ព័ត៌មានអន្ដរជាតិ
ត្រាំ ចុះហត្ថលេខាលើបញ្ជាផ្អាកការបិទ TikTok នៅអាមេរិកជាបណ្ដោះអាសន្ន
ប្រធានាធិបតីសហរដ្ឋអាមេរិក លោក ដូណាល់ ត្រាំ ដែលស្បថចូលកាន់តំណែងកាលពីថ្ងៃម្សិលមិញ បានចុះហត្ថលេខាលើអធិបញ្ជាផ្អាកការបិទវេទិកាបណ្ដាញសង្គម TikTok នៅអាមេរិក ជាបណ្ដោះអាសន្ន ប្រមាណរយៈពេល ៧៥ ថ្ងៃ។ នេះបើតាមការចុះផ្សាយរបស់សារព័ត៌មានអន្តរជាតិផ្សេងៗ។
បញ្ជារបស់លោក ត្រាំ ណែនាំភ្នាក់ងាររដ្ឋាភិបាលពាក់ព័ន្ធឱ្យ «បន្តដំណោះស្រាយដែលការពារសន្តិសុខជាតិ» ខណៈបន្តឱ្យ TikTok ដំណើរការ។ តាមរយៈបទបញ្ជា លោក ត្រាំ ណែនាំដល់អគ្គមេធាវីរបស់សហរដ្ឋអាមេរិកកុំឱ្យចាត់វិធានការណាមួយប្រឆាំងនឹង TikTok ក្នុងរយៈពេល ៧៥ ថ្ងៃ ពោលគឺមិនត្រូវអនុវត្តច្បាប់ស្ដីពី «ការការពារជនជាតិអាមេរិកពីកម្មវិធីដែលគ្រប់គ្រងដោយគូប្រជែងបរទេស» (PAFACA) ដែលចូលជាធរមានកាលពីថ្ងៃទី ១៩ ខែ មករា។
ទោះយ៉ាងណាក៏ដោយ លោក ត្រាំ ដែលធ្លាប់គាំទ្រពេញទំហឹងលើការបិទ TikTok បានលើកឡើងថា សហរដ្ឋអាមេរិកគួរតែកាន់កម្មសិទ្ធិ TikTok នៅអាមេរិក ៥០ ភាគរយ។ ក្រុមហ៊ុន TikTok មិនទាន់និយាយយ៉ាងណាទេ ជុំវិញបញ្ហានេះ ប៉ុន្តែកន្លងមក បានប្រកែកចំពោះការមិនលក់ប្រតិបត្តិការរបស់ខ្លួន។
លោក ត្រាំ បាននិយាយថា អធិបញ្ជា TikTok ផ្តល់ឱ្យលោកនូវអំណាច «ដើម្បីលក់ ឬបិទវា» ប៉ុន្តែលោកមិនទាន់សម្រេចចិត្តថាតើត្រូវបន្តជម្រើសមួយណានោះទេ។
គួរគូសបញ្ជាក់ថា ច្បាប់ PAFACA ហាមឃាត់មិនឱ្យក្រុមហ៊ុនលក់កម្មវិធីទូរស័ព្ទ លក់កម្មវិធី TikTok នៅសហរដ្ឋអាមេរិក លុះត្រាតែក្រុមហ៊ុន ByteDance លក់ប្រតិបត្តិការ TikTok នៅអាមេរិករបស់ខ្លួនទៅឱ្យក្រុមហ៊ុន ឬបុគ្គលអាមេរិក។ ច្បាប់នេះលើកឡើងពីការព្រួយបារម្ភសន្តិសុខជាតិ ដែលថា រដ្ឋាភិបាលចិនអាចចូលប្រើប្រាស់ទិន្នន័យរបស់អ្នកប្រើប្រាស់អាមេរិកជាង ១៧០ លាននាក់ ជាអ្វីដែលក្រុមហ៊ុន TikTok បានបដិសេធ។
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ