ព័ត៌មានអន្ដរជាតិ

ត្រាំ នឹងបន្តដាក់ពន្ធឆ្លើយតប ទោះបីរដ្ឋមន្រ្តីរតនាគារថាប្រទេសផ្សេងៗអាចជៀសវិធានការនេះក្ដី

បានផុស

១ year មុន

នៅ

ថ្ងៃពុធ ១៩ មីនា ២០២៥

ដោយ

សេតវិមានបានបញ្ជាក់កាលពីថ្ងៃអង្គារថា ប្រធានាធិបតីអាមេរិក លោក ដូណាល់ ត្រាំ នឹងនៅតែអនុវត្តវិធានពន្ធឆ្លើយតបឱ្យស្មើគ្នា ឬ Reciprocal Tariff តាមកាលកំណត់ថ្ងៃទី ២ ខែមេសា ទោះបីជារដ្ឋមន្ត្រីក្រសួងរតនាគារ លោក Scott Bessent លើកឡើងមុននោះថា វាអាចមានការពន្យារ ហើយប្រទេសផ្សេងៗអាចជៀសវាបានក្ដី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

*រដ្ឋមន្ត្រីក្រសួងរតនាគារអាមេរិក លោក Scott Bessent *

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសេតវិមាន បាននិយាយថា៖ «ពន្ធគយត្រូវបានកំណត់ឱ្យចូលជាធរមាននៅថ្ងៃទី ២ ខែមេសា។ លុះត្រាតែរបាំងពន្ធគយ និងរបាំង(ពាណិជ្ជកម្ម) ក្រៅពន្ធគយ មានភាពស្មើគ្នា ឬសហរដ្ឋអាមេរិកដាក់ពន្ធខ្ពស់ជាង»។

មុននោះ លោក Bessent ឯណោះវិញ បានប្រាប់កម្មវិធី «Mornings with Maria» របស់ទូរទស្សន៍ Fox Business Network ថា លោក ត្រាំ នៅថ្ងៃទី ២ ខែមេសា នឹងផ្តល់ឱ្យប្រទេសដៃគូពាណិជ្ជកម្មនូវអត្រាពន្ធឆ្លើយតបរបស់អាមេរិក ទៅតាមអត្រាពន្ធដែលពួគគេដាក់លើទំនិញអាមេរិក ឬរបាំងពាណិជ្ជកម្មដែលពួកគេមាន ការក្រឡុកអត្រាការប្រាក់ និងកត្តាផ្សេងៗទៀត»។ យ៉ាងណាមិញ លោកបន្ថែមថា ប្រទេសផ្សេងៗអាចចរចា ដើម្បីបញ្ចៀស «ជញ្ជាំងពន្ធ» បាន។

លោក Bessent បានបន្តយ៉ាងដូច្នេះថា៖ «នៅថ្ងៃទី ២ ខែមេសា ប្រទេសនីមួយៗនឹងទទួលបានតួលេខដែលយើងជឿថា តំណាងឱ្យអត្រាពន្ធគយរបស់ពួកគេ។ សម្រាប់ប្រទេសខ្លះ វាអាចទាបខ្លាំង សម្រាប់ប្រទេសខ្លះទៀត វាអាចខ្ពស់ខ្លាំង»។

លោក Bessent បានបន្ថែមថា៖ «ខ្ញុំសង្ឃឹមថាត្រឹមថ្ងៃទី ២ ខែមេសា ពន្ធគយមួយចំនួនអាចនឹងត្រូវបានជៀសវាង ប្រសិនបើកិច្ចព្រមព្រៀងណាមួយសម្រេចឡើង ឬប្រទេសនានាអាចនឹងចង់ចរចានៅពេលដែលពួកគេឃើញអត្រាពន្ធគយរបស់ខ្លួន»។

ក្រៅពីនេះ លោក Bessent ក៏បានលើកឡើងផងដែរថា ប្រទេសដែលមិនកាត់បន្ថយរបាំងពាណិជ្ជកម្ម នឹងប្រឈមមុខនឹងពន្ធខ្ពស់ ដើម្បីការពារសេដ្ឋកិច្ច កម្មករ និងឧស្សាហកម្មរបស់សហរដ្ឋអាមេរិក។

ការលើកឡើងរបស់លោក Bessent មានន័យថា ខណៈវិធានការពន្ធនឹងត្រូវប្រកាសឡើងនាថ្ងៃទី ២ មេសា ការអនុវត្តនៃវិធានការនេះអាចត្រូវបានពន្យារ ដើម្បីទុកពេលវេលាសម្រាប់ការចរចា។ ប៉ុន្តែមន្ត្រីសេតវិមានបាននិយាយថា កិច្ចព្រមព្រៀងបែបនេះ ត្រូវតែចរចាជាមុនដើម្បីជៀសវាងពន្ធថ្មី៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា