អគ្គមេបញ្ជាការរងកងទ័ព ប្រាប់ឲ្យរាយការណ៍ទៅសមត្ថកិច្ច ប្រសិនបើមានអ្នកយកលុយដើម្បីបានចាក់វ៉ាក់សាំង
Connect with us
Helistar Cambodia - Helicopter Charter Services

កូវីដ-១៩

អគ្គមេបញ្ជាការរងកងទ័ព ប្រាប់ឲ្យរាយការណ៍ទៅសមត្ថកិច្ច ប្រសិនបើមានអ្នកយកលុយដើម្បីបានចាក់វ៉ាក់សាំង

បានផុស

នៅ

នាយឧត្តមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទ បានបញ្ជាក់ប្រាប់អ្នកសារព័ត៌មាននៅព្រឹកថ្ងៃទី៣ ខែឧសភា ឆ្នាំ២០២១នេះថា ការចាក់វ៉ាក់សាំងកូវីដ-១៩ មិនមានការយក លុយទេ ហើយបើមានបុគ្គលណាទាមទារយកលុយ សូមរាយការណ៍ទៅសមត្ថកិច្ចពាក់ព័ន្ធ ដើម្បីចាត់វិធានការតាមផ្លូវច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយឧត្តមសេនីយ៍ ឥត សារ៉ាត់ បញ្ជាក់ថា យុទ្ធនាការចាក់វ៉ាក់សាំងទ្រង់ទ្រាយធំក្នុងតំបន់ក្រហម បងប្អូនប្រជាពលរដ្ឋដែលមានបំណងស្ម័គ្រចិត្តមកចាក់វ៉ាក់សាំង គឺតម្រូវឲ្យបងប្អូនមកចាក់តាមលំដាប់លំដោយនៅទីកន្លែង ដែលបានកំណត់ ដើម្បីរក្សាសណ្តាប់ធ្នាប់ ចៀសវាងបាត់វិធានការការពារ និងតម្រូវឲ្យបងប្អូនបំពេញទម្រង់ចាក់វ៉ាក់សាំងឲ្យបានច្បាស់លាស់ ហើយការបំពេញទម្រង់នេះ គឺដើម្បីបញ្ជាក់ពីការស្ម័គ្រចិត្ដចាក់ ឬមិនស្ម័គ្រចិត្ត និងដើម្បីគ្រប់គ្រងទិន្នន័យ ចំនួនប្រជាពលរដ្ឋដែលបានចាក់ ហើយដើម្បីធ្វើបណ្ណចាក់វ៉ាក់សាំងសម្រាប់សម្គាល់ថា បុគ្គលម្នាក់ៗបានចាក់វ៉ាក់សាំងចំនួន២ដូសរួចហើយ។

នាយឧត្តមសេនីយ៍ ឥត សារ៉ាត់ បានបញ្ជាក់បន្ថែមទៀតថា បងប្អូនប្រជាពលរដ្ឋដែលមានបំណងស្ម័គ្រចិត្តចាក់វ៉ាក់សាំង គឺត្រូវមានអត្តសញ្ញាណប័ណ្ណ សំបុត្រកំណើត និងលិខិតបញ្ជាក់អស័យដ្ឋាន និងទីលំនៅច្បាស់លាស់។

សូមបញ្ជាក់ថា យុទ្ធនាការចាក់វ៉ាក់សាំងកូវីដ-១៩ទ្រង់ទ្រាយធំ ជូនប្រជាពលរដ្ឋរស់នៅតំបន់ក្រហម ចាប់អនុវត្តពីថ្ងៃទី ១ ដល់ថ្ងៃទី៣០ ខែឧសភា ឆ្នាំ២០២១ ក្នុងខណ្ឌចំនួន៤ ក្នុងភូមិសាស្ត្ររាជធានីភ្នំពេញគឺ ខណ្ឌកំបូល,ខណ្ឌពោធិសែនជ័យ​,​ ខណ្ឌមានជ័យ និងខណ្ឌដង្កោ រាជធានីភ្នំពេញ៕

អត្ថបទ ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services