អភិបាលស្រុកទឹកឈូ ចុះពិនិត្យទីតាំងទិញដីបន្ថែម ដើម្បីកសាងកុដិ ប្រគេនជូន កូននេន លៀង សីហា

កាលពីថ្ងៃទី ៣០ ខែមករា ឆ្នាំ ២០២៤ លោក អ៊ឹម ច័ន្ទសោធន អភិបាលស្រុកទឹកឈូ និង ក្រុមការងារថ្នាក់ខេត្ត បានចូលរួមអមដំណើរ លោក សេង ទៀង នាយរងខុទ្ធកាល័យ សម្ដេចមហាបវរធិបតី ហ៊ុន ម៉ាណែត ចុះពិនិត្យមើលទីតាំងទិញដីបន្ថែម សម្រាប់ពង្រីកដីវត្ត និងកសាងកុដិ ប្រគេនជូន ព្រះតេជគុណ លៀង សីហា ដើម្បីគង់នៅ និងស្វែងយល់រៀនសូត្រព្រះធម៌ ក្នុងផ្លូវព្រះពុទ្ធសាសនា នៅវត្តព្រៃថ្មី ស្ថិតក្នុងឃុំកណ្តាល ស្រុកទឹកឈូ ខេត្តកំពត។

លោក អ៊ឹម ច័ន្ទសោធន អភិបាល នៃគណៈអភិបាលស្រុកទឹកឈូ និងក្រុមការងារថ្នាក់ខេត្ត បានចូលរួមអមដំណើរ លោក សេង ទៀង នាយរងខុទ្ធកាល័យសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ដើម្បីចុះពិនិត្យមើលទីតាំងទិញដីបន្ថែម សម្រាប់ពង្រីកដីវត្ត និងកសាងកុដិ ប្រគេនជូន ព្រះតេជគុណ លៀង សីហា ដើម្បីគង់នៅ និងស្វែងយល់ រៀនសូត្រព្រះធម៌ ក្នុងផ្លូវព្រះពុទ្ធសាសនា ស្ថិតនៅវត្តព្រៃថ្មី ភូមិភ្នំតូច ឃុំកណ្តាល ស្រុកទឹកឈូ ខេត្តកំពត។

ជាមួយគ្នានេះដែរ លោក សេង ទៀង ក៏បាននាំយកបច្ច័យ និងទេយ្យទាន មួយចំនួន រួមមាន ៖ អង្ករ ទឹក ភេសជ្ជៈ ផ្សេងៗ និងបច្ច័យ ចំនួន ៧០,០០០ ដុល្លារសហរដ្ឋអាមេរិក សម្រាប់ទិញដីពង្រីកដីវត្តព្រៃថ្មី និងមួយចំណែកទៀត គឺជាបច្ច័យសម្រាប់កសាងព្រះវិហារ ចំនួន ១,០០០ ដុល្លារសហរដ្ឋអាមេរិក និងបច្ច័យជាប្រាក់រៀលចំនួន ៥,០០០,០០០ រៀល ផងដែរ៕

អត្ថបទ ៖ សឹង រ៉ាត់