ព័ត៌មានជាតិ

ក្រសួងសង្គមកិច្ចរីករាយជាមួយអង្គការនានា ដើម្បីសហការរៀបចំផែនការយុទ្ធសាស្ត្រជាតិ ស្តីពីកម្លាំងសេវាសង្គម

បានផុស

៥ years មុន

នៅ

ថ្ងៃពុធ ២៤ មីនា ២០២១

ដោយ

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម ថ្លែងថា ក្រសួងសង្គមកិច្ច អតីតយុទ្ធជន និងយុវនីតិសម្បទា សហការជាមួយអង្គការនានាដូចជាយូនីសេហ្វនិងអង្គការផែនអន្តរជាតិ បានរៀបចំផែនការយុទ្ធសាស្ត្រជាតិ ស្តីពីកម្លាំងសេវាសង្គមនៅកម្ពុជា ឆ្នាំ ២០២១-២០២៥ ក្នុងគោលបំណង ដើម្បីពិនិត្យឡើងវិញនូវគោលនយោបាយ លិខិតបទដ្ឋានគតិយុត្តិ និងឯកសារជាតិ និងអន្តរជាតិទោះបីកំពុងប្រឈមនឹងជំងឺកូវីដ១៩ក្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថ្លែងបែបនេះខណៈបានដឹកនាំលោក លោកស្រី អនុប្រធាននាយកដ្ឋាន ប្រជុំក្នុងការតាមដានត្រួតពិនិត្យការរៀបចំផែនការថវិកានាយកដ្ឋានសម្រាប់ឆ្នាំ២០២២ និងត្រួតពិនិត្យការងារនាយកដ្ឋានក្នុងដំណាក់កាលកូវីដ-១៩ នាថ្ងៃទី២៤ មីនា នេះ។

លោកប្រធាននាយកដ្ឋានបានថ្លែងថា កម្លាំងសេវាសង្គមគឺជាទស្សនៈរួមមួយដែលសំដៅលើអ្នកជំនាញ និងអ្នកជំនាញរងទាំងនៅក្នុងរដ្ឋាភិបាល និងមិនមែនរដ្ឋាភិបាលដែលធ្វើការជាមួយកុមារ យុវជន មនុស្សពេញវ័យ ក្រុមគ្រួសារ និងសហគមន៍ដើម្បីធានានូវការអភិវឌ្ឍ និងសុខុមាល ភាព។ សេវាសង្គមនៅកម្ពុជាកំពុងរីកចម្រើនជាវិជ្ជមាន ប៉ុន្តែធនធាន សមត្ថភាព និងចំនួនអ្នកផ្តល់សេវាសង្គមនៅមានកម្រិតនៅឡើយ ជាពិសេសបុគ្គលិកសង្គមអាជីព។ ដោយឡែកកិច្ចការជំនាញនៅចំពោះមុខត្រូវតែដោះស្រាយរាល់បញ្ហាទាំងថវិកានិងធនធានមនុស្សដើម្បីបន្តផែនការយុទ្ធសាស្ត្ររបស់រាជរដ្ឋាភិបាលទោះបីប្រឈមនឹងបញ្ហាកូវីដ១៩ក៍ដោយ៕

អត្ថបទ៖ វិមាន

Related Topics:កិច្ចប្រជុំ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា