ចរាចរណ៍
ជិះម៉ូតូទាក់ដៃចង្កូតគ្នា ស្លាប់-របួសធ្ងន់ ០២ នាក់ នៅលើផ្លូវ ៥៩៨
ម៉ូតូហុងដា Click ០១ គ្រឿង សង្ស័យបើកលឿន ទាក់ដៃចង្កូតជាមួយម៉ូតូហុងដា ប៊ីត ០១ គ្រឿងទៀត រេចង្កូតទៅបុកក្បាលនាគពុះចែកផ្លូវ បណ្តាលឲ្យយុវជនម្នាក់ដួលបាក់.ក ស្លាប់ និង នារីម្នាក់ទៀត រងរបួសធ្ងន់។
ហេតុការណ៍នេះបានកើតឡើងកាលពីវេលាម៉ោង ០១ និង ៣៩ នាទីរសៀល ថ្ងៃទី ៣១ ខែមករា ឆ្នាំ ២០២៥ ស្ថិតនៅតាមបណ្ដោយផ្លូវលេខ ៥៩៨ សង្កាត់ទួលសង្កែទី ០២ ខណ្ឌឫស្សីកែវ រាជធានីភ្នំពេញ។
បើតាមការលើកឡើងពីប្រជាពលរដ្ឋជាអ្នកធ្វើដំណើរ បានឲ្យដឹងថា គាត់បានឃើញយុវជនម្នាក់ ជិះម៉ូតូ ០១ គ្រឿង ម៉ាកហុងដា Click ពណ៌ស ពាក់ស្លាកលេខ បន្ទាយមានជ័យ 1V-2895 ទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុ ក៏បានជ្រុលទាក់ដៃចង្កូតម៉ូតូ ០១ គ្រឿង ម៉ាកហុងដា ប៊ីត ពណ៌ស ពាក់ស្លាកលេខ កណ្ដាល 1AK- 9320 បើកបរដោយនារីម្នាក់ ធ្វើដំណើរក្នុងទិសដៅស្របគ្នា រួចក៏រេចង្កូតទៅបុកក្បាលនាគពុះចែកទ្រូងផ្លូវពេញទំហឹង បណ្ដាលឲ្យយុវជនដែលជិះម៉ូតូ Click បាក់.ក ស្លាប់ភ្លាមៗ តែម្ដង។ ចំណែកនារីដែលជិះម៉ូតូហុងដាប៊ីត រងរបួសធ្ងន់ ត្រូវបានបញ្ជូនទៅកាន់មន្ទីរពេទ្យសង្គ្រោះបន្ទាន់។
ក្រោយពេលកើតហេតុសមត្ថកិច្ចជំនាញចរាចរណ៍ នៃការិយាល័យចរាចរណ៍ផ្លូវគោក បានចុះមកវាស់វែងយកម៉ូតូទាំង ០២ គ្រឿង ទៅរក្សាទុក រង់ចាំដោះស្រាយគ្នាពេលក្រោយ។ ចំពោះសពយុវជនខាងលើ ត្រូវបានសមត្ថកិច្ចធ្វើកំណត់ហេតុរួចប្រគល់ជូនក្រុមគ្រួសារយកទៅបុណ្យតាមប្រពៃណីផងដែរ៕
អត្ថបទ ៖ ម៉េង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ