Connect with us

ព័ត៌មានអន្ដរជាតិ

ជើងហោះហើរថៃ-ចិន កើនឡើងជាង​ ២០០ ភាគរយ​ ក្រោយ​កិច្ចព្រមព្រៀងលើកលែងទិដ្ឋាការ

បានផុស

នៅ

ក្រសួងដឹកជញ្ជូនថៃ​ បានឱ្យដឹងថា ជើងហោះហើររវាងប្រទេសថៃ និងចិន បានកើនឡើងរហូតដល់ជាង​ ៥៥ ០០០ ជើង​ ក្នុង​រយៈ​ពេល​៨​ខែ​​  ​ដែល​ជា​ការ​កើន​ឡើងដ៏​ខ្ពស់​​កប់​ពពក​ ក្រោយ​រដ្ឋាភិបាល​ប្រទេស​ទាំង​២​ ​ចុះហត្ថលេខាលើកិច្ចព្រមព្រៀងលើកលែងទិដ្ឋាការទៅវិញទៅមក ខណៈ​ថៃ​​ពង្រឹង​វិស័យ​ទេសចរណ៍​របស់​ខ្លួន​ ដោយ​កំណត់​​គោលដៅ​ទាក់​ទាញ​ភ្ញៀវ​ពី​ចិន​​រាប់​លាន​នាក់​។ នេះ​បើ​តាម​ការ​ចុះ​​ផ្សាយ​របស់កាសែត​​ The Thaiger កាល​ពីថ្ងៃ​អាទិត្យ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុរដ្ឋមន្ត្រីក្រសួងដឹកជញ្ជូនថៃ​ លោក Surapong Piyachote បានរាយការណ៍ថា ចន្លោះ​ពី​ខែ​តុលា​ឆ្នាំ​មុន​ ដល់​ខែ​ឧសភា​ ឆ្នាំនេះ​ ជើង​ហោះ​ហើរ​ថៃ​-ចិន មាន​ចំនួន​ ៥៥ ៤៣៣ ជើង​ ដែល​ស្មើ​នឹង​ការ​កើន​ឡើង​ ២១៣ ភាគរយ​ បើ​ធៀប​នឹង​រយៈ​​ពេល​ដូច​គ្នា​កាល​ពី​ឆ្នាំ​មុន​។

លោក​បានព្យាករថា​ នៅ​ចុង​បញ្ចប់​​នៃ​ឆ្នាំ​សារពើពន្ធ​បច្ចុប្បន្ន​ ពោល​គឺ​ត្រឹម​ថ្ងៃ​ទី​ ៣០ ខែ​កញ្ញា ​ខាង​មុខ ជើង​ហោះ​ហើរ​រវាង​ប្រទេស​ទាំង​២ ​នឹង​កើន​ដល់​ ៨៦ ១៥០ ជើង​។ ​

បច្ចុប្បន្ន ជើងហោះហើរពីប្រទេសចិនចុះចតនៅអាកាសយានដ្ឋានដុនមឿង សុវណ្ណភូមិ ភូកេត ឈៀងម៉ៃ សាមុយ និងអាកាសយានដ្ឋានក្រាប៊ី។ មជ្ឈមណ្ឌលសេដ្ឋកិច្ចចិន​ធំ​ៗ​ដូចជាក្រុង​ Chengdu ក្នុងខេត្ត Sichuan បានឃើញពី​កំណើនគួរឱ្យកត់សម្គាល់នៅក្នុងចរាចរណ៍ផ្លូវអាកាស​មក​ថៃ​។

ជាមួយ​គ្នា​នេះ​ លោក Surapong បានកត់សម្គាល់ថា វិទ្យុអាកាសចរណ៍ថៃ (Aerothai) ត្រូវបានស្នើសុំឱ្យពង្រីកសមត្ថភាពរបស់ខ្លួន ដើម្បីគ្រប់គ្រងបរិមាណហោះហើរដែលកើនឡើង។ ក្រុមហ៊ុន Aerothai ដែល​ស្ថិត​នៅ​ក្រោម​ចំណុះ​របស់​ក្រសួង​ដឹក​ជញ្ជូន​ កំពុងពង្រឹងប្រសិទ្ធភាពសេវាកម្មចរាចរណ៍ផ្លូវអាកាស តាមរយៈផ្លូវហោះ​ហើរ​ត្រួត​ស៊ី​គ្នា​ថ្មី ប្រព័ន្ធបច្ចេកវិទ្យាដែល​​កាន់​តែ​ប្រសើរឡើង និងការកែលម្អរចនាសម្ព័ន្ធលំហអាកាស និងគោលការណ៍ណែនាំការគ្រប់គ្រង។

គួរ​គូស​បញ្ជាក់​ផង​ដែរ​ថា​ កំណើន​ជើង​ហោះ​ហើរ​ថៃ​-ចិន​ បច្ចុប្បន្ន​​ ត្រូវ​បាន​គេ​​មើល​ឃើញ​ថា​ ជា​ផ្នែក​មួយ​នៃ​កិច្ច​ប្រឹង​ប្រែង​របស់​រដ្ឋាភិបាល​ថៃ​ ក្នុង​ការ​ទាក់​ទាញ​ភ្ញៀវ​ទេសចរ​បរទេស​ ក្រោម​គោលដៅ​ទាក់​ទាញ​ភ្ញៀវ​ទេសចរ​ឱ្យ​បាន​ ៣៥ លាន​នាក់​នៅ​ឆ្នាំ​នេះ​។

កាល​ពី​ថ្ងៃសៅរ៍​​ អាជ្ញាធរទេសចរណ៍នៃប្រទេសថៃ (TAT) បាននិយាយថា គោលដៅទាក់ទាញភ្ញៀវទេសចរចិនចំនួន ៨ លាននាក់នៅឆ្នាំនេះ គឺអាចសម្រេចបាន​ ខណៈ​ភ្ញៀវទេសចរចិនបានកើនលើសភ្ញៀវមកពីប្រទេសផ្សេងៗ គិតត្រឹមថ្ងៃទី ៣០ ខែមិថុនា ​ក្នុង​ចំនួន ៣,៥ លាននាក់ ​ពី​ចំណោមភ្ញៀវបរទេសសរុបចំនួន ១៧,៥ លាន​នាក់​ ដែល​ចូល​មក​ប្រទេ​ស​ថៃ​ក្នុង​​ឆមាស​ទី​១​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ ម៉ោង មុន

ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស

ព័ត៌មានជាតិ១៥ ម៉ោង មុន

លោក នេត សាវឿន៖ បើគ្រួសារមួយមានមនុស្សម្នាក់ប្រើគ្រឿងញៀន គ្រួសារនោះប្រៀបដូចមានជាភ្នំភ្លើងមួយដែរ

ព័ត៌មានអន្ដរជាតិ២ ម៉ោង មុន

ប្រធានាធិបតីរដ្ឋជាសមាជិកណាតូ បង្ហាញវត្តមានយ៉ាងភ្ញាក់ផ្អើលបំផុត នៅ ចិន

ព័ត៌មានអន្ដរជាតិ២០ ម៉ោង មុន

លោក បៃដិន ដាច់​ខាត​មិន​ធ្វើ​តេស្ត​​​ប្រាជ្ញា ឬ​សរសៃ​ប្រសាទ បន្ទាប់​ពី​ជជែក​ដេញ​ដោល​ចាញ់​លោក ត្រាំ

ព័ត៌មានជាតិ២១ ម៉ោង មុន

អ្នកជំនាញ ក្រើនរំលឹកដល់ក្រុមហ៊ុនអាជីកម្ម ប្រុងប្រយ័ត្ន ចំពោះប្រព័ន្ធសុវត្ថិភាពលើអ៊ីនធឺណិត

Sokha Hotels

ព័ត៌មានពេញនិយម