កូវីដ-១៩
អ្នកនាំពាក្យកងរាជអាវុធហត្ថលើផ្ទៃប្រទេស ប្រាប់មូលហេតុ តម្រូវឱ្យកងរាជអាវុធទាំងអស់ ត្រូវធ្វើតេស្តកូវីដ១៩
កងរាជអាវុធហត្ថលើផ្ទៃប្រទេសទាំងអស់ នឹងត្រូវយកសំណាកធ្វើតេស្តរកមេរោគកូវីដ១៩ ដើម្បីការពារសុវត្ថិភាព នៃការឆ្លងរាលដាល។
នៅព្រឹកថ្ងៃទី ១០ ខែឧសភានេះ លោក ឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ក៏ធ្វើតេស្តរកមេរោគកូវីដ១៩ ព្រមទាំងថ្នាក់ដឹកនាំ មេបញ្ជាការឧត្តមសេនីយ៍ មេបញ្ជាការរង ព្រមទាំងនាយទាហាន នាយទាហានរងនៃកងរាជអាវុធហត្ថលើផ្ទៃប្រទេសទាំងអស់ ក៏បានទៅធ្វើតេស្តផងដែរ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស។
អ្នកនាំពាក្យកងរាជអាវុធហត្ថលើផ្ទៃប្រទេស លោក អេង ហ៊ី មានប្រសាសន៍ប្រាប់កម្ពុជាថ្មី នៅថ្ងៃទី ១០ ខែឧសភានេះថាថ្នាក់ដឹកនាំ និងកងកម្លាំងលើផ្ទៃប្រទេសទាំង អស់គឺត្រូវយកសំណាក ដោយសារតែកងកម្លាំងអាវុធហត្ថ ជាអ្នកចុះប្រតិបត្តិការ ហើយការយកសំណាកនេះ គឺដើម្បីការពារសុវត្ថិភាពទាំងអស់គ្នា។
អ្នកនាំពាក្យរូបនេះ ប្រាប់ថា ប្រសិនបើធ្វើតេស្តយកសំណាករកឃើញថាវិជ្ជមាន គឺនឹងយកទៅព្យាបាល នៅបញ្ជាការដ្ឋាន កងរាជអាវុធហត្ថ ខណៈលោកអះអាងថា នៅថ្ងៃទី ១០ ខែឧសភានេះ មិនទាន់មានរកឃើញវិជ្ជមានទៅលើថ្នាក់ដឹកនាំ ឬកងកម្លាំងអាវុធហត្ថណាម្នាក់នៅឡើយ។
បើតាមលោក អេង ហ៊ី គ្រូពេទ្យយកសំណាកមានតែពីររូប ដូច្នេះការបន្តយកសំណាកនេះ មិនទាន់ដឹងថាអាចនឹងធ្វើដល់ពេលណានៅឡើយនោះទេ៕
អត្ថបទ៖ ឡេង ដេត
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ