេញ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ