ព័ត៌មានអន្ដរជាតិ
លោក បៃដិន ប្រាប់អ៊ីស្រាអែល ត្រូវការពារជនងាយរងគ្រោះនៅ Rafah ឲ្យបាន
តាមសេចក្តីរាយការណ៍របស់ Reuters, ប្រធានាធិបតីអាមេរិកលោក ចូ បៃដិន និយាយថា ជនស៊ីវិល ដែលគេជម្លៀសចូលទៅក្នុងទីក្រុង Rafah នៃតំបន់ហ្គាហ្សាស្រ្ទីប កំពុងស្ថិតក្នុងគ្រោះថ្នាក់ ហើយអ៊ីស្រាអែល ត្រូវតែខិតខំប្រឹងប្រែងការពារពួកគេឲ្យមែនទែន។
លោកថ្លែងបែបនេះ បន្ទាប់ពីជួបជាមួយស្តេច Abdullah នៃប្រទេសហ្ស៊កដានី ក្នុងទីក្រុង វ៉ាស៊ីនតោន កាលពីថ្ងៃចន្ទទី១២ខែកុម្ភៈ។
លោកនិយាយថា ប្រតិបត្តិការយោធាសំខាន់ណាមួយនៅក្នុងទីក្រុងនោះ មិនគួរធ្វើឡើងឡើយបើគ្មានការធានាអះអាង សម្រាប់សុវត្ថិភាពរបស់អ្នកដែលរស់នៅទីនោះទេនោះ។ មនុស្សជាច្រើននៅទីនោះ ត្រូវជម្លៀសចូល ដោយសារអំពើហិង្សានៅភាគខាងជើង ហើយឥឡូវពួកគេកំពុងសម្រុកចូលទៅក្នុងទីក្រុង Rafah ជាមួយនឹងភាពងាយរងគ្រោះ។ ដូចនេះពួកគេត្រូវតែទទួលបានការការពារ ហើយតាំងពីដើមមក យើងក៏បង្ហាញជំហរ ប្រឆាំងនឹងការជម្លៀសប្រជាជនប៉ាឡេស្ទីនដោយបង្ខិតបង្ខំ ចេញពីតំបន់ហ្គាហ្សាផងដែរ។
នារយៈពេលប៉ុន្មានថ្ងៃមកនេះ អ៊ីស្រាអែល បានបើកការវាយប្រហារអាកាសទ្រង់ទ្រាយធំលើទីក្រុង Rafah ហើយក៏មានសេចក្តីរាយការណ៍អំពីមនុស្សស្លាប់និងរងរបួសទៀតផង។
រឿងនេះកើតឡើងមួយសប្តាហ៍ បន្ទាប់ពីនាយករដ្ឋមន្ត្រីអ៊ីស្រាអែល Benjamin Netanyahu ចេញបញ្ជាឲ្យកងទ័ព រៀបចំខ្លួនពង្រីកប្រតិបត្តិការជើងគោកនៅ Rafah ជាមួយការប្តេជ្ញាកម្ចាត់ខ្មាន់កាំភ្លើងក្រុមហាម៉ាស ដែលលាក់ខ្លួនក្នុងទីក្រុងនេះ។
ឥឡូវ ជាងពាក់កណ្តាលនៃប្រជាជនហ្គាហ្សា២.៣លាននាក់ ត្រូវបានជម្លៀសចូលទៅក្នុងទីក្រុងនៅជាប់ព្រំដែនជាមួយប្រទេសអេហ្ស៊ីប ដែលមុនពេលសង្រ្គាមអ៊ីស្រាអែល-ហាម៉ាស ផ្ទុះឡើងក្នុងខែតុលា ទីនោះមានមនុស្សរស់នៅតែ២៥០០០០នាក់ប៉ុណ្ណោះ។
មិនមែនតែអាមេរិកទេ ដែលចេញការព្រមានចំពោះការវាយលុកនៅ Rafah ពោលគឺមានប្រទេសនិងអង្គការអន្តរជាតិមួយចំនួនទៀត ក៏ប្រឆាំងអ៊ីស្រាអែលទាក់ទិនរឿងនេះផងដែរ។
កាលពីថ្ងៃចន្ទ រដ្ឋមន្ត្រីការបរទេសអង់គ្លេស លោក David Cameron និយាយថា អ៊ីស្រាអែលគួរតែឈប់ហើយគិតឲ្យបានហ្មត់ចត់ មុននឹងចាត់វិធានការបន្ថែមទៀត នៅ Rafah។
ចំណែក ប្រធានគោលនយោបាយការបរទេសសហភាពអឺរ៉ុប លោក Josep Borrell បានជំរុញឲ្យសម្ព័ន្ធមិត្តរបស់អ៊ីស្រាអែល ឈប់បញ្ជូនអាវុធ ព្រោះមានមនុស្សស្លាប់ច្រើនពេកហើយនៅហ្គាហ្សា។ រីឯកាលពីសប្តាហ៍មុន អារ៉ាប៊ីសាអូឌីត ក៏បានព្រមានពីផលប៉ះពាល់ធ្ងន់ធ្ងរផងដែរ ប្រសិនបើទីក្រុង Rafah រងការវាយលុកមែន៕
អត្ថបទ៖ សុខ សុវណ្ណ
ចុចអាន៖ EU ជំរុញសម្ព័ន្ធមិត្តអ៊ីស្រាអែល ឈប់បញ្ជូនអាវុធ យកទៅសម្លាប់មនុស្សនៅ ហ្គាហ្សា ទៀត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ