ខែ ​៤នេះ ជួបសំណាងអាក្រក់ខ្លាំងជាងគេ នាដើមឆ្នាំ២០២២

នេះជាហោរាសាស្ត្រក្នុងខែមករា ឆ្នាំ២០២២ សម្រាប់ខែកំណើតចំនួន ៤ ដែលអាចជួបរឿងមិនសមប្រកបមួយចំនួន គួរត្រៀមខ្លួនទុកជាមុន ចៀសវាងខកបំណងភ្លាមៗ មិនអាចទទួលយកបាន។

មីនា

ហិរញ្ញវត្ថុបង្វិលទៅមកៗ តែលុយកាក់​ហូរ​ចូល​មិន​ដាច់​ឡើយ។ អាជីព និងជំនួញ ហាក់តឹងតែងបន្តិច ប៉ុន្តែមិនមានបញ្ហាដុំកំភួន គួរឱ្យបារម្ភទេ។ ក្រោយដាច់ខែនេះ មីនា អាចឡើងតំណែង និងមមាញឹកជាងមុនទាក់ទិននឹងរបរថ្មី។

កក្កដា

មួយខែមករាពេញតែម្ដង កក្កដា ទទួលបាន​ការងារ​លំបាកៗច្រើន និងត្រូវការចំណាយខ្ពស់ជាងមុន។ ទោះយ៉ាងណា ​​ការងារ​លំបាក​ដែល​អ្នកទទួលមកធ្វើ វាសម​តម្លៃ​ដែលឱ្យលះបង់ ព្រោះអ្នកប្រាកដជាជោគជ័យ ក្រោយហត់នឿយ។ ឯប្រាក់ចំណូលរត់មករកអ្នកវិញ នាដើមខែក្រោយ។

កញ្ញា

សុខទុក្ខដើរទន្ទឹមគ្នា និងជួបភាពនឿយហត់ខ្លាំងគួរសម ក្នុងកំលុងពេលនេះ។ កញ្ញា មមាញឹកទាំងការងារ ការសិក្សា និងរបររកស៊ី។ ចំណូល-ចំណាយ ចេញចូលៗ ប៉ុន្តែបន្ទាប់ពីដាច់ខែមករា អ្នកនឹងរកបានប្រាក់ច្រើនគួរសម។

វិច្ឆិកា

វាជាខែដ៏ហត់នឿយ តម្រូវឱ្យអ្នកមានការស៊ូទ្រាំខ្លាំងបំផុត។ ក្រៅពីនោះ អ្នកអាចជួបវិបត្តិផ្លូវចិត្ត សម្ពាធមុខក្រោយពាក់ព័ន្ធនឹងអាជីព។ ​ទោះយ៉ាងណា ចំណូលចូលមកហូរហែរ និងមានអ្នកតាមជួយជ្រោមជ្រែងជារឿយៗ៕

អត្ថបទ៖ សន្យា

ចុចអាន៖ កំពូលតារានិករទាំង ២ សំណាងខ្លាំងជាងគេ ក្នុងខែមករានេះ