ព័ត៌មានអន្ដរជាតិ

សម្ព័ន្ធមិត្តក្រុមប្រដាប់អាវុធមីយ៉ាន់ម៉ាប្រកាសផ្អាកប្រយុទ្ធ១ខែ តែរក្សាសិទ្ធិការពារខ្លួន

បានផុស

១ year មុន

នៅ

ថ្ងៃពុធ ២ មេសា ២០២៥

ដោយ

បណ្តាញសារព័ត៌មាន MGR online មានមូលដ្ឋាននៅប្រទេសថៃ បានផ្សាយថ្ងៃទី២មេសានេះឲ្យដឹងថា សម្ព័ន្ធមិត្តក្រុមប្រដាប់អាវុធជនជាតិភាគតិចសំខាន់ៗនៅក្នុងប្រទេសមីយ៉ាន់ម៉ាបានប្រកាសជាឯកតោភាគីដាក់ចេញនូវបទឈប់បាញ់រយៈពេល១ខែដើម្បីជួយដល់ជនរងគ្រោះដោយសារការរញ្ជួយដីដែលវាយប្រហារយ៉ាងខ្លាំងក្លាជាប្រវត្តិសាស្រ្តក្នុងប្រទេសមីយ៉ាន់ម៉ាដែលកំពុងហែកហួរដោយសារសង្គ្រាម។

កងកម្លាំងរបស់សម្ព័ន្ធមិត្តត្រីភាគីពេលវាយដណ្តើមបានទីតាំងក្នុងពេលកន្លងមក។ TNLA

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះបានធ្វើឡើងកាលពីថ្ងៃអង្គារទី១ខែមេសាឆ្នាំ២០២៥ ដែលជាផ្នែកនៃការគាំទ្រការឆ្លើយតបជំនួយមនុស្សធម៌អន្តរជាតិដល់ជនរងគ្រោះដោយសារការរញ្ជួយដីដ៏ខ្លាំងកាលពីថ្ងៃទី២៨ ខែមីនាកន្លងទៅ។

សម្ព័ន្ធមិត្តភាតរភាពចំនួន៣ (Three Brotherhood Alliance) ដែលរួមមាន៖«កងទ័ពសម្ព័ន្ធប្រជាធិបតេយ្យជាតិមីយ៉ាន់ម៉ា កងទ័ពរំដោះជាតិតាអ៊ាំង និង កងទ័ពអារ៉ាកាន់» បានលើកឡើងនៅក្នុងសេចក្តីថ្លែងការណ៍នោះថា ខ្លួននឹងមិនធ្វើសកម្មយោធារយៈពេល១ខែ ដើម្បីបើកផ្លូវសម្រាប់ជំនួយមនុស្ស ប៉ុន្តែពួកគេនឹងចូលរួមក្នុងការប្រយុទ្ធដើម្បីការពារខ្លួនតែប៉ុណ្ណោះ ប្រសិនបើមានការយាយីណាមួយពីគួបដិបក្ខ។

ប្រភពបានរាយការណ៍ដោយដកស្រង់ការបញ្ជាក់របស់សម្ព័ន្ធមិត្តប្រដាប់អាវុធជនជាតិភាគតិចមីយ៉ាន់ម៉ាបាននិយាយថា៖ «យើងសង្ឃឹមយ៉ាងមុតមាំថា កិច្ចខិតខំប្រឹងប្រែងផ្នែកជំនួយមនុស្សធម៌ជាបន្ទាន់ គឺជាការចាំបាច់បំផុតសម្រាប់អ្នកដែលរងផលប៉ះពាល់ដោយសារការរញ្ជួយដី ត្រូវដំណើរការយ៉ាងឆាប់រហ័សនិងមានប្រសិទ្ធភាពបំផុត»៕

ដោយ ភ្នាក់ងារ