កូវីដ-១៩
ធ្ងន់ធ្ងរបំផុតនៅថ្ងៃនេះ ភ្នំពេញរកឃើញអ្នកឆ្លងកូវីដ ៥៥៨ នាក់
ភ្នំពេញប្រកាសរកឃើញអ្នកឆ្លងថ្មីចំនួន ៥៥៨ នាក់ ជាតួលេខដ៏ខ្ពស់បំផុត។ ទីក្រុងភ្នំពេញដែលមានប្រជាជនជិត ២ លាននាក់រស់នៅ កំពុងញាំញីដោយការឆ្លងក្នុងសហគមន៍យ៉ាងធ្ងន់ធ្ងរ ខណៈដែលរដ្ឋាភិបាលបានចាត់វិធានការបន្តបិទខ្ទប់ទីក្រុងភ្នំពេញ រហូតដល់ថ្ងៃ ០៥ ឧសភា ២០២១។
លោក នួន ផារ័ត្ន អភិបាលរងរាជធានីភ្នំពេញបានថ្លែងក្នុងសន្និសីទនៅព្រឹកនេះថា តួលេខការឆ្លងក្នុងទីក្រុងភ្នំពេញដែលនៅតែកើនឡើង ដោយសារអាជ្ញាធរបានសម្រុកយកសំណាកពលរដ្ឋនៅតំបន់មានហានិភ័យខ្ពស់។ ក្នុងមួយថ្ងៃៗ ក្រុមគ្រូពេទ្យបានយកសំណាកពលរដ្ឋពី ៥០០០ ទៅ ៦០០០ សំណាក។
នៅរសៀលថ្ងៃទី២៨ ខែមេសា ឆ្នាំ២០២១នេះ លោកជំទាវ ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល បានផ្ញើសារក្រើនរំលឹកដល់សាធារណជនឱ្យបន្តអនុវត្តបង្ការជំងឺកូវីដ-១៩យ៉ាងម៉ឺងម៉ាត់។
លោកជំទាវបានក្រើនរំលឹកថា៖ “វិធានការ ៣ការពារ + ៣កុំ + ចាក់វ៉ាក់សាំងកូវីដ-១៩ + នៅផ្ទះ ជាអាវុធដ៏ស័ក្តសិទ្ធដើម្បី អាចយកឈ្នះសត្រូវអត់ស្រមោលកូវីដ-១៩។
របាយការណ៍របស់ក្រសួងសុខាភិបាលដែលចេញនៅម៉ោងជាង ៩ យប់នេះ បានរកឃើញករណីឆ្លងថ្មី ៦៩៨នាក់ទៀតនិងជាសះស្បើយ ៩៩៤នាក់។ ភ្នំពេញមានចំនួនអ្នកឆ្លង ៥៥៨ នាក់ កណ្តាល ៧២ នាក់ បន្ទាយមានជ័យ ៤៣ នាក់ ព្រះសីហនុ ១៦នាក់ តាកែវ ០៣ នាក់ កំពង់ស្ពឺ ០៣ នាក់ និងខេត្តពោធិ៍សាត់ចំនួន ០២ នាក់៕
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា