គណៈបញ្ជាការរាជធានី ពង្រឹងប្រសិទ្ធភាពការងារដើម្បីកាត់ផ្តាច់ជំងឺកូវីដ-១៩ នាពេលដ៏ខ្លី
Connect with us
Helistar Cambodia - Helicopter Charter Services

កូវីដ-១៩

គណៈបញ្ជាការរាជធានី ពង្រឹងប្រសិទ្ធភាពការងារដើម្បីកាត់ផ្តាច់ជំងឺកូវីដ-១៩ នាពេលដ៏ខ្លី

បានផុស

នៅ

ភ្នំពេញ៖ ដើម្បីជំរុញឱ្យការងារនៃការបង្ការទប់ស្កាត់នូវជំងឺកូវីដ-១៩ កាន់តែមានប្រសិទ្ធភាពថែមទៀត ដែលអាចឈានទៅកាត់ផ្ដាច់បាននូវការរីករាលដាលនៃជំងឺក្នុងពេលដ៏ខ្លីខាងមុខនេះ អភិបាលនៃគណៈអភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំង១៤ និងសមត្ថកិច្ចពាក់ព័ន្ធទាំងអស់ត្រួតពិនិត្យឡើងវិញ និងដាក់ទិសដៅបន្តទៀត ដើម្បីការទប់ស្កាត់ឱ្យបាននៃការរីករាលដាលជំងឺនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត


ការជម្រុញនេះបានធ្វើឡើង នៅក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈ video conference នារសៀលថ្ងៃទី០៤ ខែឧសភានេះ នៅសាលារាជធានីភ្នំពេញ។
លោក ឃួង ស្រេង អភិបាលនៃគណៈអភិបាលរាជធានីភ្នំពេញ បានមានប្រសាសន៍ថា កិច្ចប្រជុំគណៈបញ្ជាការឯកភាពរាជធានីភ្នំពេញ គឺក្នុងបំណងត្រួតពិនិត្យការងារមួយចំនួនរបស់អាជ្ញាធរខណ្ឌទាំង១៤ និងកម្លាំងមានសមត្ថកិច្ចចំណុះឱ្យគណៈបញ្ជាការឯករាជធានីភ្នំពេញ និងដាក់ទិសដៅបន្តក្នុងកិច្ចការពារជំងឺរាតត្បាតជំងឺកូវីដ-១៩ នេះ។

ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈ video conference នេះដែរ អភិបាលខណ្ឌទាំង១៤ បានរាយការណ៍អំពីស្ថានភាពនានានៅក្នុងមូលដ្ឋានរបស់ខ្លួនជុំវិញការវិវត្តនានានៃជំងឺកូវីដ-១៩ ដើម្បីយកចំណុចទាំងនោះ មកពិភាក្សា ស្វែងរកចំណុចល្អៗ ដែលធ្វើយ៉ាងណាអាចឈានទៅដល់ការផ្តាច់ជំងឺកូវីដ-១៩ បានជោគជ័យនៅពេលដ៏ខ្លីខាងមុខនេះ។

ក្នុងកិច្ចប្រជុំនោះ ក៏បានលើកឡើង ពីការបែងចែកការងារចាក់វ៉ាក់សាំងការពារជម្ងឺកូវីដ-១៩ និងការផ្តល់អំណោយជូនបងប្អូនប្រជាពលរដ្ឋផងដែរ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services