កូវីដ-១៩
ប្រធានាធិបតីប្រេស៊ីល ចោទ ចិន បង្កើតកូវីដ ដើម្បីបង្ក “សង្គ្រាមគីមី” (មានវីដេអូ)
ប្រធានាធិបតីប្រេស៊ីលលោក Jair Bolsonaro បានចេញមុខរិះគន់ចិនខ្លាំងៗ ដោយចោទប្រកាន់ប្រទេសនេះ ថាបានបង្កើតជំងឺកូវីដ-១៩ ដើម្បីបង្កឲ្យមានសង្គ្រាមគីមី។
ការអត្ថាធិប្បាយនេះ បានធ្វើឡើងក្នុងសន្និសីទកាសែតមួយកាលពីថ្ងៃពុធ ខណៈមេដឹកនាំជ្រុលនិយមរូបនេះ ព្យាយាមគេចវេះពីការរិះគន់យ៉ាងក្តៅគគុកជុំវិញការដោះស្រាយជំងឺរាតត្បាតនៅក្នុងប្រទេសរបស់លោក ដែលធ្វើឲ្យប្រេស៊ីលមានចំនួនអ្នកស្លាប់ដោយសារកូវីដ ខ្ពស់បំផុតលំដាប់ទី២នៅលើពិភពលោក ពោលគឺមានចំនួន៤១៧,១៧៦នាក់។
លោក Bolsonaro និយាយថា “វាជាមេរោគថ្មី។ គ្មាននរណាម្នាក់ដឹងថា តើវាកើតឡើងនៅក្នុងបន្ទប់ពិសោធន៍ឬដោយសារតែមនុស្សបរិភោគសត្វ ដែលមិនគួរបរិភោគនោះទេ”។
ប៉ុន្តែវានៅទីនោះ។ យោធាដឹងថា តើសង្គ្រាមគីមី បាក់តេរីនិងវិទ្យុសកម្មគឺជាអ្វី។ តើយើងមិនកំពុងប្រឈមមុខជាមួយនឹងសង្គ្រាមថ្មីមែនទេ? តើប្រទេសណាដែលមានកំណើនផលិតផលក្នុងស្រុកសរុបច្រើនជាងគេ? ខ្ញុំមិនចាំបាច់ប្រាប់អ្នកទេ។
ថ្វីបើលោក Bolsonaro មិនបញ្ចេញឈ្មោះប្រទេសចិនចំៗ នៅក្នុងសុន្ទរកថារបស់គាត់ក៏ដោយ ប៉ុន្តែទិន្នន័យពីអង្គការសម្រាប់កិច្ចសហប្រតិបត្តិការសេដ្ឋកិច្ចនិងការអភិវឌ្ឍបានបង្ហាញថា ប្រទេសចិនគឺជាសមាជិក G20 តែមួយគត់ ដែលផលិតផលក្នុងស្រុកសរុបបានបង្ហាញពីកំណើនក្នុងអំឡុងពេលមានជំងឺរាតត្បាតក្នុងឆ្នាំ២០២០ ពោលគឺកើនឡើង ២,៣ភាគរយ។
ក្នុងអំឡុងវិបត្តិជំងឺរាតត្បាត លោក Bolsonaro និងគណៈរដ្ឋមន្រ្តីរបស់គាត់ តែងតែដាក់ការស្តីបន្ទោសចំពោះប្រទេសចិន ខណៈគិតត្រឹមព្រឹកថ្ងៃសុក្រនេះ ជំងឺកូវីដ-១៩ បានសម្លាប់មនុស្សចំនួន៣,២៤៥,១៥៣នាក់ហើយ នៅទូទាំងពិភពលោក។
ប្រេស៊ីល មានអ្នកស្លាប់សរុប ៤១៧,១៧៦នាក់ ជាប់ចំណាត់ថ្នាក់ទី២ បន្ទាប់ពីសហរដ្ឋអាមេរិក។ ប្រទេសអាមេរិកខាងត្បូងមួយនេះ បានរាយការណ៍ករណីសរុប១៥,០០៩,០២៣ករណី ជាប់ចំណាត់ថ្នាក់ទីបីបន្ទាប់ពីសហរដ្ឋអាមេរិកនិងឥណ្ឌា។ ផ្ទុយទៅវិញ ប្រទេសចិនមានអ្នកស្លាប់តែ ៤,៨៤៦នាក់និងការឆ្លង ១០២,៥៧៣ករណីប៉ុណ្ណោះ៕
សូមទស្សនាវីដេអូ៖
ប្រែសម្រួលដោយ៖ Vann Vann
ប្រភព៖ Daily Mail
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ