កូវីដ-១៩

លោក ហ៊ុន ម៉ានី ផ្តល់អំណោយជូនពលរដ្ឋនៅតំបន់បិទខ្ទប់២០០គ្រួសារ ក្នុងមូលខេត្តតាកែវ

បានផុស

៥ years មុន

នៅ

ថ្ងៃចន្ទ ១០ ឧសភា ២០២១

ដោយ

លោក គិត ច័ន្ទគ្រឹស្នា អនុប្រធានសហភាពសហព័ន្ធយុវជនកម្ពុជា ខេត្តតាកែវ តំណាងលោក សុខ ពុទ្ធិវុធ ប្រធាន ស.ស.យ.ក. ខេត្តតាកែវ ដោយមានការចូលរួមពីសំណាក់ លោក ទូច រដ្ឋា នាយកសហគ្រាសចុងភៅ សេង ហុកហេង បាននាំយកអំណោយដ៏ថ្លៃថ្លារបស់ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា មកចែកជូនប្រជាជនដែលកំពុងខ្វះខាតស្បៀងអាហាររស់នៅក្នុងតំបន់បិទខ្ទប់ដើម្បីទប់ស្កាត់ការរីករាលដាលនៃជំងឺកូវីដ-១៩ ចំនួន២០០គ្រួសារ នៅក្នុងមូលដ្ឋានខេត្តតាកែវ តាមរយៈសមាគមន៍ពាណិជ្ជករវ័យក្មេងកម្ពុជា កាលពីថ្ងៃអាទិត្យ ១៣រោច ខែពិសាខ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៩ ខែឧសភា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយទាំងនោះរួមមានគ្រួសារនីមួយៗទទួលបាន៖ អង្ករ១០គីឡូក្រាម ឱសថប្រចាំគ្រួសារ១ប្រអប់ (មានបួនមុខ) ទឹកស៊ីអ៊ីវ១ដប ទឹកត្រី១ដប ត្រីខកំប៉ុង ៤កំប៉ុង មី ១០កញ្ចប់។

ឆ្លៀតក្នុងឱកាសនេះដែរ លោក គិត ច័ន្ទគ្រឹស្នា បាននាំមកនូវការសួរសុខទុក្ខពីសំណាក់លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោក សុខ ពុទ្ធិវុធ សូមឱ្យបងប្អូន ពូមីង លោកយាយ លោកតា ថែរក្សាសុខភាព ប្រុងប្រយ័ត្នខ្ពស់ និងអនុវត្តឱ្យបានខ្ជាប់ខ្ជួននូវវិធានការ ៣ការពារ និង៣កុំ ព្រមទាំងវិធានការនានា ដែលក្រសួងសុខាភិបាល បានណែនាំ ដើម្បីចៀសផុតពីជំងឺកូវីដ -១៩ ទាំងអស់គ្នា ៕

អត្ថបទ ៖ រ៉ាវុទ្ធ