ជីវិតកម្សាន្ដ

Lisa ថា បើមិនប្រលងជាប់តារា K-pop ទេ នាងនឹងបន្តអាជីពជានារីអាកាសចរ

បានផុស

២ years មុន

នៅ

ថ្ងៃសៅរ៍ ៣០ មីនា ២០២៤

ដោយ

Lisa សមាជិកក្រុម BLACKPINK បានទម្លាយថា ប្រសិនបើនាងមិនមែនជាអ្នកសិល្បៈបែប K-pop អាជីពដែលនាងស្រលាញ់ពេញចិត្តបំផុតគឺជានារីអាកាសចរ ឬជាអ្នកបម្រើលើយន្តហោះដ៏ស្រស់ស្អាតមួយរូប ខណៈដែលអ្នកគាំទ្របានចំអន់លេងថា ពេលនេះនាងឡើងយន្តហោះញឹកញាប់ជាងម្ចាស់អាជីពទៅទៀត។

សិល្បករ K-pop ជាច្រើនប្រហែលជាមិនមានក្តីសុបិនតែមួយគត់ក្នុងការច្រៀងនៅលើឆាកនោះទេ។ ដូចតារាស្រីល្បីៗលំដាប់ពិភពលោក Lisa បានបើកទម្លាយនូវការពិតមួយចំនួនដែលទាក់ទងនឹងក្ដីសុបិនរបស់នាង ជាមួយ Blinks នៅពេលទៅលេងផ្ទះប្រណីតផ្ទាល់ខ្លួននៅប្រទេសកូរ៉េ តាមរយៈវីដេអូឃ្លិប Special Birthday Q&A ជាមួយ Lisa អបអរខួបកំណើតអាយុ ២៧ ឆ្នាំរបស់នាងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលទៅលេងផ្ទះនោះ សមាជិកក្រុម BLACKPINK ក៏ត្រូវឆ្លើយសំណួរដែលក្រុមការងារបានបង្ហោះនៅលើជញ្ជាំង មួយ ក្នុងពេលនោះមានសំណួរគួរឲ្យចាប់អារម្មណ៍មួយគឺ៖ ប្រសិនបើអ្នកមិនបានបង្ហាញខ្លួនជាសិល្បករ K-Pop តើអ្នកគិតថាអ្នកគួរធ្វើអាជីពអ្វីឥឡូវនេះ? ពេលបានឮបែបនេះ តារាស្រីវ័យ ២៧ ឆ្នាំបានឆ្លើយដោយមិនគិតថា អ្នកបម្រើលើយន្តហោះ នោះជាក្ដីសុបិនមួយកាលនៅក្មេង។

ម្ចាស់ CEO របស់ LLOUD រូបនេះ បានឆ្លើយសំណួរហ្វេនទាំងទឹកមុខញញឹមថា “ មុនពេលធ្វើសវនកម្ម (ប្រលង k pop) ខ្ញុំបានប្រាប់ឪពុករបស់ខ្ញុំថា ខ្ញុំចង់ធ្វើជាអ្នកបើកយន្តហោះ។ ឪពុកប្រាប់ថាខ្ញុំត្រូវទៅរៀននៅបរទេស។ ប៉ុន្តែខ្ញុំបានចុះកុងត្រាជាមួយ YG រួចទៅហើយ។ ដូច្នេះហើយ ទើបខ្ញុំត្រូវបោះបង់ក្តីស្រមៃរបស់ខ្ញុំ ក្នុងការធ្វើការលើយន្តហោះ”។

ថ្វីបើយ៉ាងណាក៏ដោយ នេះក៏ជារឿងមួយដ៏គួរឲ្យភ្ញាក់ផ្អើលបំផុត ជាពិសេសសម្រាប់អ្នកគាំទ្រដែលបានទស្សនានូវឃ្លិបវីដេអូរបស់ Lisa បានចូលមកបញ្ចេញមតិ និងចំអន់នាងលេងថា នាងចូលចិត្តការហោះហើរសម្រាប់ទៅហើយ។ ឥឡូវនាងមិនចាំបាច់ធ្វើជាអ្នកបម្រើលើយន្តហោះ ក៏អាចហោះហើរញឹកញាប់ជាងអ្នកដែលធ្វើការលើយន្តហោះថែមទៀតផង៕