ទិដ្ឋភាព​ប្រជាជនវៀតណាមសម្រុកវិលមកស្រុកកំណើតលើសការរំពឹងទុក ក្រោយកៀកថ្ងៃចូលឆ្នាំថ្មី

ក្នុងប៉ុន្មានថ្ងៃថ្មីៗនេះ ប្រជាជនដែលកំពុងរស់នៅនិងធ្វើការនៅទីក្រុងហូជីមិញ ត្រលប់មកផ្ទះវិញដើម្បីត្រៀមអបអរបុណ្យចូលឆ្នាំចិន-វៀតណាម មុនកាលកំណត់ ដែលធ្វើឲ្យស្ថានីយ៍រថយន្តក្រុងមានមនុស្សកកកុញ។ ទោះ​បី​ជា​មាន​មនុស្ស​ច្រើន​ក៏​ដោយ ប៉ុន្តែ​ចំនួន​យានជំនិះ​នៅ​តាម​ស្ថានីយ​នៅ​តែ​ធានា​ថា​នឹង​បម្រើ​ប្រជាពលរដ្ឋ។

គេកត់សម្គាល់ថា នៅស្ថានីយ៍រថយន្តក្រុង Mien Dong និងស្ថានីយ៍រថយន្ត Mien Tay (ស្រុក Binh Tan) ដោយយោងតាមការចុះផ្សាយពី soha នារសៀលថ្ងៃនេះ ចំនួនប្រជាជនត្រឡប់ទៅស្រុកកំណើតដើម្បីធ្វើបុណ្យចូលឆ្នាំថ្មី ចាប់ផ្តើមកើនឡើងជាលំដាប់។ ភ្ញៀវភាគច្រើនដែលត្រឡប់មកផ្ទះ ដើម្បីអបអរបុណ្យចូលឆ្នាំថ្មី គឺជាសិស្សសាលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតសោត នៅស្ថានីយ៍រថយន្តក្រុង ទោះបីជាចំនួនអ្នកដំណើរកើនឡើងជាងឆ្នាំមុនក៏ដោយ ប៉ុន្តែតាមរយៈរូបភាពដែលបង្ហាញក៏មិនមានការកកកុញខ្លាំង ខណៈដែលប្រជាជនបានសម្រុកទិញសំបុត្រ និងរង់ចាំរថយន្តក្រុងដើម្បីធ្វើដំណើរវិលទៅកាន់ស្រុកកំណើតរៀងៗខ្លួន។

ដោយឡែក លោក Do Phu Dat នាយករងស្ថានីយ៍រថយន្តក្រុង Mien Dong បាននិយាយថា ចាប់តាំងពី ២ក្នុងចំណោម៣នៃចំនួនរថយន្តនៅស្ថានីយ៍បានផ្លាស់ប្តូរទៅកាន់ស្ថានីយ៍រថយន្តក្រុង Mien Dong ថ្មីក្នុងទីក្រុង Thu Duc ការលើសទម្ងន់ក្នុងអំឡុងពេលបុណ្យទានលែងកើតមានទៀតហើយ។ ទន្ទឹមនឹងការដែលមនុស្សជាច្រើនបានត្រឡប់មកផ្ទះវិញមុនថ្ងៃ អ្នកខ្លះមានយានជំនិះផ្ទាល់ខ្លួន ចំណែកមនុស្សដែលមានបំណងធ្វើដំណើរតាមរថយន្តក្រុងកើនឡើងខ្លាំងដូចគ្នា។

ងាកទៅកាន់លោក Tran Van Hau ជាប្រធានផ្នែកប្រតិបត្តិការនៅស្ថានីយ៍រថយន្តក្រុង Mien Tay ឯណោះវិញក៏និយាយដែរថា ចំនួនអ្នកដំណើរដែលមកស្ថានីយ៍រថយន្តក្រុងក្នុងប៉ុន្មានថ្ងៃថ្មីៗនេះបានកើនឡើងប្រហែល ២០% បើធៀបនឹងថ្ងៃធម្មតា។ នៅថ្ងៃទី ០២ ខែកុម្ភៈ ចំនួនអ្នកដំណើរដែលមកដល់ស្ថានីយ៍រថយន្តក្រុងបានឈានដល់សមត្ថភាពផ្ទុកអ្នកដំណើរជាង ៣០,០០០នាក់។ គិតត្រឹមថ្ងៃទី ០៣ ខែកុម្ភៈ ស្ថានីយ៍រថយន្តក្រុងបានស្វាគមន៍មនុស្សប្រហែល ៣៨,០០០ នាក់ឯណោះ។

យ៉ាងណាមិញ គេរំពឹងថា ប្រជាពលរដ្ឋនឹងមានតម្រូវការខ្លាំងបំផុត ក្នុងការធ្វើដំណើរចាប់ពីថ្ងៃទី២៦ ដល់ថ្ងៃទី២៩ នៃថ្ងៃបុណ្យចូលឆ្នាំចិន-វៀតណាម ជាពិសេសនៅថ្ងៃទី២៨ ដែលមានអ្នកដំណើររហូតដល់ ៦ម៉ឺននាក់ក្នុងមួយថ្ងៃ ស្ថានីយ៍រថយន្តក្រុងនៅតែមានសមត្ថភាពគ្រប់គ្រាន់សម្រាប់អ្នកដំណើរត្រឡប់មកផ្ទះ ដើម្បីអបអរបុណ្យចូលឆ្នាំ​ប្រពៃណីរបស់ពួកគេ៕

សូមទស្សនានូវទិដ្ឋភាព​ប្រជាជនវៀតណាមសម្រុកវិលមកស្រុកកំណើត ដើម្បីត្រៀមអបអរបុណ្យចូលឆ្នាំថ្មី ចិន-វៀតណាម នាថ្ងៃខាងមុខ

អត្ថបទ៖ សាង ស្រីល័ក្ខ

ចុចអាន៖តុលាការវៀតណាមសម្រេចបន្ថយទោស តារា​ម៉ូដែល Ngoc Trinh​ ធ្លាប់បង្ហោះម៉ូតូធំបង្ក​ភាព​វឹកវរ​សាធារណៈ