សេដ្ឋកិច្ច

វៀតណាមបើកការស៊ើបអង្កេតប្រឆាំងការលក់បង្ខូចតម្លៃ លើដែកថែបស្រោបស័ង្កសីពីចិន និងកូរ៉េខាងត្បូង

បានផុស

២ years មុន

នៅ

ថ្ងៃអង្គារ ១៨ មិថុនា ២០២៤

ដោយ

ក្រសួងឧស្សាហកម្ម និងពាណិជ្ជកម្មវៀតណាម (MoIT) បានស្នើសុំឱ្យមានការស៊ើបអង្កេត និងការអនុវត្តវិធានការប្រឆាំងនឹងការលក់បង្ខូចតម្លៃ នូវផលិតផលដែកថែមស្រោបស័ង្កសីមួយចំនួន ដែលមានប្រភពនាំចូលមកពីប្រទេសចិន និងកូរ៉េខាងត្បូង។ នេះបើតាមការចុះផ្សាយរបស់កាសែត Viet Nam News។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តបើកការស៊ើបអង្កេត ប្រកាសឡើងតាមពាក្យស្នើសុំរបស់សហគ្រាសតំណាងឱ្យ ឧស្សាហកម្មផលិតក្នុងស្រុក រួមទាំងក្រុមហ៊ុនផលិតដែកថែបវៀតណាមចំនួន៥ ដែលទាមទារឱ្យមានវិធានការប្រឆាំងនឹងការលក់បង្ខូចតម្លៃ។

ការវិវត្តន៍ចុងក្រោយ កើតមានឡើងចំពេលដែលមានលំហូរដែកថែបស្រោបស័ង្កសីលក់ក្នុងតម្លៃថោកពីប្រទេសចិន និងកូរ៉េខាងត្បូង ដែលបណ្តាលឱ្យមានការខូចខាតយ៉ាងធ្ងន់ធ្ងរដល់ឧស្សាហកម្មផលិតក្នុងស្រុក។

បើតាម Viet Nam News, MoIT នឹងបញ្ជូនកម្រងសំណួរស៊ើបអង្កេតទៅភាគីពាក់ព័ន្ធទាំងអស់ ដើម្បីប្រមូលព័ត៌មាន វិភាគ និងវាយតម្លៃលើការចោទប្រកាន់។ ដោយផ្អែកលើលទ្ធផលបឋមទ MoIT អាចអនុវត្តវិធានការប្រឆាំងការលក់បង្ខូចតម្លៃបណ្តោះអាសន្ន ហើយបន្ទាប់មក ក្រសួងដដែលនឹងធ្វើការពិនិត្យ និងផ្ទៀងផ្ទាត់ឡើងវិញនូវព័ត៌មានដែលផ្តល់ដោយភាគីពាក់ព័ន្ធ មុនពេលបញ្ចប់ការស៊ើបអង្កេតជាផ្លូវការ។

ក្រោយបញ្ហានេះ MoIT ផ្តល់អនុសាសន៍ថា គ្រប់ស្ថាប័ន និងបុគ្គលទាំងឡាយណាដែលនាំចូល នាំចេញ ចែកចាយ ឬជួញដូរទំនិញដែលកំពុងរងការស៊ើបអង្កេត ត្រូវចុះឈ្មោះជាភាគីពាក់ព័ន្ធ និងផ្តល់ព័ត៌មានចាំបាច់ដល់ក្រសួង ដើម្បីធានាសិទ្ធិ និងផលប្រយោជន៍របស់ពួកគេស្របតាមបទប្បញ្ញត្តិនៃច្បាប់៕

Related Topics:

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា