ព័ត៌មានជាតិ

សមាជិក ប.ស.ស អាចទៅពិនិត្យ-ព្យាបាល នៅគ្រប់មូលដ្ឋានសុខាភិបាលដៃគូ ដោយមិនកំណត់ចំនួនចូលប្រើប្រាស់សេវា និងមិនបង់ថ្លៃព្យាបាល

បានផុស

១ year មុន

នៅ

ថ្ងៃពុធ ១២ កុម្ភៈ ២០២៥

ដោយ

សមាជិក ប.ស.ស ដែលមានបញ្ហាសុខភាពពិតប្រាកដ អាចទៅទទួលសេវាពិនិត្យ ពិគ្រោះ និងព្យាបាល នៅគ្រប់មូលដ្ឋានសុខាភិបាលដៃគូរបស់ ប.ស.ស ដោយមិនកំណត់ចំនួនដងចូលប្រើប្រាស់សេវា និងមិនមានការបង់ថ្លៃសេវាព្យាបាលឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសេចក្ដីបំភ្លឺស្ដីពី«ការផ្តល់សេវាព្យាបាល និងថែទាំវេជ្ជសាស្ត្រ ជូនសមាជិក ប.ស.ស» របស់បេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្ដុះបណ្ដាលវិជ្ជាជីវៈ ដែលបានចុះផ្សាយកាលពីយប់ថ្ងៃទី ១១ ខែកុម្ភៈ ឆ្នាំ ២០២៥ ម្សិលមិញ បានឲ្យដឹងថា កាលពីពេលថ្មីៗ នេះ មានការផ្សព្វផ្សាយព័ត៌មានមិនពិត មានលក្ខណៈញុះញង់ បំផ្លើស និងទម្លាក់កំហុស ដែលជាអំពើល្មើសច្បាប់ ធ្វើឲ្យប៉ះពាល់កិត្តិយស និងសេចក្ដីថ្លៃថ្នូររបស់ក្រសួងការងារ និងបណ្ដុះបណ្ដាលវិជ្ជាជីវៈ និងបេឡាជាតិសន្តិសុខសង្គម។

ប.ស.ស បញ្ជាក់ថា «សមាជិក ប.ស.ស ទាំងអស់ ដែលមានបញ្ហាសុខភាពពិតប្រាកដ អាចទៅ ទទួលសេវាពិនិត្យ ពិគ្រោះ និងព្យាបាល តាមស្តង់ដារវិជ្ជាជីវៈវេជ្ជសាស្ត្រ បាន នៅគ្រប់មូលដ្ឋានសុខាភិបាលដៃគូ ដោយមិនមានកំណត់ចំនួនដងចូលប្រើប្រាស់សេវានោះទេ ហើយក៏មិនមានការបង់ថ្លៃសេវាព្យាបាលដែរ»។

ប.ស.ស ក៏បានបញ្ជាក់បន្ថែមថា ករណីសមាជិក ប.ស.ស បានទទួលព័ត៌មានមិនពិត ឬ ឃើញការអនុវត្តផ្ទុយពីសេចក្ដីបំភ្លឺនេះ សូមធ្វើការទំនាក់ទំនងមកលេខ ១២៨៦ ឬ ១២៩៧ ដើម្បីរាយការណ៍ ឬ ប្ដឹងតាមបណ្ដឹងអនាមិក ដើម្បី ប.ស.ស ចាត់វិធានការតាមច្បាប់ជាធរមាន។

គួរជម្រាបថា គិតត្រឹមសប្ដាហ៍ទី ៤ ខែមករា ឆ្នាំ ២០២៥ ប.ស.ស មានសមាជិកកើនឡើងដល់ ២ ៧៨៥ ៥២៦ នាក់ ស្រី ១ ៥៤៤ ២២៣ នាក់ ក្នុងនោះ បុគ្គលស្ថិតក្នុងវិស័យសាធារណៈចំនួន ៤៩៥ ៥៩៣ នាក់ , បុគ្គលក្រោមបទប្បញ្ញត្តិច្បាប់ស្ដីពីការងារចំនួន ១ ៦០៣ ៤៨២ នាក់ , បុគ្គលស្វ័យនិយោជន៍ ចំនួន ៥២៣ ០១៣ នាក់ និងអ្នកក្នុងបន្ទុកសមាជិក ប.ស.ស ចំនួន ១៦៣ ៤៣៨ នាក់៕

អត្ថបទ ៖ ពិសី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា