យានយន្តជាង ៣៧ ម៉ឺនគ្រឿង បានចុះបញ្ជីនៅក្រសួងសាធារណការនៅឆ្នាំ ២០២៤

ក្រសួងសាធារណការ និងដឹកជញ្ជូនបានចុះបញ្ជីយានយន្តជាង ៣៧ ម៉ឺនគ្រឿង នៅក្នុងឆ្នាំ ២០២៤ (ទោចក្រយានយន្តប្រមាណ ៣១ ម៉ឺនគ្រឿង និងរយន្តគ្រប់ប្រភេទប្រមាណ ៥ ម៉ឺន ៥ ពាន់គ្រឿង) ក្នុងនោះរថយន្តបំពាក់ផ្លាកលេខពិសេស និងផ្លាកលេខពិសេសផ្ទាល់ខ្លួន ប្រមាណ ៣ ម៉ឺនគ្រឿង និងទទួលបានចំណូលសរុបជាង ១៨ លានដុល្លារ និងយានយន្តដើរដោយថា​មពល​អគ្គិសនីប្រមាន ៣ ពាន់គ្រឿង។

លោក ប៉េង ពោធិ៍នា រដ្ឋមន្ត្រីក្រសួងសារធារណការ និងដឹកជញ្ជូន មានប្រសាសន៍នៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ ថា ក្រសួងក៏បានចេញបណ្ណបើកបរប្រមាណ ១១ ម៉ឺន បណ្ណ ក្នុងនោះទោចក្រ​យានយន្តប្រមាណ ៩ ម៉ឺន បណ្ណ និងរថយន្ត ប្រមាណជិត ១ ម៉ឺន ៤ ពាន់បណ្ណ និង​បណ្ណ​អាជីវកម្មគ្រប់ប្រភេទចំនួន ៧ ម៉ឺនបណ្ណ។

ក្រសួងសារធារណការបានត្រួតពិនិត្យលក្ខណៈបច្ចេកទេសយានយន្ត (ឆៀក) ប្រមាណ ៤៦ ម៉ឺនគ្រឿង និងត្រួតពិនិត្យ​យានយន្តដឹកជញ្ជូនលើសទម្ងន់កម្រិតកំណត់ ប្រមាណ ២ លាន ៨៥ ម៉ឺនគ្រឿង និងពិន័យប្រមាណជាង ១ ពាន់គ្រឿង យានយន្តកែច្នៃខុសលក្ខណៈបច្ចេកទេសប្រមាណ ១ ម៉ឺន ៤ ពាន់គ្រឿង៕