សេដ្ឋកិច្ច
តម្លៃស្បៀងអាហារពិភពលោក ឡើងដល់កម្រិតខ្ពស់បំផុត តែទំនិញមួយមុខ ចុះថ្លៃ
ទីភ្នាក់ងារស្បៀងអាហាររបស់អង្គការសហប្រជាជាតិបាននិយាយកាលពីថ្ងៃព្រហស្បតិ៍ថា គិតត្រឹមខែតុលា តម្លៃអាហារពិភពលោក បានកើនឡើងក្នុងរយៈពេលបីខែជាប់គ្នា ឈានដល់កម្រិតខ្ពស់បំផុតក្នុងរយៈពេល១០ឆ្នាំ ខណៈទំនិញឡើងថ្លៃបំផុតគឺធញ្ញជាតិ និងប្រេងបន្លែ។
សន្ទស្សន៍តម្លៃស្បៀងរបស់អង្គការស្បៀងអាហារ និងកសិកម្ម (FAO) មានជាមធ្យម១៣៣.២ពិន្ទុកាលពីខែមុន ធៀបនឹង១២៩.២ ពិន្ទុសម្រាប់ខែកញ្ញា។ ដោយឡែក តួលេខខែកញ្ញាមាន ១៣០ពិន្ទុ។
តួលេខខែតុលា គឺជាតម្លៃខ្ពស់បំផុតសម្រាប់សន្ទស្សន៍នេះ ចាប់តាំងពីខែកក្កដាឆ្នាំ២០១១មក។ បើផ្អែកលើមូលដ្ឋានពីមួយឆ្នាំទៅមួយឆ្នាំ សន្ទស្សន៍នេះបានកើនឡើង៣១,៣ភាគរយនៅក្នុងខែតុលា។
តម្លៃទំនិញកសិកម្ម បានកើនឡើងយ៉ាងខ្លាំងក្នុងឆ្នាំកន្លងទៅ ដោយសារការប្រមូលផលធ្លាក់ចុះ និងតម្រូវការខ្ពស់។
សន្ទស្សន៍តម្លៃធញ្ញជាតិរបស់ FAO បានកើនឡើង ៣,២ ភាគរយនៅខែតុលាធៀបទៅនឹងខែមុន។ FAO និយាយថា ការឡើងថ្លៃខ្ពស់ជាងគេគឺជាការកើនឡើង៥ភាគរយនៃតម្លៃ ស្រូវសាលី។ ស្រូវសាលីបានកើនឡើងក្នុងរយៈពេលប្រាំខែជាប់គ្នា ឈានដល់កម្រិតខ្ពស់បំផុតចាប់តាំងពីខែវិច្ឆិកាឆ្នាំ២០១២មក។
ស្របពេលជាមួយគ្នានោះដែរ FAO និយាយថា តម្លៃប្រេងបន្លែពិភពលោក បានហក់ឡើង ៩,៦ ភាគរយក្នុងខែនោះ ពោលឈានដល់កម្រិតកំណត់ត្រា ខណៈការខ្វះខាតកម្លាំងពលកម្មនៅក្នុងប្រទេសម៉ាឡេស៊ី បានបន្តរារាំងដល់ផលិតកម្ម។
ផ្ទុយទៅវិញ តម្លៃស្ករពិភពលោកបានធ្លាក់ចុះ១,៨ភាគរយក្នុងខែតុលា ដោយបញ្ចប់ការកើនឡើងរយៈពេលប្រាំមួយខែជាប់គ្នា។ នេះបើយោងតាម FAO៕
ប្រែសម្រួល៖ Vann Vann
ប្រភព៖ VN Express
ចុចអាន៖ តម្លៃប្រេងអន្តរជាតិ ធ្លាក់ចុះដល់កម្រិតទាប មិនធ្លាប់មានក្នុងរយៈពេល៤សប្តាហ៍
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ