កីឡា

ងាយៗវគ្គពាក់កណ្ដាលផ្ដាច់ព្រ័ត្រ វិសាខា និង បញ្ជាការដ្ឋានអង្គរក្ស យកឈ្នះដៃគូ ៣-០ ដូចគ្នាឡើងវគ្គផ្ដាច់ព្រ័ត្រតេជោលីគ

បានផុស

៥ នាទី មុន

នៅ

ថ្ងៃព្រហស្បតិ៍ ២ កក្កដា ២០២៦

ដោយ

ការប្រកួតវគ្គពាក់កណ្ដាលផ្ដាច់ព្រ័ត្រ តេជោលីគ បានបញ្ចប់ហើយកាលពីល្ងាចថ្ងៃទី១ ខែកក្កដា ឆ្នាំ២០២៦ នេះដោយក្រុមខ្លាំងទាំងពីរចំណាយពេលត្រឹម ៣សិតដូចគ្នាយកឈ្នះដៃគូ វិសាខា ឈ្នះ ស្នងការរាជធានីភ្នំពេញ ៣-០ ស្របពេល បញ្ជាការដ្ឋានអង្គរក្ស ឈ្នះ ស្នងការខេត្តស្វាយរៀង ៣-០ ដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលការប្រកួតវគ្គពាក់កណ្ដាលផ្ដាច់ព្រ័ត្រ

ការប្រកួតដែលអ្នកគាំទ្រវិស័យបាល់ទះនៅកម្ពុជាទន្ទឹងរង់ចាំទស្សនានោះគឺមិនបានចំណាយពេលច្រើនសិតនោះឡើយ ពោលចាញ់-ឈ្នះ គ្នាលឿនតែម្ដង។ គូទី១ ដែលលេងនៅម៉ោង ៣រសៀលនោះគឺ សមាគមបាល់ទះវិសាខា យកឈ្នះលើ ក្រុមស្នងការរាជធានីភ្នំពេញ ៣-០ សិត គឺ ២៥-១៩, ២៥-១៥, ១៤។

ចំណែកគូទី២ លេងនៅម៉ោង ៥ល្ងាចនោះវិញគឺ ក្រុមបញ្ជាការដ្ឋានអង្គរក្ស យកឈ្នះលើ ក្រុមស្នងការខេត្តស្វាយរៀង ៣-០ សិត គឺ ២៥-២៣, ២៥-២៣,២៥-១២។

ក្រុមវិសាខា

ដូច្នេះក្រុមខ្លាំងទាំងពីររួមមាន សមាគមបាល់ទះវិសាខា និង បញ្ជាការដ្ឋានអង្គក្ស នឹងត្រូវប្រកួតវគ្គផ្ដាច់ព្រ័ត្រដណ្ដើមពានតេជោលីគ រដូវកាលទី៣ ឆ្នាំ២០២៦ នេះនៅថ្ងៃទី៣ ខែកក្កដា ស្អែកនេះ។ ចំណែកក្រុមដណ្ដើមលេខ៣ គឺក្រុមស្នងការរាជធានីភ្នំពេញ ត្រូវប៉ះស្នងការខេត្តស្វាយរៀង។ កុំភ្លេចតាមដានទស្សនានៅវគ្គផ្ដាច់ព្រ័ត្រទាំងអស់គ្នាថាក្រុមខ្លាំងទាំងពីរមួយណានឹងឈ្នះពានតេជោលីគ រដូវកាលទី៣ នេះ៕