ក្រុមហ៊ុនថាមពលពន្លឺព្រះអាទិត្យជំរុញឱ្យអាមេរិកយកពន្ធខ្ពស់លើការនាំចូលពី​អាស៊ាន

ក្រុមហ៊ុនផលិតឧបករណ៍ថាមពលពន្លឺព្រះអាទិត្យធំៗមួយចំនួនរបស់ពិភពលោកកំពុងស្នើសុំឱ្យរដ្ឋាភិបាលសហរដ្ឋអាមេរិកដាក់ពន្ធឱ្យច្រើនលើបន្ទះសូឡាពីប្រទេសអាស៊ីចំនួន ៤ គឺម៉ាឡេស៊ី កម្ពុជា វៀតណាម និងថៃ ខណៈដែលពួកគេស្វែងរកការការពារការវិនិយោគរាប់ពាន់លានដុល្លារនៅក្នុងការផលិតរបស់សហរដ្ឋអាមេរិក។

សម្រាប់បណ្តាក្រុមហ៊ុនដែលហៅខ្លួនឯងថាជាសម្ព័ន្ធអាមេរិចសម្រាប់គណៈកម្មាធិការពាណិជ្ជកម្មផលិតថាមពលព្រះអាទិត្យកំពុងចោទប្រកាន់ក្រុមហ៊ុនចិនដែលមានរោងចក្រក្នុងប្រទេសនៅអាស៊ីអាគ្នេយ៍ចំនួនបួនថាបានជន់ពន្លិចទីផ្សារសហរដ្ឋអាមេរិកជាមួយនឹងបន្ទះសូឡាដែលមានតម្លៃទាបជាងតម្លៃផលិតកម្មរបស់ពួកគេ។

ពួកគេបាននិយាយថា ការណ៍នោះបានធ្វើឱ្យតម្លៃធ្លាក់ចុះជាង ៥០% ដែលគំរាមកំហែងដល់ផលិតផលផលិតនៅសហរដ្ឋអាមេរិករបស់ពួកគេ។ ក្រុមហ៊ុនផលិតថាមពលពន្លឺព្រះអាទិត្យដែលមានមូលដ្ឋាននៅសហរដ្ឋអាមេរិកចង់បានការស៊ើបអង្កេតរបស់រដ្ឋាភិបាល ហើយការយកពន្ធគឺចាប់ពី​៧០,៤% ដល់ ២៧១,៥% លើការនាំចូលដែលមានប្រហែល ៨០% នៃបន្ទះស្រូបពន្លឺព្រះអាទិត្យដែលប្រើនៅសហរដ្ឋអាមេរិក។ ពួកគេចោទប្រកាន់ការនាំចូលដោយអយុត្តិធម៌ពីការឧបត្ថម្ភធនរាប់សិបពាន់លានដុល្លារ រួមទាំងពីអង្គភាពនានារបស់រដ្ឋាភិបាលចិនផងដែរ។

ក្រុមហ៊ុនចំនួនប្រាំពីររួមមានក្រុមហ៊ុន Hanwha Qcells របស់កូរ៉េខាងត្បូង ក្រុមហ៊ុន Meyer Burger នៃប្រទេសស្វីស REC Silicon របស់ប្រទេសន័រវេស និងក្រុមហ៊ុនអាមេរិក First Solar, Convalt Energy, Mission Solar និង Swift Solar – គឺជាបណ្តាក្រុមហ៊ុនដែលនៅពីក្រោយញត្តិដែលបានដាក់ជូនក្រសួងពាណិជ្ជកម្មសហរដ្ឋអាមេរិក និងគណៈកម្មការពាណិជ្ជកម្មអន្តរជាតិ។ .

ញត្តិនេះកើតឡើងនៅពេលដែលរដ្ឋបាល Biden បានបង្ហាញពីក្តីបារម្ភក្នុងប៉ុន្មានសប្តាហ៍ថ្មីៗនេះ ជុំវិញការវិនិយោគដ៏ធំរបស់ប្រទេសចិនលើការសាងសង់រោងចក្រសម្រាប់ទំនិញដែលប្រើថាមពលស្អាត។

ការ​នាំ​ចូល​ពី​អាស៊ី​អាគ្នេយ៍​ត្រូវ​បាន​ប៉ាន់​ស្មាន​ថា​មាន​តម្លៃ ១២,៥ ពាន់​លាន​ដុល្លារ​ក្នុង​មួយ​ឆ្នាំរដ្ឋបាលលោក Biden មានការស្ទាក់ស្ទើរក្នុងការធ្វើសកម្មភាពលើការត្អូញត្អែរពីមុនៗ ដោយក្រុមមន្ត្រីបាននិយាយថា ពន្ធខ្ពស់នឹងធ្វើឱ្យគម្រោងថាមពលពន្លឺព្រះអាទិត្យមានតម្លៃថ្លៃជាង នៅពេលដែលសហរដ្ឋអាមេរិកកំពុងព្យាយាមធ្វើឱ្យប្រទេសមានពណ៌បៃតង។

ខណៈពេលដែលពន្ធមួយចំនួនផ្សេងទៀតអាចជំរុញការផលិតថាមពលព្រះអាទិត្យរបស់សហរដ្ឋអាមេរិក ដែលជាអាទិភាពសម្រាប់ប្រធានាធិបតីលោក Joe Biden ហើយការផ្លាស់ប្តូរនេះនឹងប្រថុយនឹងការបំផ្លាញគោលដៅផ្សេងទៀតរបស់គាត់៖ ការពន្លឿនការដំឡើងបន្ទះសូឡានៅលើកសិដ្ឋាន និងដំបូលដើម្បីជួយប្រយុទ្ធប្រឆាំងនឹងការប្រែប្រួលអាកាសធាតុ។

ច្បាប់កាត់បន្ថយអតិផរណារបស់លោក Biden បានផ្តល់ប្រាក់ឧបត្ថម្ភរាប់សិបពាន់លានដុល្លារសម្រាប់រោងចក្រថាមពលពន្លឺព្រះអាទិត្យថ្មី។ ប៉ុន្តែប្រទេសនេះនៅតែពឹងផ្អែកលើការនាំចូលពីអាស៊ីសម្រាប់ការផ្គត់ផ្គង់​ភាគច្រើនរបស់ខ្លួន ហើយក្រុមហ៊ុនផលិតក្នុងស្រុកអះអាងថា ការគាំទ្ររបស់រដ្ឋាភិបាលសហរដ្ឋអាមេរិកត្រូវបានបំផ្លាញដោយគោលនយោបាយសហព័ន្ធផ្សេងទៀត ក៏ដូចជាការកើនឡើងនៃការនាំចូលថោក៕