Connect with us

វប្បធម៌ ជំនឿ

ចេតិយវ័យ១២៣ឆ្នាំរងការវាយខូចខាត គ្រោងជួសជុលឡើងវិញ ជាបន្ទុកចំណាយខាងណា?

បានផុស

នៅ

លោក ឆាយ វិសុទ្ធ ប្រធាននាយកដ្ឋានសារមន្ទីរ នៃក្រសួងវប្បធម៌និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” នៅរសៀលថ្ងៃនេះ ថា ពាក់ព័ន្ធការជួសជុល ចេតិយបុរាណអាយុ ១២៣ឆ្នាំ ក្នុងវត្តបទុមវតី​រាជវរារាម ដែលរងការវាយខូចខាតនោះ ត្រូវបានក្រុមការងារកំពុងបន្តចុះទៅពិនិត្យ និងស្រង់ប្លង់ចេតិយឡើងវិញ ខណៈក្រុមការងារផ្សេងទៀតកំពុងប្រមែប្រមូលក្បាច់ដីដុត ឬក្បាច់ចាន ដែលបាក់ធ្លាក់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឆាយ វិសុទ្ធ មានប្រសាសន៍បន្តថា៖ “ក្រុមការងារកំពុងពិនិត្យមើលលទ្ធភាពក្នុងការលើកគម្រោងផែនការសម្រាប់ជួលជុលឡើងវិញ ដោយសារកិច្ចការហ្នឹងសម្ដេចសង្ឃ (សម្ដេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្ដេចព្រះចៅអធិការ សម្ដេចព្រះសង្ឃនាយក នៃព្រះរាជាណាចក្រកម្ពុជា) បានឯកភាពភាពឱ្យក្រសួងជាអ្នកជួសជុល។ ព្រះចៅអធិការវត្ត ជាអ្នកចំណាយការជួសជុលនេះ ចំពោះខ្ទង់ចំណាយមិនទាន់អាចបញ្ជាក់បានទេ ព្រោះកំពុងសិក្សានៅឡើយ”។​

ប្រធាននាយកដ្ឋានសារមន្ទីរ រូបនេះបានបញ្ជាក់បន្ថែមថា ឥឡូវក្នុងដំណាក់កាលមួយដែលមន្ត្រីជំនាញកំពុងសិក្សាប្លង់ ដែលកិច្ចការនេះត្រូវការពេលវេលា ព្រោះត្រូវការផ្ទៀងផ្ទាត់ជាមួយរូបថតចាស់ៗ និងប្លង់ចាស់ៗ ដើម្បីមានការសន្និដ្ឋានមួយ ដោយសារកំពូលខាងលើក៏បាក់់ ចេតិយផ្នែកខាងក្រោមក៏ខូចខាតមួយចំនួន។

លោក ឆាយ វិសុទ្ធ មានប្រសាសន៍បន្តថា៖ “យើងកំពុងពិនិត្យស្ថានភាពរចនាសម្ព័ន្ធនៃសំណង់ ទាំងវត្ថុធាតុសាងសង់ ព្រោះលក្ខណៈបច្ចេកទេសសាងសង់សំណង់បុរាណ យើងត្រូវគិតគូរណាស់។ ពេលយើង ពិនិត្យមើលរួចអស់ហើយ យើងនឹងចេញជារបាយការណ៍រួមមួយដើម្បីផ្ញើជូនទៅរដ្ឋមន្ត្រីក្រសួងវប្បធម៌ ដើម្បីសុំគោលការណ៍ នីតិវិធីបន្តទៀត សម្រាប់ការជួសជុលនេះ”។

លោក ឆាយ វិសុទ្ធ បានបង្ហាញការសោកស្ដាយចំពោះការខូចខាតរតនសម្បត្តិដែលបន្សល់ពីដូនតា ខណៈក្រសួងបានក៏តែងផ្សព្វផ្សាយណែនាំរួចមកហើយ ពិសេសនៅតំបន់បណ្ដាខេត្តដែលមានហនិភ័យខ្ពស់ក្នុងការជីកកកាយ និងលល់វត្ថុបុរាណចេញទៅក្រៅប្រទេស។ ជាមួយគ្នានេះ លោកបញ្ជាក់ថា កិច្ចការពារបេតិកភណ្ឌវប្បធម៌ជាភារកិច្ចរបស់កូនខ្មែរគ្រប់ៗរូប ពោលពេលឃើញភាពមិនប្រក្រតីអ្វីមួយ ប្រជាពលរដ្ឋអាចចូលរួមទប់ស្កាត់ និងរាយការណ៍មកអាជ្ញាធរ ស្ថាប័នពាក់ព័ន្ធដើម្បីចុះពិនិត្យ និងមានវិធានការទាន់ពេលវេលា។

គួររំលឹកថា កាលពីនៅថ្ងៃទី២ ខែមករា ឆ្នាំ២០២៣នេះ តំណាងខាងមន្ទីរ និងក្រសួងវប្បធម៌ និងវិចិត្រសិល្បៈ ព្រមទាំងអ្នកជំនាញបានចុះមកពិនិត្យ និងជួបព្រះចៅអធិការវត្តបទុមវតី ដើម្បីសាកសួរ និងបញ្ឈប់ការវាយបន្តសំណង់ចេតិយបុរាណដែលមានទីតាំងនៅទិសខាងត្បូងជាប់នឹងព្រះវិហារវត្ត។ មូលហេតុរហូតដល់ការវាយកម្ទេចសំណង់ចេតិយនេះ លោក អ៊ុក សុខា អគ្គនាយកបេតិកភណ្ឌនៃក្រសួងវប្បធ៌ម និងវិចិត្រសិល្បៈ បញ្ជាក់ថា សម្តេចព្រះចៅអធិការមានបំណងចង់រៀបចំចាក់រៀបឥដ្ឋការ៉ូឡា តែព្រះសង្ឃ និងគណៈកម្មការដែលទទួលការងារនេះ ក្តាប់ព័ត៌មានមិនច្បាស់ពីបំណងនៃការរៀបចំ ទើបមានការវាយប៉ះចំចេតិយបុរាណនេះ។

សាស្ត្រាចារ្យ ព្រាប ចាន់ម៉ារ៉ា ព្រឹទ្ធបុរសរង មហាវិទ្យាល័យបុរាណវិទ្យា នៃសាកលវិទ្យាល័យភូមិន្ទវិចិត្រសិល្បៈ ចែករំលែកលើបណ្ដាញសង្គមហ្វេសបុកថា ចេតិយនេះមានរចនាតុបតែងវិចិត្របិទក្បាច់ “ផ្កាចាន” (កុលាលភាជន៍ = Ceramic) សាងដោយក្រុមអ្នកឧកញ៉ាអនុរក្ខធានិន្ទ បែន និងអ្នកឧកញ៉ារាជានុភាព ឌុច នៅថ្ងៃសៅរ៍ ១កើត ខែចេត្រ ឆ្នាំជូត ឯកស័ក ព.ស. ២៤៤៣, ម.ស. ១៨២២, ច.ស. ១២៦២ គ.ស. ១៩០០ ដែលមកដល់បច្ចុប្បន្ន ចេតិយនេះ អាយុកាល ១២៣ឆ្នាំ៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ នាទី មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ២ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៤ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៥ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៥ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម