ព័ត៌មានជាតិ

ថ្ងៃទិវានៃក្ដីស្រលាញ់ផ្ទះមួយខ្នងត្រូវអគ្គិភ័យឆេះខ្ទេចដោយសារផ្ទាំងសូឡា

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

យោងតាមរបាយការណ៍ពីសមត្ថកិច្ចចុះថ្ងៃទី១៥ ខែកុម្ភៈនេះ បានឲ្យដឹងថា ផ្ទះប្រជាពលរដ្ឋ១ខ្នងរួមនិងសម្ភារៈមួយចំនួនធំ ត្រូវបានអគ្គិភ័យឆាបឆេះទាំងស្រុង។

ហេតុការណ៍នេះបានកើតឡើងនៅថ្ងៃទី១៤ ខែកុម្ភៈ ឆ្នាំ២០២១វេលាម៉ោង០៤:២០នាទីរសៀលស្ថិតនៅក្នុងចំណុចក្រុមទី១៥ ភូមិតានី ឃុំល្វា ស្រុក បវេល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទះ០១ខ្នងដែលត្រូវអគ្គិភ័យឆាបឆេះខាងលើនេះ មានទំហំ៥មx៧ម ធ្វើពីឈើជញ្ជាំងក្តារដំបូលប្រក់ស័ង្កសី របស់ម្ចាស់ឈ្មោះ ឆុង ហឿង ភេទប្រុសអាយុ៨០ឆ្នាំរស់នៅក្នុងភូមិឃុំកើតហេតុខាងលើ។ក្នុងករណីនេះបានខូចខាតសម្ភារៈមួយចំនួនមានដូចជា ឆេះផ្ទះចំនួន០១ខ្នង,អង្ករ០២ការ៉ុង,អាគុយ០២គ្រឿង,ទូរទស្សន៍០១គ្រឿង,ប្រាក់បាតអស់៥.០០០បាត និងសម្ភារប្រើប្រាស់ក្នុងផ្ទះមួយចំនួនធំទៀត។

សមត្ថកិច្ចបញ្ជាក់ដែរថា មូលហេតុនៃការឆេះនេះបណ្តាលមកពីឆ្លងចរន្តអគ្គិសនី(ផ្ទាំងសូឡា)ហើយក្នុងហេតុការខាងលើនេះសមត្ថកិច្ចពុំបានចេញរថយន្តពន្លត់អគ្គិភ័យដើម្បីជួយអន្តរាគមន៍ទេដោយសារទទួលដំណឹងយឺតពេលនិងផ្លូវឆ្ងាយពីស្ថានីយផង៕

អត្ថបទ ៖ សៅ សារិទ្ធ