វប្បធម៌ ជំនឿ
ជំនឿអំពីការដុតផាវពេលបុណ្យចូលឆ្នាំចិន អាចបណ្ដេញអពមង្គលក្នុងគ្រួសារ
ក្នុងឱកាសបុណ្យចូលឆ្នាំចិន ផាវត្រូវបានកំណត់ឲ្យផ្ទុះមិនអាចអាក់ខាន ដើម្បីបណ្ដេញសេចក្ដីអាក្រក់ អពមង្គល និងអបអរឆ្នាំថ្មី។ គេនិយាយថា អ្នកណាដែលធ្វើឲ្យផាវផ្ទុះដំបូងនឹងមានសំណាងល្អពេញមួយឆ្នាំ។

ជនជាតិចិនខ្លះជឿថា ការដុតផាវជាការហៅហេងចូលហេងមកក្នុងផ្ទះ ឯខ្លះទៀតថា ផាវដុតឡើងដើម្បីឲ្យទេវតាបានឮ ព្រះអង្គនឹងបានចុះមកជួយថែរក្សាឲ្យរស់នៅបានត្រជាក់ត្រជុំពោរពេញដោយសុភង្គល។

បើយោងទៅតាមរឿងព្រេងនិទានរបស់ចិនតំណាលថា កាលពីយូរលង់មកហើយមានសត្វសាហាវមួយឈ្មោះ នៀន (Nian -年) មាឌធំរូបរាងស្រដៀងនឹងគោបន្តិច រមាសបន្តិច ដែលចូលចិត្តចេញរកស៊ីនៅពេលយប់ក្នុងថ្ងៃដែលមានអាកាសធាតុរងា។ តំណាលបន្តថា ជំនាន់បុរាណ ថ្ងៃណាមានអាកាសធាតុត្រជាក់ អ្នកភូមិតែងតែនាំគ្នាចេញមកអង្គុយអាំងភ្លើង ឬអាំងសាច់បរិភោគជុំគ្នានៅកណ្តាលភូមិ។ កាលណោះសត្វចម្លែក នៀន តែងចេញមកដណ្តើមអាហាររបស់អ្នកភូមិ។ ភ្លាមៗស្រាប់តែភ្នក់ភ្លើងដែលធ្វើពីបំពង់ឫស្សីធ្វើឡើងដោយបុរសចំណាស់ម្នាក់ ក៏កើតចេញជាផ្កាភ្លើងផ្ទុះរំពង ជាហេតុធ្វើឲ្យ នៀន ភ័យខ្លាច ហើយរត់គេចបាត់ទៅ។

ក្រោយមក អ្នកភូមិជឿថា នៀន ខ្លាចពណ៌ក្រហមរបស់ភ្លើង ទើបនាំគ្នាយកក្រណាត់ក្រហម និងក្រដាសក្រហម មកសរសេរអក្សរដោយពាក្យដែលមានសិរីមង្គលបិទតាមជញ្ជាំងផ្ទះ ដើម្បីឲ្យសត្វចម្លែកឃើញហើយ មិនហ៊ានចូលមកជិត។ ចាប់ពីពេលនោះ ការសរសេរក្រដាសក្រហមក៏ក្លាយទៅជាទម្លាប់ ក៏ដូចជាប្រពៃណីបន្សល់តមកដល់សព្វថ្ងៃ។
ក្រៅពីដុតផាវ នៅរាត្រីដដែលនោះ គ្រួសារនីមួយៗក៏បានដុតលុយក្រដាស និងដុំមាស ក្លែងក្លាយដើម្បីឧទ្ទិសដល់អ្នកចែកឋាន។ ពួកគេជឿថា ការដុតវត្ថុទាំងនោះនឹងជួយឲ្យ កុងម៉ារបស់ខ្លួនទទួលបាននូវសេចក្ដីសុខនៅជាតិខាងមុខ៕
ប្រែសម្រួល៖ សន្យា
ចុចអាន៖ អត្ថន័យនៃការឡកម៉ុងសាយក្នុងពិធីបុណ្យចូលឆ្នាំចិន
ចុចអាន៖ ទំនៀមទម្លាប់ ១០ យ៉ាងដែលជនជាតិចិនជឿថានាំសំណាងនៅថ្ងៃចូលឆ្នាំថ្មី

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ