Connect with us

វប្បធម៌ ជំនឿ

ទំនៀមទម្លាប់ ១០ យ៉ាង ខ្មែរកាត់ ចិន ជឿថា​ នាំហុងស៊ុយសំណាង នៅថ្ងៃចូលឆ្នាំថ្មី

បានផុស

នៅ

ក្នុង​ចំណោម​ពិធីបុណ្យនានារបស់ជនជាតិចិន ​ពិធី​បុណ្យ​ចូលឆ្នាំ​ ជាប្រពៃណី​ធំ​បំផុតប្រចាំប្រទេស ដែលប្រជាជនជឿថា នាំសំណាងជាងគេ និងមិនអាចអាក់ខានបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្នុងនោះក៏មានទំនៀមទម្លាប់ ១០ យ៉ាង សំខាន់ខ្លាំង សម្រាប់ជនជាតិចិន និងខ្មែរស្រឡាយចិន មួយចំនួនផងដែរ។

១. រីករាយបុណ្យចូលឆ្នាំថ្មីទាំងអស់គ្នា

នៅ​ក្នុង​ប្រទេស​ចិន​និង​តៃវ៉ាន់​ ក្រុមហ៊ុន​ ស្ថាប័ននានា ក៏ដូចជាសាលារៀន​ តែងបិទទ្វារ​រយៈ​ពេល​១សប្ដាហ៍ ក្នុងឱកាសបុណ្យចូលឆ្នាំថ្មី។ ​រីឯប្រជាជនចំណាកស្រុក ​ត្រូវ​តែ​ធ្វើដំណើរ​ត្រឡប់​ចូលមក​អបអរ​ពិធី​បុណ្យ​ជាតិ​របស់​ខ្លួនវិញ ទោះបីពួកគេនៅទីណាក៏ដោយ។ ការវិលត្រឡប់ចូលស្រុក ជាជំនឿដែល​ជនជាតិ​ចិនជឿថា ក្រុមគ្រួសារ ​សាច់ញាតិ នឹងទទួលបានសិរីសួស្ដី។

២. បំផ្ទុះផាវ

ក្នុង​ឱកាស​បុណ្យ​ចូលឆ្នាំ​ចិន ​ផាវ​ត្រូវ​បាន​កំណត់​ឲ្យផ្ទុះ​នៅ​ម៉ោង ១២ ថ្ងៃត្រង់ ដើម្បី​បណ្ដេញ​សេចក្ដីអាក្រក់ អពមង្គល ​និង​អបអរ​ការ​ចូល​ឆ្នាំ​ថ្មី។ គេ​និយាយ​ថា​ អ្នកណា​ដែល​ធ្វើ​ឲ្យផាវ​ផ្ទុះ​ដំបូង ​នឹង​មាន​សំណាង​ល្អទៅឆ្នាំខាងមុខ។

៣. គ្រឿងតុបតែងផ្ទះ

នៅ​ប្រទេស​ចិន​ ទីផ្សារ​លក់​គ្រឿង​តុបតែង​ សុទ្ធតែពណ៌​ក្រហម​ ជា​កញ្ចប់ៗ ​រួម​មាន គ្រឿងអលង្ការ អាហារ​ និងកាំជ្រួច​ដែលត្រូវ​បើកលក់​អបអរ​មុន​ចូល​ឆ្នាំមកដល់។ ពិសេស​ផ្កាអ័រគីដេ ​និង​ផ្លែ​អូលីវ ដោយ​ផ្កា​ទាំងនោះ ​ត្រូវ​បាន​គេ​ចាត់​ទុក​​ជា​គ្រឿង​លំអ​ដ៏​ពិសេស ក្នុងឱកាសនេះ។

៤. សម្អាត

ប្រជាជនចិន រមែងសម្អាតគ្រប់​កន្លុកកន្លៀត​នៃ​ផ្ទះ​ ដោយ​កម្ចាត់​ភាព​កខ្វក់​​កាល​ពី​ឆ្នាំមុន​ចោល​ឲ្យអស់ ​ដើម្បី​នាំ​សំណាង​នៃ​និទាឃៈរដូវ​ដំបូង។ ប្រសិនបើ​សម្អាតផ្ទះ​នៅ ​ ២ ឬ ៣ ថ្ងៃដំបូងនៃឆ្នាំថ្មី ​តាម​ទំនៀមទម្លាប់​ជនជាតិ​ចិនជឿថា វាអាច​ស្រូប​យក​លាភ​សំណាង​ក្នុង ១២ ខែខាងមុខ។

៥. សងបំណុលឲ្យអស់

ប្រសិន​បើ​បាន​ខ្ចី​ប្រាក់​ពី​គ្រួសារ​ ឬ​មិត្តភក្ដិ​កាល​ពី​ឆ្នាំ​មុន​ ត្រូវតែសង​បំណុល​ឲ្យពួកគេ​ មុន​ពេល​ចាប់ផ្ដើម​នៃ​ឆ្នាំ​ថ្មី។ ប្រាក់​កម្ចី​ដែល​មិន​ទាន់​សង​អស់ជ្រះស្រឡះ ​នឹង​អាច​នាំ​សំណាង​អាក្រក់​ដល់​អ្នកនោះមិនខាន​។

៦. ការកាត់សក់និងតុបតែងខ្លួន

ការស្លៀកសម្លៀកបំពាក់​ថ្មី ក៏ជាហុងស៊ុយសំណាងក្នុងបុណ្យប្រពៃណីនេះ។ ​ ជា​ពិសេស​ពណ៌​ក្រហម​ គឺ​ជា​ពណ៌​សំណាងជាងគេ រីឯ​​ពណ៌ខ្មៅ​និង​ស​ត្រូវបានចៀសវាង ព្រោះនាំឲ្យសំណាង​ត្រូវ​ឃ្លាតឆ្ងាយ​ក្នុង​ឆ្នាំ​ថ្មី។ ដូចគ្នា​នឹង​ការ​កាត់សក់ ​ជនជាតិ​ចិន​មាន​តំណម​ ហាម​កាត់សក់​ថ្ងៃ​ចូលឆ្នាំ​ដំបូង។

៧. តុបតែងកន្លែងសែនក្នុងផ្ទះ

តុបតែង​កន្លែងសែនជាមួយ​នឹង​ចានដែលមានផ្លែ​ក្រូច ​ឬ​ផ្លែ​ប៉ោម​ ឬ​ជាមួយ​រុក្ខជាតិ​ស្រស់ ជាការបញ្ចៀសលាភអាក្រក់ (ចៀសវាង​ផ្កា​ពណ៌ស​ ព្រោះ​ពណ៌​អស់​នេះ​ផ្សារ​ភ្ជាប់​ជាមួយ​នឹង​ពិធី​បុណ្យ​សព) ។ ក្រៅពីនោះ ​​ទម្លាប់​ព្យួរតួ​អក្សរ​ចិន ដែល​មាន​ន័យ​ថា​សំណាង​ល្អ ក៏ត្រូវបានយកមកតុងតែងផ្ទះផងដែរ។

៨. ជួបជុំជាមួយគ្រួសារ

រាត្រី​សំខាន់​បំផុត​ក្នុងថ្ងៃ​ចូលឆ្នាំ នោះ​ជា​ពេល​ដែលជួបជុំ​ជាមួយ​មនុស្ស​ក្នុង​គ្រួសារ​ ដើម្បី​ទទួលទាន​អាហារ​ពេលល្ងាចរួមគ្នា។ ទៀតសោត អាហារ​​តែងដាក់​ពេញៗ​ចាន​ជាពិសេស​គឺ​នំប៉ាវ (ពី​ព្រោះ​វា​មាន​រាង​ដូច​មាស​ឬ​ប្រាក់) និង​នំ​អង្ករ​ស្អិត​ជាដើម។

៩. ជូនអាំងប៉ាវ

ទំនៀមទម្លាប់​ជនជាតិ​ចិន ​​តែងតែ​ជូនអាំងប៉ាវ​ ឬ​ស្រោម​សំបុត្រ​ក្រហម​ ដែល​មាន​ប្រាក់​ទៅ​កាន់​​​ក្មេងៗឬ​មនុស្ស​ពេញវ័យ​ដែល​មិន​ទាន់​រៀបការ​ និង​មនុស្សចាស់​នៅ​ថ្ងៃ​ចូលឆ្នាំថ្មី ដើម្បីផ្ដល់លាភត្រឡប់មកវិញ។

១០. ជូនអំណោយទៅគ្នាទៅវិញទៅមក

ដើម្បី​ភ្ជាប់​ទំនាក់ទំនង​ជាមួយ​មនុស្ស​ជា​ទី​ស្រឡាញ់ ​ជនជាតិ​ចិន​តែងតែ​នាំ​យក​អំណោយ ដែល​មាន​ដូចជា​ផ្លែឈើ ​នំ​ឬ​ស្ករគ្រាប់ ជូនគ្នាទៅវិញទៅមកមិនថា សាច់ញាតិ បងប្អូន ឬមិត្តភក្តិ។ល៕

គ្រូ ណុប

ចុចអាន៖ក្បួនតុបតែងផ្ទះ នាថ្ងៃចូលឆ្នាំ ចិន ដើម្បីនាំសរិរីសួស្ដី និងហេងហេងចូលដល់ក្រុមគ្រួសារ

ចុចអាន៖៥ យ៉ាងជាត្រណមធំ កូនចៅជាប់សែស្រឡាយ ចិន មិនអាចប្រព្រឹត្តិ នៅថ្ងៃសែនចូលឆ្នាំថ្មី បានឡើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍២០ វិនាទី មុន

បើកបរ​លឿន​ពេក​ជ្រុល​ធ្លាក់ផ្លូវ​​ទៅបុក​ដើមឈើ​បណ្ដាល​ឲ្យ​ មនុស្ស២នាក់​ស្លាប់ និង​រងរបួស​ធ្ងន់​ម្នាក់

ព័ត៌មានជាតិ៨ នាទី មុន

ទូត​បារាំង​ស្នើ​​ឱ្យ​មាន​​ការ​អភិរក្ស​សំណង់​អគារ​ចាស់​ៗ​​សម័យ​បារាំង​នៅ​​ភ្នំពេញ​​

កីឡា៣០ នាទី មុន

កម្ពុជា ឈ្នះមេដាយមាស ២គ្រឿងបន្ថែមថ្ងៃនេះ នៅស៊ីហ្គេម លើប្រភេទកីឡាវ៉ូវីណាម និងតេក្វាន់ដូ

ចរាចរណ៍៥៦ នាទី មុន

សមត្ថកិច្ច​ស្រុក​ពួក ឃាត់ខ្លួន​ម្ចាស់​គោយន្ត​ដឹក​ថ្ម​១​គ្រឿង​ករណី​បើក​បុក​រោង​ជួសជុល​ម៉ូតូ​បណ្តាល​ឲ្យ​បុរស​ម្នាក់​ស្លាប់

ព័ត៌មានជាតិ១ ម៉ោង មុន

អភិបាល​រាជធានី ស្នើសុំ​ឲ្យ​បារាំង​ជួយ​កសាង​ស្ថានីយ​ប្រតិកម្ម​ទឹក​កខ្វក់​មួយកន្លែង​ទៀត នៅ​ខាងជើង​ឆៀង​ខាងលិច​រាជធានី​ភ្នំពេញ

Sokha Hotels

ព័ត៌មានពេញនិយម