បវរកញ្ញា ប៉ូគីមថេង សុតធីតា រម្លឹករឿងសោកស្តាយមួយជាមួយលោក កៅ សីហា

អតីតបវរកញ្ញាកម្ពុជាកញ្ញា ប៉ូគីមថេង សុតធីតា ម្ចាស់ជ័យលាភីគ្រងម្កុដ Miss Grand Cambodia 2021 បានបង្ហាញការសោកស្តាយ និងរន្ធត់ជាខ្លាំងបន្ទាប់ពីទទួលដំណឹង នៃមរណភាពរបស់លោក កៅ សីហា ផលិតករនិងជាអ្នកដឹកនាំសម្តែងភាពយន្តដ៏មានបទពិសោធ។

ក្រៅពីការសោកស្តាយនូវមរណ:ទុក្ខដ៏ក្រៀមក្រំនេះ បវរកញ្ញា ប៉ូគីមថេង សុតធីតា បានទម្លាយរឿងដ៏សោកស្តាយមួយមុនពេលដែល លោក កៅ សីហា ទទួលមរណភាព គឺលោកបានទាក់ទងដើម្បីហៅកញ្ញាឱ្យសម្តែងភាពយន្ត ប៉ុន្តែមិនទាន់បានរួមការងារជាមួយផង លោកក៏លាចាកលោកទាំងអាល័យ។

អារម្មណ៍របស់ ប៉ូគីមថេង សុតធីតា បានរៀបរាប់ថា “បងអើយ ឆាតមកប្អូនរហូតសួរថាថតអប្សរាមហាអង្គរចប់ឬនៅ អាលបងដាក់រឿងឲ្យ ឥឡូវគឺប្អូនថតចប់ហើយ មកគោរពពាក្យសន្យាបងផង បើតាមការចរចារជាមួយប្អូនមិនតិចពី ៥រឿងទេ តែមកពីប្អូនគ្មានពេលវេលាគ្រប់គ្រាន់ជូនបងប្រុសទាល់តែសោះ”។

ស្រីស្អាត ប៉ូគីមថេង សុតធីតា បានបញ្ជាក់ទៀតថា នាងមិនទាន់មានឱកាសរួមកាងារជាមួយលោក កៅ សីហា ម្តងឡើយ ហើយដំណឹងនៃមរណភាពនេះ នាងពិតជារន្ធត់ចិត្តណាស់ និងទទួលយកមិនបានទេ។

គួរបញ្ជាក់ថាមរណភាពរបស់លោក កៅ សីហា មិនត្រឹមតែជាការបាត់បង់ធនធានសិល្ប:មានសមត្ថភាព និងទេពកោសល្យទេ តែគឺជាការបាត់បង់ដ៏សោកស្តាយបំផុតសម្រាប់អ្នកគាំទ្រ ខណ:ដែលលោកបានបន្សល់ទុកនូវស្នាដៃសិល្ប:ជាច្រើន៕ អត្ថបទ៖ ចាន់រ៉ា