សេដ្ឋកិច្ច

អតិផរណាឡាវ កើនដល់ ២៦,២ ភាគរយនៅខែមិថុនា ខ្ពស់បំផុតក្នុងឆ្នាំ២០២៤មកទល់ពេលនេះ

បានផុស

២ years មុន

នៅ

ថ្ងៃសុក្រ ២៨ មិថុនា ២០២៤

ដោយ

អត្រាអតិផរណារបស់ប្រទេសឡាវក្នុងខែមិថុនានេះ បានកើនឡើងដល់ ២៦,២ ភាគរយ ដោយកើនឡើងពី ២៥,៨ ភាគរយក្នុងខែឧសភា ដែលវាជាអត្រាខ្ពស់បំផុតក្នុងឆ្នាំ ២០២៤ មកទល់ពេលនេះ។ នេះបើតាមការចុះផ្សាយចុះផ្សាយរបស់សារព័ត៌មាន Laotian Times។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការិយាល័យស្ថិតិឡាវ សន្ទស្សន៍ថ្លៃទំនិញប្រើប្រាស់ (CPI) បានកើនឡើងពី ២២៩,២៨ ក្នុងខែឧសភា ដល់ ២៣៤,៥៤ ក្នុងខែមិថុនា។

ជាពិសេសក្នុងខែមិថុនា ការប្រែប្រួលតម្លៃខ្ពស់បំផុតមាននៅលើការចំណាយផ្នែកថែទាំសុខភាព និងឱសថ ដែលកើនឡើង ៤១,៧ ភាគរយ ហើយបន្ទាប់មក គឺភោជនីយដ្ឋាន និងសណ្ឋាគារ ដែលកើនឡើង ៣៥,៣ ភាគរយ ខណៈកន្លែងស្នាក់នៅ ទឹក អគ្គិសនី និងប្រេងឥន្ធនៈសម្រាប់ចម្អិនអាហារ កើនឡើង ៣២,៥ ភាគរយ។ កំណើនគួរឱ្យកត់សម្គាល់ ក៏មាននៅលើសម្លៀកបំពាក់ និងស្បែកជើង គ្រឿងស្រវឹង និងថ្នាំជក់ និងអាហារ និងភេសជ្ជៈគ្មានជាតិអាល់កុលផងដែរ។

ទន្ទឹមនឹងនេះ អត្រាអតិផរណាជាមធ្យមសម្រាប់រយៈពេល៦ខែដំបូងនៃឆ្នាំ ឈរនៅ ២៥,៣ ភាគរយ ស្មើនឹងការថយចុះ ៣៨,១ ភាគរយ ក្នុងរយៈពេលដូចគ្នាកាលពីឆ្នាំមុន។

យោងតាមរបាយការណ៍ កត្តាជាច្រើនបានរួមចំណែកដល់សម្ពាធអតិផរណានៅក្នុងប្រទេសឡាវ រួមមានទាំងការធ្លាក់ចុះនៃតម្លៃប្រាក់គីបឡាវ សមត្ថភាពផលិតក្នុងស្រុកខ្សោយ ខណៈឡាវពឹងផ្អែកលើការនាំចូលខ្លាំង និងការតម្លើងពន្ធជាដើម។

ទោះជាយ៉ាងណាក៏ដោយ ឡាវក៏បានរាយការណ៍ពីកំណើនសេដ្ឋកិច្ចផងដែរ ដោយផលិតផលក្នុងស្រុកសរុប (GDP) កើនឡើង ៤,៧ ភាគរយ លើសពីគោលដៅប្រចាំឆ្នាំ ៤,៥ ភាគរយ ដូចការអះអាងរបស់លោកនាយករដ្ឋមន្ត្រី Sonexay Siphandone ។ កំណើននេះ ត្រូវបានជំរុញជាចម្បងដោយវិស័យទេសចរណ៍ និងសេវាកម្មពាក់ព័ន្ធ ការដឹកជញ្ជូន និងការលក់ដុំ និងរាយ ជាដើម។ ។ កត្តារួមចំណែកផ្សេងទៀតរួមមានការរីកចម្រើននៃផលិតកម្មកសិកម្ម រួមជាមួយនឹងសំណង់ និងឧស្សាហកម្មកែច្នៃ។

ទោះបែបនេះក៏ដោយ បញ្ហាប្រឈមនៅតែមាន ខណៈមន្រ្តីឡាវព្រមានថា ប្រទេសនឹងត្រដាបត្រួសក្នុងការទាញទម្លាក់អត្រាអតិផរណាឱ្យនៅក្រោមលេខ១០ តាមគោលដៅឆ្នាំនេះរបស់ខ្លួន៕

Related Topics: