ជនជាតិដើមភាគតិចគ្រឹង ជូនបាយម្ហូបអាហារឪពុកម្តាយ និងគោរពព្រលឹងបុព្វការីជន ដែលស្លាប់ នៅមុនពិធីបុណ្យចូលឆ្នាំខ្មែរ

ជនជាតិដើមភាគតិច នៅពេលបុណ្យចូលឆ្នាំប្រពៃណីជាតិខ្មែរ ក៏ឈប់សម្រាក់ពីការងារ ដើម្បីរៀបចំគ្រឿងសក្ការៈបូជា ជូនទេវតាថ្មី មិនខុសអ្វីពីប្រជាជនខ្មែរនោះទេ។ ការឈប់សម្រាកនេះ ក៏នៅជួបជុំបងប្អូន ជូនបាយឪពុកម្ដាយ ស្រដៀងនឹងជនជាតិខ្មែរដែរ ក៏មានការដឹងគុណឪពុកម្តាយ និងព្រលឹង តាមរយៈជូនម្តាយម្ហូបអាហារ ជាលុយកាក់ សម្លៀកបំពាក់ គ្រឿងឧបភោគបរិភោគរួចរាល់ ក៏រៀបចំតុកៅអី ជូនលោកអ្នកមានគុណ ដើម្បីងូតទឹកជូនឲ្យគាត់ មានភាពត្រជាក់ត្រជុំ សប្បាយរីករាយ បន្ទាប់ពីនោះទៅអុជធូបបូជាជូន ម្តាយ ឬ ឪពុក ដែលស្លាប់បានបងជីវិត ឬ ព្រលឹងដូនតា សាច់ញាតិ នៅមុនពិធីបុណ្យចូលឆ្នាំផងដែរ។

កាយវិការនៃការតបស្នងសងគុណនេះ តាមរយៈការក្រាបសំពះ របស់កូនចៅ ទៅកាន់ឪពុកម្តាយ ងូតទឹកជូនឪពុកម្តាយ ដើម្បីឲ្យគាត់ ជូនពរវិញរកស៊ីមានបាន នៅក្នុងឆ្នាំថ្មី រួចផុតពីជម្ងឺដម្កាត់ ហើយក៏ជាការដឹងគុណ មាតាបិតា ដែលបង្កើតមកខិតខំប្រឹង ចិញ្ចឹមបីបាច់រក្សា អប់រំទូន្មានឲ្យដើរតាមគន្លងធម៌ ផ្គត់ផ្គង់សម្ភារៈរៀនសូត្រ តាំងពីតូចដល់ធំដឹងក្តី រៀបការឲ្យទៅជាគ្រួសារ ចែកទ្រព្យសម្បត្តិកេរ្តិ៍អាករ ។

លោក ផាន់ ថងលៀន លោកជាជនជាតិដើមភាគតិចទំពួន បានប្រាប់ថា នៅរៀងរាល់ឆ្នាំមួយៗ កូនរបស់គាត់ចំនួន ៧ នាក់ សុទ្ធតែរៀបការ រួចរាល់អស់ហើយ នៅពិធីចូលឆ្នាំ និងផ្សេងៗទៀត តែងកូនៗនិងចៅៗ យកបាយម្ហូប នំចំណី បង្អែមចំអាប សម្លៀកបំពាក់ លុយកាក់ទៅជូនគាត់ ។ នៅមុនពិធីបុណ្យចូលឆ្នាំ ប្រពៃណីជាតិខ្មែរឆ្នាំនេះ ក៏មុនខុសពីឆ្នាំមុនផង បន្ទាប់ពីកូនៗ ជូនបាយម្ហូបអាហារ គាត់ជូនពរកូនចៅ ឲ្យរកស៊ីមានបាន និងសុំឲ្យទេវតាឆ្នាំថ្មី ជួយថែរក្សាកូនចៅ ឲ្យប្រកបតែសេចក្តីសុខ ការប្រកបការងាររីកចម្រើន និងមានសុភមង្គលនៅក្នុងក្រុមគ្រួសារ ។

ជនជាតិដើមភាគតិច ខេត្តរតនគិរី នៅគ្រប់ផ្ទះ ការគោរពប្រតិបត្តិ ម្តាយឪពុកនេះ នៅពេលមានបុណ្យទានផ្សេងៗ នេះមានតាំងពីដូនតា យូរយារណាស់មកហើយ មិនត្រូវត្រឹមតែការគោរព ឪពុកម្តាយ នៅរស់រានមានជីវិតប៉ុណ្ណោះនោះទេ ប៉ុន្តែ សូម្បីតែម្តាយឬឪពុកដែលស្លាប់បាត់បង់ជីវិតទៅហើយក្តី  ក៏នៅតែអុជទានធូប ចំពោះរូបថតដែលដាក់តាំងនៅផ្ទះកូនពៅបង្អស់ ដើម្បីជូននំចំណីលុយកាក់ គោលបំណងឲ្យជួយឲ្យបានសេចក្តីសុខចម្រើន ជួយមើលបីបាច់ថែក្សាផងដែរ៕