ព័ត៌មានអន្ដរជាតិ

បារាំង សុំជំនួយប៉ូលិសបរទេសជាង ២ ពាន់នាក់ មកជួយធានាសន្តិសុខព្រឹត្តិការណ៍កីឡាអូឡាំពិក

បានផុស

២ years មុន

នៅ

ថ្ងៃសៅរ៍ ៣០ មីនា ២០២៤

ដោយ

ប្រទេសបារាំងបានស្នើសុំប្រទេសចំនួន ៤៦ ឲ្យជួយផ្ដល់មន្ត្រីប៉ូលិសជាង ២,០០០ នាក់ដើម្បីជួយធានាដល់ព្រឹត្តិការណ៍អូឡាំពិកទីក្រុងប៉ារីសនៅរដូវក្តៅនេះ ខណៈមានការព្រួយបារម្ភពីការវាយប្រហារភេរវកម្មដែលអាចកើតមាន ។ នេះបើយោងតាមការចេញផ្សាយរបស់សារពត៌មាន AP នៅថ្ងៃទី៣០ ខែមីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងមហាផ្ទៃបានរាំងបានស្នើសុំជំនួយកងកម្លាំងសន្តិសុខបរទេសជិត ២,១៨៥ នាក់ដើម្បីពង្រឹងសន្តិសុសម្រាប់ការធ្វើជាម្ខាស់ផ្ទះនៃព្រឹត្តិការណ៍កីឡាអូឡាំពិកនាខែកក្កដាខាងមុខ ខណៈដែលសន្តិសុខគឺជាបញ្ហាប្រឈមដ៏ធំបំផុតសម្រាប់អ្នករៀបចំកម្មវិធីនៅក្នុងទីក្រុងមួយដែលត្រូវបានវាយប្រហារជាបន្តបន្ទាប់ពីសំណាក់ក្រុមអ្នកជ្រុលនិយមឥស្លាម ស្របពេលដែលព្រឹត្តិការណ៍នេះ រំពឹងនឹងមានអ្នកទស្សនារហូតដល់ ១៥ លាននាក់ ។

ឆ្លើយតបនឹងសំណើរនេះរដ្ឋមន្ត្រីការពារជាតិប៉ូឡូញបាននិយាយថាប្រទេសរបស់លោកនឹងបញ្ជូនទាហានទៅទីក្រុងប៉ារីស។ គណៈប្រតិភូកងកម្លាំងប្រដាប់អាវុធប៉ូឡូញនឹងរួមបញ្ចូលទាហានបង្វឹកសត្វឆ្កែ ដើម្បីរុករកសកម្មភាពដែលទាក់ទងនឹងគ្រឿងផ្ទុះ ។

ប្រទេសបារាំងបានបញ្ជូនកងអាវុធហត្ថរបស់ខ្លួនចំនួន ២០០ នាក់ទៅចូលរួមការប្រកួតបាល់ទាត់ពិភពលោកនៅប្រទេសកាតាក្នុងឆ្នាំ ២០២២ ហើយក៏បានស្វាគមន៍មន្ត្រីចំនួន ១៦០ នាក់មកពីកងកម្លាំងសន្តិសុខអឺរ៉ុបផ្សេងទៀតសម្រាប់ការប្រកួតកីឡាបាល់ឱបពិភពលោកដែលបារាំងធ្វើជាម្ចាស់ផ្ទះកាលពីឆ្នាំមុន ។

គួរបញ្ជាក់ថា រដ្ឋាភិបាលបារាំងបានបង្កើនជំហរប្រុងប្រយ័ត្នផ្នែកសន្តិសុខដល់កម្រិតខ្ពស់បំផុត បន្ទាប់ពីមានការវាយប្រហារសម្លាប់មនុស្សកាលពីពេលថ្មីៗនេះនៅសាលប្រគំតន្ត្រីក្នុងប្រទេសរុស្ស៊ី និងមានការអះអាងទទួលខុសត្រូវពីសំណាក់ក្រុមរដ្ឋឥស្លាម ៕