កូវីដ-១៩

ប្រធានមន្ទីរសុខាភិបាល៖ ខេត្តតាកែវមានអ្នកឆ្លងជំងឺកូវីដ-១៩កើនឡើងជិត៤០០នាក់ ហើយ៩០%ជាកម្មករ

បានផុស

៥ years មុន

នៅ

ថ្ងៃអាទិត្យ ១៦ ឧសភា ២០២១

ដោយ

លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវបានឲ្យដឹងនៅរសៀលថ្ងៃទី១៦ខែឧសភានេះថា គិតត្រឹមព្រឹកថ្ងៃទី១៦ ខែឧសភាឆ្នាំ២០២១នេះ ខេត្តតាកែវមានអ្នកឆ្លងជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈ សរុបចំនួន៣៩០នាក់ ស្រី២៥១នាក់ ក្នុងនោះស្លាប់បាត់បង់ជីវិតចំនួន៤នាក់ ដែលមានប្រហែល៩០ភាគរយជាកម្មកររោងចក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតបានបន្តថា ក្នុងចំណោមអ្នកឆ្លង៣៩០នាក់នោះ ក្នុងនោះមានតេស្តវិជ្ជមានករណីថ្មីចំនួន៧០នាក់ ស្រី៤៨នាក់ ក្នុងនោះមាននៅស្រុក ព្រៃកប្បាស១៩នាក់ ស្រី១៣នាក់ ស្រុកបាទី៤១ នាក់ ស្រី២៧ ស្រុកសំរោង៥នាក់ ស្រី៤នាក់ ស្រុកត្រាំកក់២នាក់ និងស្រុកអង្គបុរី៣នាក់ ភាគច្រើនជាកម្មកររោងចក្រ។

លោកវេជ្ជបណ្ឌិតបានបន្តទៀតថា ក្នុងចំណោមតេស្តវិជ្ជមានកូវីដ១៩សរុប៣៩០នាក់ មានអ្នកជំងឺកំពុងព្យាបាលនៅតាមមន្ទីរពេទ្យចំនួន២៩០នាក់ ស្រី២០៥នាក់ ដែលពួកគាត់មានស្ថានភាពជំងឺល្អធម្មតាទេ និងករណីជាសះស្បើយចំនួន៨៦នាក់ ស្រីចំនួន៤០នាក់។ បញ្ជូនអ្នកជំងឺ១០នាក់ស្រី៤នាក់ក្នុងនោះមាន៥នាក់ ទៅមណ្ឌលព្យាបាលព្រីមៀសែនសុខ ភ្នំពេញ , ២នាក់ទៅមន្ទីរពេទ្យហ្លួងម៉ែ ,១នាក់ទៅមន្ទីរពេទ្យចាក់អង្រែ និងមានករណីស្លាប់ចំនួន៤នាក់ ស្រី០២នាក់ ។

លោកប្រធានមន្ទីរសុខាភិបាលសូមអំពាវនាវដល់ប្រជាពលរដ្ឋត្រូវអនុវត្តកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាពឱ្យបានម៉ឺងម៉ាត់បំផុតពិសេសអនុវត្តវិធានការ៣ការពារ៣កុំឲ្យបានខ្ជាប់ខ្ជួនជាទីបំផុត។

លោកវេជ្ជបណ្ឌិត នុត ស៊ីណាត បានបន្ថែមទៀតថា ជាងនេះទៀតត្រូវធ្វើចត្តាឡីស័កឲ្យបានត្រឹមត្រូវតាមការណែនាំរបស់ក្រសួងសុខាភិបាល ដូចជាពាក់ម៉ាស កុំប្រឡែងគ្នា និងត្រូវរក្សាគម្លាតពីគ្នាដើម្បីចៀសវាងការឆ្លងជំងឺកូវីដ១៩ពីបុគ្គលមួយទៅបុគ្គលមួយទៀតនៅក្នុងកំឡុងពេលធ្វើចត្តាឡីស័កនេះ។

គួរបញ្ជាក់ថា គិតត្រឹមព្រឹកថ្ងៃទី១៦ ខែឧសភា ឆ្នាំ២០២១ នេះ កម្ពុជាមានអ្នកឆ្លងជំងឺកូវីដ១៩សរុបចំនួន២២១៨៤នាក់ អ្នកជាសះស្បើយចំនួន១២១២០នាក់ និងអ្នកស្លាប់ចំនួន១៥០នាក់៕

អត្ថបទ ៖ សំអឿន

Related Topics:រដ្ឋបាលខេត្តតាកែវ កូវីដ-១៩

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា