សេដ្ឋកិច្ច
អាមេរិកវ៉ាដាច់ចិន ក្លាយជាដៃគូពាណិជ្ជកម្មកំពូលរបស់អាល្លឺម៉ង់
សហរដ្ឋអាមេរិក បានវ៉ាដាច់ប្រទេសចិន ដោយក្លាយជាដៃគូពាណិជ្ជកម្មដ៏សំខាន់បំផុតរបស់ប្រទេស អាល្លឺម៉ង់ក្នុងត្រីមាសទី១ នៃឆ្នាំ ២០២៤ នេះ។ នេះបើយោងតាមការគណនារបស់ទីភ្នាក់ងារសារព័ត៌មានរ៉យទ័រ ដោយផ្អែកលើទិន្នន័យផ្លូវការពីការិយាល័យស្ថិតិអាល្លឺម៉ង់។
ទិន្នន័យបានបង្ហាញថា ចាប់ពីខែមករា ដល់ខែមីនា ពាណិជ្ជកម្មរបស់អាល្លឺម៉ង់ជាមួយសហរដ្ឋអាមេរិក ដែលរួមបញ្ជូលទាំងការនាំចេញ និងនាំចូល មានចំនួនសរុប ៦៣ ប៊ីលានអឺរ៉ូ (៦៨ ប៊ីលានដុល្លារ) ខណៈតួលេខពាណិជ្ជកម្មជាមួយចិន មានត្រឹមតែ ៦០ ប៊ីលានអឺរ៉ូប៉ុណ្ណោះ។
នៅឆ្នាំ ២០២៣ ប្រទេសចិនគឺជាដៃគូពាណិជ្ជកម្មកំពូលរបស់អាល្លឺម៉ង់ ដោយបន្តដំណែងនេះ ៨ ឆ្នាំជាប់ៗគ្នា ក្នុងតម្លៃពាណិជ្ជកម្មឈានរហូតដល់ ២៥៣ ប៊ីលានអឺរ៉ុប ដោយច្រើនជាងពាណិជ្ជកម្មអាមេរិក-អាល្លឺម៉ង់ ២-៣ រយលានប៉ុណ្ណោះ។
សេដ្ឋវិទូរបស់ក្រុមហ៊ុនធនាគារឯកជន Commerzbank លោក Vincent Stamer បាននិយាយដោយពន្យល់ពីរបត់ក្នុងត្រីមាសទី១នេះថា៖ «ការនាំចេញរបស់អាល្លឺម៉ង់ទៅកាន់សហរដ្ឋអាមេរិកឥឡូវនេះ បានកើនឡើងបន្ថែមទៀត ដោយសារតែសេដ្ឋកិច្ចដ៏រឹងមាំនៅទីនោះ ខណៈដែលការនាំចេញទៅ និងការនាំចូលពីប្រទេសចិន បានធ្លាក់ចុះ»។
លោកបន្តថា ការផ្លាស់ប្ដូររចនាសម្ព័ន្ធក៏ជាកត្តាមួយផងដែរ។ លោកថ្លែងយ៉ាងដូច្នេះថា៖ «ចិនកំពុងបង្កើនការផលិតទំនិញ ដែលខ្លួនធ្លាប់តែនាំចូលពីអាល្លឺម៉ង់ ដោយខ្លួនឯង។ លើសពីនេះ ក្រុមហ៊ុនអាល្លឺម៉ង់វិញ ក៏បង្កើនការផលិតក្នុងស្រុកកាន់តែខ្លាំងឡើង ជំនួសឱ្យការនាំចេញទំនិញពីអាល្លឺម៉ង់ទៅកាន់ប្រទេសចិន»។
គួរគូសបញ្ជាក់ថា កន្លងមក ប្រទេសអាល្លឺម៉ង់បាននិយាយថា ខ្លួនចង់កាត់បន្ថយការពឹងអាស្រ័យលើពាណិជ្ជកម្មជាមួយចិន ដោយលើកឡើងពីភាពខុសប្លែកគ្នាផ្នែកនយោបាយ និងចោទប្រកាន់ទីក្រុងប៉េកាំង នៅក្នុងយុទ្ធសាស្ត្រចំពោះចិនរបស់ខ្លួន ដែលប្រកាសកាលពីឆ្នាំមុន ថា «អនុវត្តសកម្មភាពមិនយុត្តិធម៌» ផ្សេងៗ។ យ៉ាងណាមិញ គេមើលឃើញថា ទីក្រុងប៊ែកឡាំង មានភាពស្រពិចស្រពិលលើជំហានគោលនយោបាយ ដើម្បីកាត់បន្ថយការពឹងអាស្រ័យលើចិន។
បច្ចុប្បន្ននេះ សហរដ្ឋអាមេរិករួមចំណែកប្រហែល ១០ ភាគរយ ក្នុងការនាំចេញទំនិញរបស់អាល្លឺម៉ង់។ សេដ្ឋវិទូមកពីវិទ្យាស្ថានសេដ្ឋកិច្ចអាល្លឺម៉ង់ IW លោក Juergen Matthes បាននិយាយថាបាននិយាយថា ភាគហ៊ុនរបស់ប្រទេសចិន បានធ្លាក់ចុះតិចជាង ៦ ភាគរយ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ