កីឡា
ក្រោយក្លាយជាប្រធានគុនខ្មែរ លោក ខូវ ឆាយ កាន់តួនាទី៣ផ្នែកកីឡា
លោក ខូវ ឆាយ បានក្លាយជាប្រធានសហព័ន្ធកីឡាប្រដាល់គុនខ្មែរក្នុងអាណត្តិទី៧ បន្ទាប់ពីលោកទើបត្រូវបានតែងតាំងជាអនុប្រធានទី១បានប៉ុន្មានខែមុន ហើយនេះជាការងារទី៣ដែលកាន់ព័ន្ធនឹងកីឡា។
ការទទួលតួនាទីជាអនុប្រធានទី១នាប៉ុន្មានខែកន្លងទៅ លោក ខូវ ឆាយ ទទួលបានការសរសើរពីមហាជន ជាពិសេសអ្នកចូលចិត្តកីឡាប្រដាល់គុនខ្មែរ។ លោកតែងតែចេញមុខដោះស្រាយ និងបកស្រាយនូវរាល់បញ្ហាអសកម្មដែលបានកើតមានកន្លងក្នុងពេលលោកកាន់ជាអនុប្រធានទី១។
![](https://www.kampucheathmey.com/wp-content/uploads/2024/03/khov-Chhay.jpg)
ការចេញមុខដោះស្រាយ និងបកស្រាយពន្យល់ដល់មហាជនរបស់លោកខុសប្លែកនឹងលោក តែម ម៉ឺន ដែលជាប្រធានច្រើនអាណត្តិ។ អតីតប្រធានច្រើនអាណត្តិកម្រចេញមុខបកស្រាយជាសាធារណៈ និងដោះស្រាយភ្លាមៗណាស់។
ស្របពេលលោក តែម ម៉ឺន វ័យកាន់ច្រើន ហើយលោក ខូវ ឆាយ ចេញមុខដោះស្រាយបានល្អ និងទទួលបានការសរសើរពីមហាជន ពេលនេះលោកត្រូវបានតែងតាំងជាប្រធានក្នុងអាណត្តិទី៧។ លោកចូលកាន់តំណែងចាប់ពីពេលនេះរហូតដល់អាណត្តិទី៧ពីឆ្នាំ២០២១ ដល់២០២៥ ដូច្នេះមានន័យថា លោកចូលកាន់នៅពេលអាណត្តិទី៧មិនទាន់ចប់។
![](https://www.kampucheathmey.com/wp-content/uploads/2024/03/Kun-Khmer-Federation-1.jpg)
ក្រៅពីតួនាទីថ្មីនេះ លោក ខូវ ឆាយ ជាអគ្គលេខាធិការក្លិបបាល់ទាត់ក្រសួងការពារជាតិដែលកំពុងលេងក្នុងក្របខណ្ឌលីគកំពូលកម្ពុជា។ លោកក៏ជានាយកមជ្ឈមណ្ឌលកីឡាកងយោធពលខេមរភូមិន្ទ ដែលត្រូវបានសម្តេចតេជោ ហ៊ុន សែន អតីតនាយករដ្ឋមន្ត្រីបានចេញអនុក្រឹត្យតែងតាំងកាលពីថ្ងៃទី៣១ ខែកក្កដា ឆ្នាំ២០២៣ ដើម្បីជំនួសលោក តែម ម៉ឺន។
![](https://www.kampucheathmey.com/wp-content/uploads/2024/03/khov-Chhay3.jpg)
ចំណែកលោក តែម ម៉ឺន អនុរដ្ឋលេខាធិការក្រសួងការពារជាតិត្រូវបានតែងតាំងជាប្រធានកិត្តិយសសហព័ន្ធកីឡាប្រដាល់គុនខ្មែរ៕
![](https://www.kampucheathmey.com/wp-content/uploads/2024/03/Kun-Khmer-Federation-2.jpg)
![](https://www.kampucheathmey.com/wp-content/uploads/2024/03/khov-Chhay2-729x1024.jpg)
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី