ចរាចរណ៍

រថយន្តស្ទូច ១ គ្រឿង បត់ត្រឡប់ក្រោយមិនប្រយ័ត្ន បាក់.ក ស្លាប់បុរស ១ នាក់ និង ១ នាក់ទៀត របួសធ្ងន់ នៅផ្លូវ ៦០ ម៉ែត្រ

បានផុស

៩ ខែ មុន

នៅ

ថ្ងៃពុធ ២៧ សីហា ២០២៥

ដោយ

បុរស ២ នាក់ ជិះម៉ូតូតាមផ្លូវ ៦០ ម៉ែត្រ ស្រាប់តែត្រូវរថយន្តស្ទូចដែលបើកស្របគ្នា បត់ត្រឡប់ក្រោយ បណ្ដាលឲ្យជនរងគ្រោះជិះបុកពីក្រោយផ្នែកខាងឆ្វេង បាក់.ក ស្លាប់ម្នាក់ និង រងរបួសធ្ងន់ម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់ចរាចរណ៍ដ៏រន្ធត់នេះដែរបានកើតឡើងកាលពីវេលាម៉ោង ០១ និង ៣៣ នាទីរសៀល ថ្ងៃទី ២៧ ខែសីហា ឆ្នាំ ២០២៥ ស្ថិតនៅចំណុចក្បែរស្តុបព្រែកហូរ តាមបណ្ដោយផ្លូវ ៦០ ម៉ែត្រ សង្កាត់ជើងឯក ខណ្ឌដង្កោ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មានបុរស ២ នាក់ ជិះម៉ូតូ សង់ឌ្រីម ឆ្នាំ ២០២៥ ពណ៌ខ្មៅ ពាក់ស្លាកលេខ ភ្នំពេញ 1LO-4442 ជិះឌុបគ្នា បើកបរតាមបណ្ដោយផ្លូវ ៦០ ម៉ែត្រ ស្របគ្នាជាមួយរថយន្ត ១ គ្រឿង ប្រភេទស្ទូច មិនចាំស្លាកលេខ។ ខណៈនោះ រថយន្តស្ទូច បានបត់ត្រឡប់ក្រោយ បង្កឲ្យបុរសជាអ្នកជិះម៉ូតូទៅបុកពីក្រោយផ្នែកខាងឆ្វេង នៃរថយន្តពេញទំហឹង បណ្ដាលឲ្យបុរសជាអ្នកឌុប បាក់.ក ស្លាប់ភ្លាមៗ ជាប់ជាមួយម៉ូតូ។ ចំណែកអ្នកអង្គុយក្រោយ រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ។ ស្របពេលនោះ រថយន្តស្ទូច បានបើករត់គេចចេញពីកន្លែងកើតហេតុបាត់ស្រមោលតែម្ដង។ ភ្លាមៗ ប្រជាពលរដ្ឋ ក៏ដូចជាសមត្ថកិច្ច កំពុងព្យាយាមទំនាក់ទំនងស្វែងរកសាច់ញាតិ ដើម្បីមកទទួលសពយកទៅធ្វើបុណ្យតាមប្រពៃណី។

បច្ចុប្បន្ន សមត្ថកិច្ច កំពុងនៅទីតាំងកើតហេតុធ្វើការវាស់វែងយកម៉ូតូទៅរក្សាទុក រង់ចាំដោះស្រាយពេលក្រោយ។ ចំណែកឯរថយន្តបង្ក សមត្ថកិច្ច កំពុងស្រាវជ្រាវជុំវិញតំបន់កើតហេតុ រកមើលតាមកាមេរ៉ាសុវត្ថិភាព ដើម្បីចាប់យកជនបង្កមកផ្ដន្ទាទោសតាមផ្លូវច្បាប់៕

អត្ថបទ ៖ រដ្ឋា

Related Topics:ខណ្ឌដង្កោ គ្រោះថ្នាក់ចរាចរណ៍

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា