ព័ត៌មានអន្ដរជាតិ

ត្រាំ ដាក់ពន្ធខ្ពស់ ២០% លើហ្វីលីពីន និង២៥% លើប្រ៊ុយណេ

បានផុស

១១ ខែ មុន

នៅ

ថ្ងៃព្រហស្បតិ៍ ១០ កក្កដា ២០២៥

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ បានផ្ញើលិខិតស្ដីពីអត្រាពន្ធខ្ពស់ទៅប្រទេសចំនួន ៨ បន្ថែមទៀតកាលពីថ្ងៃពុធ រួមទាំងសមាជិកអាស៊ានហ្វីលីពិន និងប្រ៊ុយណេ និងប្រេស៊ីល ស្រីលង្កា អាល់ហ្សេរី អ៊ីរ៉ាក់ លីប៊ី និងម៉ុលដាវី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លិខិតផ្ញើទៅប្រទេសរៀងៗខ្លួន បានបង្ហាញថា អាល់ហ្សេរី ស្រីលង្កា និងអ៊ីរ៉ាក់ នឹងជាប់ពន្ធ ៣០ ភាគរយ រាល់ការនាំចេញទំនិញទៅសហរដ្ឋអាមេរិក ខណៈប្រ៊ុយណេ លីប៊ី និងម៉ុលដាវី រងពន្ធ ២៥ ភាគរយ។ ហ្វីលីពីនឯណោះវិញ ទទួលរងនូវពន្ធ ២០ ភាគរយ ដូចនឹងវៀតណាមដែរ។ លិខិតដែលលោក ត្រាំ ផ្ញើទៅកាន់ប្រទេសទាំងនេះ មានខ្លឹមសារស្រដៀងៗគ្នា ដែលរួមបញ្ជូលទាំងគោលនយោបាយ និងរបាំងពាណិជ្ជកម្មពន្ធគយ និងមិនមែនពន្ធគយរបស់ពួកគេ ដែលបង្កជាពាណិជ្ជកម្មមិនស្មើភាពគ្នាសម្រាប់អាមេរិក។

ដោយឡែកប្រេស៊ីល លោក ត្រាំ ដាក់ពន្ធ ៥០ ភាគរយ ក្រោមលេស «វាយប្រហារ» ក្រុមហ៊ុនបច្ចេកវិទ្យាអាមេរិក និងធ្វើទុក្ខបុកម្នេញអតីតប្រធានាធិបតីស្តាំនិយមរបស់ប្រស៊ីល លោក Jair Bolsonaro ដែលកំពុងប្រឈមមុខនឹងការកាត់ទោស ជុំវិញតួនាទីរបស់លោកក្នុងផែនការផ្តួលរំលំការបោះឆ្នោតឆ្នាំ ២០២២។

គួររំឭកថា កាលពីថ្ងៃចន្ទ លោក ត្រាំ បានផ្ញើលិខិតទៅប្រទេសចំនួន ១៤ បញ្ជាក់ពីអត្រាពន្ធខ្ពស់ ដែលក្នុងនោះរួមមាន៖

មីយ៉ាន់ម៉ា និងឡាវ៖ ៤០ ភាគរយ
កម្ពុជា និងថៃ៖ ៣៦ ភាគរយ
បង់ក្លាដែស និងស៊ែប៊ី៖ ៣៥ ភាគរយ
ឥណ្ឌូណេស៊ី៖ ៣២ ភាគរយ
អាហ្វ្រិកខាងត្បូង និងបូស្នៀ-ហឺហ្សេហ្គោវីណា៖ ៣០ ភាគរយ
ជប៉ុន កូរ៉េខាងត្បូង ម៉ាឡេស៊ី កាហ្សាក់ស្ថាន និងទុយនីស៊ី៖ ២៥ ភាគរយ។

ពន្ធខ្ពស់ថ្មីរំពឹងថានឹងចូលជាធរមាននៅថ្ងៃទី ១ សីហា ដោយប្រទេសនានា មានពេល ៣ សប្ដាហ៍ទៀត ដើម្បីចរចាទម្លាក់ពន្ធនោះមកអត្រាទាបវិញ៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា