លោកបណ្ឌិត អុិន​ ចាន់នី​ នៃ​ធនាគារអេស៊ីលីដា ផ្ញើសារអបអរសាទរ ឯកឧត្តម ជា ចាន់តូ​ ទទួលបាន​រង្វាន់​ជាធនាគារិក​ដ៏​ឆ្នើម នៃ​ធនាគារ​កណ្តាល​ប្រចាំឆ្នាំ​ – Kampuchea Thmey Daily
Connect with us

សេចក្ដីជូនដំណឹង

លោកបណ្ឌិត អុិន​ ចាន់នី​ នៃ​ធនាគារអេស៊ីលីដា ផ្ញើសារអបអរសាទរ ឯកឧត្តម ជា ចាន់តូ​ ទទួលបាន​រង្វាន់​ជាធនាគារិក​ដ៏​ឆ្នើម នៃ​ធនាគារ​កណ្តាល​ប្រចាំឆ្នាំ​

Published

on

លោក​បណ្ឌិត អិុន ចាន់នី ប្រធាន​នាយក​ប្រតិបត្តិ នៃ​ធនាគារ អេស៊ីលីដា ភីអិលស៊ី និង​ថ្នាក់ដឹកនាំ​ព្រមទាំង​បុគ្គលិក​ទាំងអស់ បាន​ផ្ញើ​សារ​អបអរសាទរ គោរព​ជូន​ចំពោះ ឯកឧត្តម ជា ចាន់តូ ទេសាភិបាល​នៃ​ធនាគារជាតិ​នៃ​កម្ពុជា​ក្នុងឱកាស​ដែល​ឯកឧត្តម​ត្រូវបាន​ជ្រើសរើស​ជា ធនាគារិក​ឆ្នើម​នៃ​ធនាគារកណ្តាល​ប្រចាំឆ្នាំ​២០២១ ក្នុង​តំបន់​អាស៊ី​ប៉ា​ស៊ី​ហ្វី​ក លើ​ការគ្រប់គ្រង​ប្រព័ន្ធ​ធនាគារ​បានល្អ​ប្រសើរ​ពី ​The Banker​ ដែលជា​ភ្នាក់ងារ​ប្រមូលផ្តុំ​ទិន្នន័យ​និង​ផ្សព្វផ្សាយ​ព័ត៌មាន​ផ្នែក​សេដ្ឋកិច្ច​និង​ហិរញ្ញវត្ថុ​សកលលោក​ក្នុងការ​ចូលរួមចំណែក​ក្នុងការ​ជំរុញកំណើន​សេដ្ឋកិច្ចជាតិ ក្នុងស្ថានភាព​ដែល​កម្ពុជា កំពុង​ទទួលរង​ឥទ្ធិពល​ប៉ះពាល់​នៃ​ជំងឺ​កូ​វីដ​១៩​។

ថ្នាក់ដឹកនាំ រួមទាំង​បុគ្គលិក​ទាំង​អស់នៃ​ធនាគា អេស៊ីលីដា ភីអិលស៊ី ជឿជាក់​យ៉ាង​មុតមាំ​ថា ក្រោម​ការដឹកនាំ​យ៉ាង​ត្រឹមត្រូវ​ដ៏​ល្អ​របស់​ឯកឧត្តម ធនាគារជាតិ​នៃ​កម្ពុជា នឹង​បន្ដ​ទទួលបាន​ភាព​រីកចម្រើន លូតលាស់ និង​ជោគជ័យ​យ៉ាងពិត​ប្រាកដ​។

ថ្នាក់ដឹកនាំ និង​បុគ្គលិក​ទាំងអស់ នៃ​ធនាគារ អេស៊ីលីដា ភីអិលស៊ី សូម​គោរព​ជូនពរ​ឯកឧត្តម និង​លោកជំទាវ រួមទាំង​បុត្រាបុត្រី ចៅប្រុស​ចៅស្រី ទាំងអស់ សូម​សមប្រកប​តែ​សេចក្ដីសុខ ចម្រើន សុភមង្គល ព្រមទាំង​ពុទ្ធពរ​៤​ប្រការ​គឺ អាយុ វណ្ណៈ សុ​ខៈ ពលៈ កុំបី​ឃ្លៀងឃ្លាត​ឡើយ​៕

ចុច Like Facebook កម្ពុជាថ្មី

ព័ត៌មានពេញនិយម