សេដ្ឋកិច្ច
ប្រេងសាំងបន្តឡើង ៥០រៀលទៀត នាំឱ្យតម្លៃ១លីត្រ ស្មើនឹង ៥,៦៥០រៀល និងម៉ាស៊ូត ៥,៥៥០រៀល
ប្រេងសាំងឡើងថ្លៃជាបន្តបន្ទាប់ មិនទាន់មានសញ្ញានៃការធ្លាក់ចុះវិញនៅឡើយ។ ជាក់ស្តែង ក្រសួងពាណិជ្ជកម្ម បានប្រកាសនៅមុននេះបន្តិចថា តម្លៃប្រេងសាំងធម្មតា ក្នុង១លីត្រ ថ្លៃ ៥,៦៥០រៀល និងប្រេងម៉ាស៊ូតតម្លៃ ៥,៥៥០រៀល ដោយតម្លៃនេះ ចាប់ផ្តើមអនុវត្តពីថ្ងៃទី ០១-១០ ខែមិថុនា ឆ្នាំ ២០២២។
យោងតាមការប្រកាសថ្មីនេះ មានន័យថា ប្រេងសាំងធម្មតាកើនឡើងតម្លៃ ៥០រៀល និងប្រេងម៉ាស៊ូត ឡើងថ្លៃ ១៥០រៀល បន្ថែមពីលើតម្លៃចាស់។
អ្នកនាំពាក្យក្រសួងពាណិជ្ជកម្ម ធ្លាប់បានប្រាប់កម្ពុជាថ្មីថា តម្លៃប្រេងនៅក្នុងប្រទេសកម្ពុជា យោងតាមប្រេងនៅប្រទេសសិង្ហបុរី ប្រសិនបើប្រេងនៅសិង្ហបុរីឡើងថ្លៃនោះ ១០០ភាគរយ ប្រេងនៅកម្ពុជា ក៏ឡើងថ្លៃដូចគ្នា ព្រោះកម្ពុជា នាំចូលប្រេងពីប្រទេសសិង្ហបុរី។ យ៉ាងណាក៏ដោយ រាជរដ្ឋាភិបាលកម្ពុជា មិនព្រងើយកន្តើយ ជាមួយតម្លៃសាំងនោះទេ ពោលគឺកំពុងជជែកពិភាក្សាជាមួយអ្នកពាក់ព័ន្ធ ដើម្បីរកដំណោះសមរម្យមួយដែលអាចទទួលយកបាន។
ពាក់ព័ន្ធនឹងបញ្ហានេះ លោកបណ្ឌិត គី សេរីវឌ្ឍន៍ អ្នកវិភាគសេដ្ឋកិច្ចនៃរាជបណ្ឌិត្យសភាកម្ពុជា បានលើកឡើងថា ការឡើងថ្លៃប្រេងនេះ គឺជាប្រភពនៃការកើនឡើងថ្លៃដើម។ លោកបន្តថា គ្រប់មុខទំនិញទាំងអស់ ត្រូវការប្រើសេវាដឹកជញ្ជូន ទោះបីជាផលិតនៅក្នុងស្រុកក្តី ដែលទាំងនេះ បានធ្វើឱ្យកើនឡើងនៃថ្លៃដើមផលិតកម្ម និងជាមូលដ្ឋានអតិផរណា។ ទោះយ៉ាងណា លោកថា នេះគឺជារឿងដែលជៀសមិនផុត ព្រោះជាបញ្ហាសកល ពោលគឺមិនមែនកម្ពុជា ដំឡើងថ្លៃប្រេងតែម្នាក់ឯងនោះទេ ចង់ឬមិនចង់កម្ពុជាត្រូវតែរងឥទ្ធិពលនៃការកើនឡើងថ្លៃប្រេងនេះ។
សូមបញ្ជាក់ថា ក្រសួងពាណិជ្ជកម្ម បានសម្រេចអនុវត្តគោលការណ៍ប្រកាសតម្លៃប្រេងសាំង រាល់១០ថ្ងៃម្តង ដើម្បីសម្រួលដល់ភាគីពាក់ព័ន្ធ អំពីការឡើងចុះរហ័សនៃតម្លៃប្រេងឥន្ធនៈនេះ៕ ទួន សុផល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង