Connect with us

វប្បធម៌ ជំនឿ

​ហេង​ពេញ​មួយ​ឆ្នាំ បើហូប​បង្អែម​​នេះ​ ​ក្នុង​អំឡុងបុណ្យ​ចូល​ឆ្នាំ​ ចិន

បានផុស

នៅ

ដូចគ្នា​នឹង​សកម្មភាព​តុបតែង​ផ្ទះ​ទទួល​ឆ្នាំ​ថ្មី​ បង្អែម​ត្រូវ​បាន​បង្កើត​ឡើង​ដើម្បី​ផ្ដល់​ពរជ័យ បំណង​ប្រាថ្នា ​ភាព​រុងរឿង​នៃ​សុភមង្គល ​និង​ភាព​រីករាយ​ពេញ​មួយ​ឆ្នាំ ដល់​អ្នកណា​ដែល​បាន​ទទួលទាន។

ចិនក៏មិនខុសពីខ្មែរដែរ តែងមានជំនឿនឹងអ្វីដែលគេធ្លាប់ធ្វើពីបុរាណមក ដើម្បីអបអរនិងជាការគោរពដល់សាសនា ក្នុងប្រទេស។ យ៉ាងណាមិញ បង្អែមជាចំអាបមួយ មិនគួរខ្វះ ក្នុងពិធីបុណ្យជាតិដ៏ធំនេះឡើយ។

ដែលមានដូចជា ៖

១ នំជាល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាសា​ចិន​ហៅថា Nian Gao ជា​នំ​សម្រាប់​អបអរ​បុណ្យ​ចូលឆ្នាំ​ចិន។ “ Nian Gao” ជា​សូរស័ព្ទ​នៃពាក្យ​ថា​ជោគជ័យ​និង​ខ្ពស់​ជាង​ឆ្នាំ​មុន​ទៅ​ទៀត ​សម្រាប់​គ្រួសារ​ដែល​ហូប​នំ​ប្រភេទ​នេះ ​នឹង​មាន​តែ​ភាព​ផ្អែមល្ហែម​ ជាពិសេស​សមាជិកគ្រួសារនឹង​ជោគជ័យ​ក្នុង​ជីវិត សឹងគ្រប់គ្នាៗ។

២ នំអាកោ

នំ​អាកោ (Fa Gao) មិន​ខុស​ពី​នំ​ជាល​ឡើយ​ សុទ្ធតែ​ជា​នំ​ដែល​ហូប​ដើម្បី​ទទួល​បាន​នូវ​បំណង​ប្រាថ្នា ​នៃ​ភាព​ជោគជ័យ ក្នុងជីវិតនាបច្ចុប្បន្ននេះ។ បង្អែម​របស់​ចិន​​ ស្ទើរ​តែ​ទាំងអស់​ដែល​មាន​សូរសៀង“ Gao” សុទ្ធតែ​ទទួល​តែ​ទទួល​បាន​សុភមង្គល​ និង​បង្កើត​ទ្រព្យសម្បត្តិ​ជាង​ឆ្នាំមុនៗ។ មិនថាជាអាកោខ្ទិះ អាកោស្ងួត ឬអាកោប្រភេទមួយណាឡើយ។ ទាំងនោះសុទ្ធតែជាបង្អែមមិនគួរខ្វះ និងគួរហូបជុំគ្នាក្នុងមួយឆ្នាំៗ។

៣ Turnip Cake

នំ Turnip (luó bo gāo) ពេញ​និយម​នៅ​ភាគ​ខាងត្បូង​ប្រទេស​ចិន ​ជា​ពិសេស​ខេត្ត​ហ្វូជាន​ និង​ខេត្ត​ក្វាងទុង។ នំ​ប្រភេទ​នេះ ​មាន​រូបរាង​ស្រដៀង​នំ​គូឆាយ​ ភាគច្រើន​គេ​យក​ទៅ​ចៀន​និង​រោយ​ស្លឹកខ្ទឹម​ពីលើ​ ហើយ​ជ្រលក់​ជាមួយ​ទឹក​ម្ទេស​ ដែល​ជនជាតិ​ចិន​ជឿ​ថា ​នាំ​សំណាង​លើស​ឆ្នាំ​មុន​ទៅ​ទៀត។

៤ ចាហួយ​ Osthmanthus

ជនជាតិ​ចិន​ចូលចិត្ត​បន្ថែម​ផ្កា​ទៅ​បង្អែម​របស់​ពួកគេ។ តួយ៉ាង​ចាហួយ Osthmanthus (zǎo huā gāo) ជា​បង្អែម​ដែល​មាន​ប្រវត្តិ​ជាង ៣០០ ឆ្នាំ​ ថែមទាំង​តំណាង​ឲ្យ​ភាព​រីករាយ​ មិត្តភាព​និង​ភាព​ជោគជ័យ។

អ្នកណាដែលបានហូបបង្អែមនេះមួយចាន ដូចនាំឲ្យខ្លួនឯងអាយុវែង សុខសប្បាយ រុងរឿង និងមានសន្តិភាពផ្លូវចិត្ត។

៥ នំ​អង្ករ​ចំហុយ

នំ​អង្ករ​ចំហុយឬ ​ài wō wo ​ជា​បង្អែម​មួយ​ទៀត​ដែល​ប្រើ​អង្ករ​សម្រូប​មក​ធ្វើ​ និង​ត្រូវ​បាន​គេ​ស្គាល់​ ដោយសារ​វា​មាន​ពណ៌ស​និង​សាច់​គ្រើម។ នៅ​​ទីក្រុង​ប៉េកាំងនំ ត្រូវ​បាន​ដាក់​លក់​តាំង​ពី​បុណ្យ​និទាឃៈរដូវ​រហូត​ដល់​ចុង​រដូវ​ក្ដៅ។

ពេល​មាន​ពិធី​បុណ្យ​ទាន ​ជនជាតិ​ចិន​តែង​ទទួលទាន​នំ​នេះ​ ដើម្បី​ទទួល​បាន​ពរ​ជ័យ​ក្នុង​ឆ្នាំ​ថ្មី ។

៦ នំ​អ៊ី​ឬ​បាញ់​ចានឿក

នំ​អ៊ី​ឬ​នំ​បាញ់​ចានឿក​ ជា​នំ​នាំ​ហុងស៊ុយ​និង​សុភមង្គល ​ដល់​អ្នកណា​ដែល​បាន​ហូប​ក្នុង​អំឡុង​ពិធី​បុណ្យ​ចូលឆ្នាំ​ចិន។ មិន​ថា​ជុំ​គ្រួសារ​ហូប​ជាមួយគ្នា ​ឬ​ជា​អំណោយ​សម្រាប់​មិត្តភ័ក្ដិ​ និង​មនុស្ស​ជា​ទី​ស្រលាញ់​ សុទ្ធ​តែ​ទទួល​បាន​មក​វិញ​នៅ​រឿង​ល្អៗ​ ឬកាន់តែស្អិតរមួត ដូចជា​សាច់​នំ​ដែរ៕

គ្រូ ណុប

ចុចអាន៖ពណ៌ ៣ នាំលាភសំណាង ហើយពណ៌១ ជាអពមង្គលក្នុងពិធីបុណ្យចូលឆ្នាំចិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១៨ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម